2 থিষলনীকীয় 2

কাইহেরেল রাঃআ সদর।

1অটঃ হঅ, এ হাগা মিসি কু, আবুয়া প্রভু যীশু খ্রীষ্ট রাঃআ হিচু হেৎদ আয়ায়া হান্ডে আবু কে ইদি হুন্ডি নাতিনাং লে নেহরঅ তানা।

2আপে যাহান আত্মা লিয়া, চি জাহান থুতি জাগার লিয়া, চি আলেলে অলা তাৎপে লেকা, গিরা সেকাম লিয়া, মন রাঃআ যেদ হাতেত আলম হান্তে নাতেয়া চি আলম চমকাঃআ,আলম হুদিসেয়া যে প্রভু রাঃআ রুয়াড় হিচু মাহা সেটেরেনা;

3যাহায় যাহালেকা তে আপেকে আলকু প্টাপেকাআ, চিয়াচি ইনা মাহা দ কা হিচু য়া চিন্তং উতার ইনি বিন ধরম মান্মিৎ ইনি বিনাশ-হন কায় সদরয়ায়্য়।

4অকয় বিরূধে য়ায়্য় ইনিদ আচকে ঈশ্বর রাঃআ নুতুম তে হেৎদ মান্তান যত কুরাঃআ হাতেত আচ নিজেকে মারাংইয়ায়্য়, নেকা হঅ হুয়য়া ইনি ঈশ্বর রাঃআ জাহের স্থান রে দুপ কাতে আচ নিজেকে ঈশ্বর মেন্তে গাম্যয়ায়্য় (যিশাইয় 28:2, দানিয়েল 11:36, 37)

5অপেয়ায় দ চি পাহাম কা হিচু তানা, মাড়াংতে ইঞ আপেয়া হান্ডে চিন্তং তাহীন কেনাইঞ ইন্তং আপেকে নিয়াকু জাগরেত পেকেনাইঞ?

6হেৎদ ইনি যেন নিজ মাহা রাঃআ সদরঅ কাআ, ইনা নাতিনাং ইনিকে কিনাআ তে বাধা তে দহ হুয়া কানা, ইনা মাপে সারিগেয়া।

7চিয়া চি বিন ধরমীয় রাঃআ উকু মেনাআ দাড়ি নাহাআ হঅ কামী তানায়; মেন্খান চিমিন ভুর হানিকে কুদা গিডি ক হয়ুয়া, ইমিন ভুর অকা কামিরে বাধা দহ তাৎআয় ইমিন ভুর ইন্কা কামী ইদিয়ায়্য়।

8হেৎদ ইন্তং ইনি বিন ধরমীয় সদরয়ায়্য়, মেন্খান প্রভু যীশু আয়ায়্য় মচা রা আ সাহেতে ইনি এ উদু-সদরোআয়, ইনি প্রভু আয়া মচারেয়া সাহেত ইনি দুষ্ট মান্মি কে ভসমিয়ায়, হেৎদ নিজ রুয়াড় হিচ সদর নাতিনাং হানি রাঃআ দাড়ি কমা চাবায়ায়্য় (ইয়োব 4:9, যিশাইয় 11:4)

9ইনি অধার্ম্মিক হড় শয়তান রাঃআ দাড়ি তে হিচু য়ায়, অকাআ লাভাকিয়া নানান হুনার হাহাড়া কামীকু হেৎদ যত লেকানাআ চীনহা কু হেৎদ আকাধান্দা নালাআকু তাহিনা,

10হেৎদ অকয় কু বিনাশঅ তানা উন্কু কে খাটঅ নাতিনাং যত রকম রাঃআ অধার্মিক রাঃআ হাতিয়ার কামিরে লাগায়ায়; চিয়াচি ইঙ্কূ বানচা নাতিনাংতে সার্তিরাঃআ দুলাড় কাকু আতাং তাৎআ।

11হেৎদ ইনা নাতিনাং ঈশ্বর ইঙ্কূয়া হান্ডে চমক-চাম্ক লেকানাআ কামি কূলেয়ায়, যাতে ইঙ্কূ ইনা বেদা থুতি-জাগারকু পাতিয়াকাআ,

12যাতে ঈশ্বর ইঙ্কূ যত হড়কুকে ধরবার দরবাররে দায়ী/দোষী দাড়িয়া কুকাঃআয়, অকয়কু সার্তিকে কাকু পাতিয়া কানা, মেন্খান অধার্মিকরে তাহিকাতেন খুশিকু তাহিলেনা।

প্রভুরে ধীর তাহিনাতিনাং আপত্তি।

13মেন্খান এ হাগাকু, প্রভু রাঃআ দুলাড়াকানকু, আলে আপে নাতিনাং যত মাহা ঈশ্বরকে ধন্যবাদ এম বাধ্য়তানালে, চিয়াচি ঈশ্বরদ মাড়াং হাতেন আপেকে আত্মারাঃআ রিলামালা এমকাতে হেৎদ সার্তিরাঃআ পাতিয়ারে বাঞ্চা নাতিনাং বাছাতাৎপেয়ায় (ইফিসিয় 1:4, 5, 1 পিতর 1:1-5, দ্বিতীয় বিবরণ 33:12)

14হেৎদ ইনা দিশা কাতে আলেয়া বুগিন বার্তা নাতিনাং তে আপেকে রাঃআ তাৎ পেয়ায়্য়,যাতে আপে আবুয়া প্রভু যীশু খ্রীষ্ট রাঃআ গুনমানত রে হাটিং নামিচ হুই দাড়িয়াপে।

15এন্খান এ হাগা মিসি কু, তিঙ্গুকেটেচ পে হেৎদ আলেয়া জাগার তে চি আলেয়া অলতেপে চেদাকান জাগার কু স্বাব দহয় পে।

16হেৎদ আবুয়া প্রভু যীশু খ্রীষ্ট গে হেৎদ ঈশ্বর আপুগে, অকয় দ আবুকে দুলাড় তাৎ বুয়ায় হেৎদ যায়-যুগ রাঃআ জিউ রাড়েজ হেৎদ সরেষ আশ এমাৎ বুয়ায়।

17ইনি আপেয়া অন্তররে রাড়েজে কাঃআয় হেৎদ যত বেশ লেকানাআ কামিরে হেৎদ জাগাররে দাড়িয়ান এমে কাঃআয়।