গালাতীয় 6

বেশাআ বাব্ত্তে হুন্ডিপে।

1বকংতেকু, যাহায় যদি জাহান গুনাঃ রে স্যাপ তুকা কানায়, এন্খান আপে অকয় আত্মাজ্ঞানীকু, আপে এনে এঙ্কা সাপা হেৎদ রিলামালা মনেতে বুঝা রুয়াড় আগুই পে, মেন্খান হুঁসিয়ার তাহিন্মে বাংখান্দ আম হঅ ছাঁদাবাঁদাম।

2আপে যত হড় পারা পারি রাঃআ হাঁবাল গঅয়পে, নেকা লেকাতেগে খ্রীস্ট রাঃআ নামা ব্যবস্থা পুরাঃআয়পে।

3চিয়া চি যাহায় যদি মনেয়ায়, ইঞগে যত কিছু, মেন্খান কামিরে ইনিদ যাহানিচ ল্হয়, আচ আচকেগে খাটঃ তানায়।

4মেন্খান ঝত হড় আকুয়াআ কামিতে প্রক্ষাঃআকু, এন্খান এটা হড় রাঃআ কামী লঅ কা যখা তুলা কাতেত, আয়ায়্য় নিজ কমিতে খুসিরে তাহি নায়।

5চিয়াচি জ্ত্চ রাঃআ উচিৎ, আপান আপিন হাম্বাল গঅ ইদি।

6মেন্খান অকয় হড় ঈশ্বর রাঃআ বচন বাব্ত্তে জ্ঞান নামেয়ায়, ইনি চেচেদিচ কে যত লেকানা বেশ কামী কুরে দেঙ্গা এমাই কাঃআ।

7আলপে চম্কাঃআ, ঈশ্বরকে হিয়ালি করাঃআ কা হড় আ; চিয়া চি মান্মি অকাঃআ কু হেরেয়া ইনাগে কু ইরিয়া।

8অকয় হড়ম রাঃআ লোভ লালচ নাতিনাং জাং হেরেয়ায়, ইনিদ ইনা হড়ম নাতিনাং গে বিনাশক গেলে ইরিয়েয়্য়; মেন্খান রিলামালা আত্মা রাঃআ জাং অকয় হেরেয়ায়, ইনিদ আত্মা হাতেৎ জায়যুগ জিউ রাঃআ গেলে ইরিয়ে য়ায়্য়।

9দেলা, আবু বুগিন কামী কমিতে আল্বু থাকা কাঃআ; চিয়া চি কাবু থাকা লেন খান সেটের মাহারে বুগিন গেলেবু নামেয়া।

10ইনাতে দেলা, আবু চিল্কা দাও নামেৎ আবু এনেঙ্কা পাতিয়ান হড় কুরাঃআ পাহি কুরাঃআ বেশ মনন্তরতে দেঙ্গা কুয়াবু।

সুনু চুটি গেত দ ল্হয় মেন্খান নামা সির্জ্ন।

11নেলেম, ইঞাঃআ নিজ তিহিতে চিন্তিৎ মারাঃআং হরফ তে অলাৎ মেয়াঞ!

12অকয় হড় কু হড়ম নেল নাতিনাং ইচ্ছা মেনাআ, ইঙ্কূ হড় কুগে আপেকে সুনু চুটি গেৎ নাতিনাং উস্কাৎ পেয়া; নিয়া নাতিনাং নেকান কামী করাঃআ বুঝা কু তানা, যেন খ্রীস্টকে ক্রাঃআস নাতিনাং এঙ্কূ কে সাসেৎ আল হয়ুকআ।

13চিয়া চি অকয় কু সুনু চুটি গেৎএ তানাকু ইঙ্কূ হঅ জাগতিক ব্যবস্থা কাকু মানায় তানা, তুবু রহঅ আসি তানাকু আপে হঅ সুনু চুটি গেৎএ পে, যাতে ইঙ্কূ আপেয়া হড়ম বাব্ত্তে খুশিকু নামে কআ।

14মেন্খান আবুয়াআ প্রভু খ্রীস্ট রাঃআ ক্রাঃআস বিনা ইঞ এটাআ জাহান বাব্ত্তে খুশি কাঞ তাহি দাড়িয়া; ইনি লিয়া ইঞাঃআ দিসুম, হেৎদ দিসুম নাতিনাং ইঞ ক্রাঃআস রে হাকা কানাঞ।1

15চিয়া চি সুনু চুটি গেৎ হঅ জাহানা লহয়, সুনু চুটি কা গেৎ হঅ জাহানাআ লহয়, মেন্খান নামা সির্জ্ন গে আসল্দ।

16অকয় হড় নিয়া হরাঃআ তেকু তাড়মেয়া, ইঙ্কূ য়া হান্ডে 'সুলুক' হেৎদ দায়া হিচু কাঃআ, ঈশ্বর রিঙ্কূ হড় 'খেরয়াল কুরাঃআ হান্ডে হিচু কাঃআ'

17নাহাআ হাতেৎ যাহায় ইঞকে কষ্ট আলকু এমাংকআ, চিয়া চি ইঞাঃআ হড়ম রে যীশু রাঃআ হড়ম চেগেড় চিন্হ গঅ তাৎআঞ।2

18এ ব্কং তুকু আবুয়া প্রভু যীশু খ্রীস্ট রাঃআ দায়াদুলাড় অপেয়াআ আত্মা তালারে তাহীন কাঃআ, পেরেচ।