কড়া অনুবাদ
গালাতীয় 4
মেন্খান ইঞ গামেয়াঞ, পিড়িধীকার দ চিমিন মাহা হুডিং হন লেকায় তাহিনা, ইমিন মাহা যতচ ায়্য়্ রাঃআ মালিক হুই কাতে রহঅ মুনিস রাঃআ তিহিরে থির হাতাড়আ;
মেন্খান আপু রাঃআ নির্দিস্ট মাহা অব্দি ইনিদ নেলাতেন রাঃআ হেৎদ সম্পতি যত জিমিৎ ারী মুনিস রাঃআ ধিনরে তাহি না।
এনে এঙ্কাগে আবু হঅ চিন্তং হুডিং হন বু তাহীন কেনা, ইন্তং ধার্তি রাঃআ তলা কানা ব্যবস্থারে তল্বু তাহীন কেনা খ্রীষ্ট হিচু ব্দি।
মেন্খান মাহা পুরালেন খান ঈশ্বর আয়া আ হান্ডে হাতেৎ আয়ায়্য় একাপুত হন কে কুলকিইয়ায়্য়; ইনিদ ডাঁগুয়া কুড়ি হন রাঃআ হর কাতে জানামে নায়, ব্যবস্থা রাঃআ ধীনরেগে জানাম লেনায়.
যাতে ইনিদ গনঙ্গ এম কাতে ব্যবস্থা তে তলা কানাকু হড়কুকে রাঃআড়া ছাডা কুয়ায়্য়, যাতে আবু ঈশ্বর রাঃআ ধরম বেটা মেন্তেবু হয়ুকা আ।
হেৎদ আপে ইনি রাঃআ হন, নিয়া খাতির ঈশ্বর আয়ায়্য় একাপুত হন রাঃআ আত্মা কে আয়ায়্য় হান্ডে হাতেৎ আবুয়া আ অন্তর রে কুলতাৎ আয়্য়; ইনি আব্বা বা মেন্তে রাঃআইয়ায়্য়।
তবে খান আমদ নাহা আ মুনিসদ ল্হয়, বরং বেটা; হেৎদ চিন্তং এম বেটায়নাম ইন্তংদ ঈশ্বর লিয়া পিড়িধীকারীম হুএনা।
ঈশ্বর রাঃআ দায়াদুলাড়রে থির তাহীন নাতিনাং বিন্তি।
নিয়া মাড়াং তে, পাহামেম মিৎ কাল তাহীন কেনা আপে ঈশ্বর কে কাপে সারিই কেনা, সার্তি কাতে অকয় ঈশ্বর ল্হয় ইঙ্কূ হাসা ঠাকুর কেপে সেবা আগু লাত কুয়া;
মেন্খান নাহাআ ঈশ্বর রাঃআ চিপ্না পে নাম তাৎআ, ঈশ্বর লিয়া চিন্হায় নাপে; তবে খান চিকা কাতে অটহঃঅ ইনা মায়াং পেটেছ জাগতিক আরিচালি দরেম রুয়াড় তানাম, রুয়াড় কাতে অটহঃঅগে মুনিস লেকা তাহিন বুঝাৎ মেয়া?
আপে বিশেষ বিশেষ মাহা, বঙ্গা, ঋতু, হেৎদ সির্মাং পে মানায় তানা।
আপেয়ায়্য় বাব্ত্তে ইঞাঃআ বর হুয়ায়্য়; উকুই তার, আপেয়া তালারে সুধুগেং কামী তানা।
এ হাগাঞকু, আপেকে নিয়া বিন্তিয়াপে তানাঞ, আপে ইঞ লেকা হুয়াপে, চিয়া চি ইঞ হঅমা আপে লেকাঞ তাহি লানা। আপে ইঞাঃআ জাহানাআ কাপে অপকার তাৎআ;
হেৎদ আপে সারিগেয়াপে, ইঞাঃআ হড়ম রাঃআ রুয়া রাবাং নাতিনাং আপেয়া আ হান্ডে যত হাতেৎ মাড়াংতে বুগিন বার্তা পাসনা নাতিনাং দাওঞ নাম লাৎআ;
হেৎদ ইঞাঃআ হড়ম রাঃআ থাকা নাতিনাং আপে অকা বিডা রেপে নুর লেনা, ইনা কাপে অবহেলা তাৎআ, কাপে ঘিন্না কানা, ঈশ্বর রাঃআ সরগ নাগাকু লেকা, খ্রীস্ট লেকা ইঞ কেপে আতাং লিইচাঞা,
তবে খান অপেয়ায় ইনা সারাঃআও আত্মা নাহাআ ক্দেরেনা ? চিয়া চি ইঞ আপেয়া হুই কাতে সাক্ষিঞ এমে তানাযে, সাধ্য় তাহি লেন্খান আপে আপান আপিন রাঃআ মেৎ উদুঙ কাতেপে এম কিঞা।
তবে খান আপেয়া হান্ডে সার্তি গামতে কিনা আ ইঞদচি আপেয়া হান্ডে বৈরীঞ হুয়াকানা ?1
ইঙ্কূ চিল্কা বেস্লেকা আপেকে নেল আতেনেৎ পেয়াকু, ইঙ্কদ বেশগটা কাকু করায় তানা; বরংচ ইঙ্কূ দ আপেকে বাহারে দহ নাতিনাং ইচ্ছা মেনা আ, যেন আপেগে ইঙ্কূ কে বেস্লেকা নেল আতেন কূপে।
শুধু আপেয়া হান্ডে হাজিরা কানাঞ মেন্তেদ ল্হয় মেন্খান সর্বকলরে বুগিন বাব্ত্তে বেস্লেকা নেল আতেন বেসা।
ইঞাঃআ আপানার রিঙ্কূ হন হপন আপে নাতিনাং অটহঅগে জানাম বেদনাতে কষ্ট তানাইঞ, যত ভুর খ্রীস্ট লেকা কাপে হুয়ায়্য় তানা।
ইঞাঃআ নেকা মনে হয়ুতানা যে, ইঞ যদি নাহা আ গে আপেয়া হান্ডে সেন দাড়ি কঃআ হেৎদ মটা সুরতে এগের দাড়ি কিইয়ায়্য়্য়ঞ ! চিয়া চি ইঞ আপেকে লিয়া কিনাঃআ যে চিকাঞ জাহানাআ কাইঞ বুঝা দাড়িতানা!
সারাঃআ হেৎদ হাগা।
গামেপেসিন, আপে মা ব্যবস্থা রাঃআ অধিনরে তাহীন বুঝাপে তানা, ব্যবস্থা অকা আ গামেয়ায়্য়, ইনা দ্চি আপে কাপে আয়ুম তাৎআ ?
চিয়া চি রিলামালা শাস্ত্র রে অল মেনা আ, অব্রাহাম রাঃআ বারিয়া হন কিন তাহি লেনা, মিহুড় দ কিরিং কুড়ি রাঃআ, অটঃঅ মিহুড় রাঃআ দ অড়া এরাঃআ রাঃআ,2
কিরিং কুড়ি রাঃআ হনদ জাগতিক হড়ম ভাবতে জানাম লেনায়, মেন্খান অড়া এরাঃআ রাঃআ হনদ জানাম লেনায় মিয়াৎ এক্ড়ার চিহ্নালেকা।
নিয়া থুতি রাঃআ রহস্য মেনা আ, চিয়া চি ইঙ্কিন বারিয়া এরাঃআ বারিয়া চুক্তি; মিয়ুড় রাঃআ চুক্তি দ সিয়ান বুরু হাতেৎ, অকয়্য় দ মুনিস হড়কুকে জানাম কুয়ায়্য় য়। ইনিদ হাগার।
হাগার দ আরব দিসুম রেনিচ সিয়ান বুরু; হেৎদ নাহা আ ইনিদ জেরুসালেম রাঃআ লেকা, চিয়া চি ইনিদ আয়া আ হন হপন কু লঅ মুনিস তানাকু।
মেন্খান সাল্গী জেরুসালেম অকাঃআ সরগরে ইনাদ স্বাধীনা, হেৎদ ইনি আবু য়াআ মাই তানায়।
চিয়া চি অল মেনা আ 'আমদ আটকুড়া এরা, আপে অকয় হন আউরি পে জানাম কুয়া ! রম্জেপে, আপে অক্য়্কু জানাম বেদনা যাহা হুলাং আউরি পে আটকারেয়া, রম্জেপে, চিয়া চি গং কুড়ি হাতেৎ ছাডুই কুড়ি রাঃআ হন হপন কু ডেরঅ আকু।3
এ হাগা মিসি তুকু, আপে হঅ ইনি ইসহাক লেকা এক্ড়ার রিঙ্কূ হন।
মেন্খান হড়ম লেকাতে জানামা কান হনকু চিল্কা ইনা হুলাং আত্মিক লেকাতে অকয় আম্মাতে জানামা লেনায় ইনিকে নির্যাতনেৎ কেনাকু, এনে এঙ্কাগে নাহা আ হঅ হুয়্তানা। 4
তবেখান শাস্ত্রকিনাআ গামেৎ আয়? ইনি মুনিস কুড়িকে হানি রাঃআ ইনি হনকে উডুং গিডিকিন মে; চিয়া চি ইনি মুনিস হনদ যাহা হুলাং স্বাধীনা হন লঅ সমান পিড়িধীকার কায় হুই দাড়িয়া।5
তবেখান, এ ব্কং তেকু আবুদ মুনিস হনদ লহয়, আবুদ স্বাধীনা হন।
Source notes (5)
- Footnote আমোস 16 :10
- Footnote আদি পুথি 16 :5, 21 :2,
- Footnote জিসাই 54 :1,
- Footnote আদি পুথি 21 :9
- Footnote আদি পুথি 21 :10,
কড়া অনুবাদ. Copyright © 2024 Bridge Connectivity Solutions Pvt. Ltd. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.