কড়া অনুবাদ
1 তীমথিয় 3
অধ্যক্ষরাঅ যোগ্যতা
নিয়া জাগার কুদ পাতিয়া লেকানা আ, যদি যাহায় চেচেদিচ রাঃআ গুরুভার হাতা রাঃআ আক্ষাঙ্কা হ্যুয়া, তবে ইনি বুগিন কামীরাঃআ ইচ্ছাযায়। এন্খান নিয়াদ হইতারাঃআ, চেচেদিচরাঃআ ঞতুম খারাপ ল্হয়, মিত এরা রাঃআ হেরেল, সিবিল থুতি জাগার, হড়মক্ব্জ, সাজ-গজ, পাহিখাতিরিচ, হেৎদ চেচেদ এমরে পুটু হ্য়ুউম; আরখি -ক্লাঙ্ রে ডুঁবুচ চি দাদালিচ আলম হয়ূয়া মেন্খান নিরহ, নির্ব্বিরোধ হেৎদ অর্থলোভি আল তাহীন কা আ আমাঃ আ নিজ পরিবার/ঘারঞ্জ শাসন বেশলেকাতে করাম, হেৎদ নিরশ তে হন-হপন কুকে বসতে দহ কুম; মেন্খান যদি যাহায় অড়া আ শাসন কায় দাড়িয়া আ, ইনি চিল্কাতে ঈশ্বর রাঃআ মন্ডলী (ঘারঞ্জ) লালন -পাল্নেয়া ? ইনিদ নামা চেলা আলয় হয়ুঃকাঃআ পালেত গরব কাঁড়া কাতেত শয়তান রাঃআ ধরবাররে নুরুয়ায়। হেৎদ মন্ডলী বাহার রিঙ্কূ হড় কু রাঃআ হান্ডে হ অ বেশ সাক্ষ হাতা আয়া আ করনীয়, পাছে তিরস্কারতে হেৎদ শয়তান রাঃআ জলরে ঝালিয়ায়।
কামিয়ানকুরা/সেবককুরা যোগ্যতা
এনেএঙ্কাগে ঞেল আতেন কুরাঃআ হ অ করনীয়, যেন উঙ্কু ধীর হয়ুকা আ কু, যেন বারথুতিয়ান, ক্লাঙ্ আরখি তে ডুঁবুজ, খারাপ হরকাতে আয়কাতে কিসাড়রাঃআ ইচ্ছা আল তাহিনকা। হেৎদ সুচি সংবেধরাঃআ পাতিয়া রাঃআ নিগূড়তত্ত্ব আতাঙ এম হেৎদ মাড়াংতে উন্কুকে হ অ বিধাও য়ু কা আ যদি উঙ্কু আ দুর্নাম বায়া আ না এনকান নেলাতেন রাঃআ কমীরা তাহীন কা আ কু এনে এঙ্কাগে এরা হনকু হ অ গে ধীর, অপবামাহা ী ল্হয়, সিবিল লান্দাথুতি, হেৎদ যত বেপার রে পাতিয়ানিচ হযু কা আ ঞেল আতেন কুরাঃআ মিত মিত হড় কু রাঃআ মিত মিত বাহু বর হযু কা আ কু, হেৎদ হন হপন কুকে হেৎদ নিজ অড়া দুয়ার বেস্লেকাতে শাসনেম। চিয়াঃ চি অকয় বেসলেকাতে ঞেল আতেন রাঃআ কামী পুরা তাত আয়, উঙ্কু আকুয়াআ খাতির সুপ্রতিষ্টা, হেৎদ যীশু খ্রিস্ট রাঃআ বাব্ত্তে পাতিয়ারাঃআ গাদা সাহস লাভ নামেয়া।
মারাং রহস্য়
ইঞ খুব ঘিড় মেন্তাং আমাঃ আ হান্ডে হাজির র অআইঞ, নিয়া আস তেনিয়া কুঞ অলাম তানা;মেন্খান যদি ইঞা আ বিলম্ব আ,
যদি ইঞা হিচু রাঃআ দেরিয়া তবে আম সারিঞামে য়াম যে ঈশ্বর রাঃআ অড়ারে চিল্কা আচার বেবহার করা হ্যুয়া; ইনা অড়া মা জিউতঈশ্বর রাঃআমন্ডলী, সার্তি রাঃআ খুনটু হেৎদ শক্তভিতরে। হেৎদ ভুক্তি রাঃআ নিগুড় তত্ত্ব ম্হ্ত্ক, নিয়া দ সর্বব সম্মত, অকিৎ মায়ম-জিলুতে স্দরেনায়, নাঙ্গাকুরাঃআ হান্ডে ভেট লেনায়, জাতিকুরাঃআ হান্ডে পাসনাএনায়, ধার্তিরে পাতিয়া লেকাতে আতাঙ লেনায়, আয়া আদাড়িতে চেতাঙ রাকাপ এনায়।
কড়া অনুবাদ. Copyright © 2024 Bridge Connectivity Solutions Pvt. Ltd. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.