1 থিষলনীকীয় 2

থিষলনীকীয় রে পল রাঃআ বুগিন বার্তা উচ্ছান।

1এ বকইঞতুকু হেৎদ মিসি তুকু, আলে আপেয়াআ হান্ডেলে বেকার কালে হিচা কানা ইনা আপেগেপে সারিয়া।

2আপে সারিয়াপে আলে মাড়াংতে ফিলিপী রে দুঃখ হেৎদ অপমান সাহা তাৎআলে, রহ আলে আলেয়া ঈশ্বররেলে সাহসেন্তে গাদা হড়রাআ বিরুধ সত্বে হঅ আলে আপেয়া হান্ডেলে ঈশ্বররাআ বুগিন বার্তা রাআ জাগার পাস্না লাৎআলে।

3চিয়াচি আলেয়া চেচেদা দ যাহান বেদালেকানাআ চেচেদা, চি অছুতি চি ছল-চাল হাতেন দ লহয়,

4মেন্খান ঈশ্বর চিল্কা আলেকে জিমাকাতে আলেয়া চেতাংরে বুগিন বার্তারাআ ভারাজনা দঃহঅতাৎআয় এনকালে জাগারেতানা, হড়আমানকুকে কুশিতকা নাতিনাংদ লহয় মেন্খান ঈশ্বর, অকয় আবুয়া অন্তর বিডায়াআয়। তিত্স 1; 3 ইপিসিয়্ন 6:6

5চিয়াচি আপে পে সারিয়া, আলে দ যাহাচিল্লং লুবুর-চুবুর/লসর-পসর থুতি তে চি লালচাকান ছলতে কালে লাঠাকানা, নিয়ারাঃআ লুকুন্দী দ ঈশ্বরতানায়।

6হেৎদ আলে মান্মিকুরাআ হাতেৎ মান হাতা নাতিনাং কালে কুরু মুটু তাৎআ, আপেয়া হান্ডে হাতেৎ হঅ লঅহয়, এটা মান্মি কুরাঃআ হান্ডে হাতেৎ হঅ ল্হয়, যদি হঅ খ্রীষ্ট রাঃআ কুলিচ কু হুইয়েন তেহ আলে আপেয়াআ হান্ডে হাতেন সুযোগ হাতাহঅ দাড়িয়া কেয়ালে হুনাং।

7মেন্খান চিল্কা মাইতেৎতুকু আপনাররাআ হনকুকে হারা বুরুকুয়াকু, এঙ্কা আলে আপেয়া তালা রে স্নেহ রাআ ভাব উদুলাৎআলে।

8এঙ্কালেকা আলে আপেকে দুলাড় কাতে একেন ঈশ্বর রাঃআ বুগিন জাগারতেদ লহয়, মেন্খান আপান আপিন জিউ হঅ আপেকে হাটিংলে সাপড়াকেনা, চিয়াচি আপে আলেয়া দুলাড়িয়া কুপে হুইলেনা।

9এ বকইঞ কু আপে দ আলেয়া খাটনি/মেহনৎ হেৎদ কুঠিন কুরু মুটু পাহাম মেনাআ; আপেয়া যাহায় রাঃআ বঝা আল হুইয়কাঃআলে, ইনা মেন্তে আলে সিঙ্গি নিন্দা কামী কামীতে আপেয়া তালা রে বুগিন জাগার পাস্নাৎ কেনালে।

10হেৎদ আপে পাতিয়ানকু যে, আপেয়া হান্ডে আলে চিল্কা রিলামালা হেৎদ ধরমমান হেৎদ নির্দোষলে তাহীনকেনা, ইনারাঃআ লুকুন্দীকু আপে মেনাপেয়া হেৎদ ঈশ্বর হঅ মেনাইয়া।

11আপে মা সারিয়া পে, আপু চিল্কা আয়া হনকুকে, এনকাগে আলে আপে মিমিৎ হড়কে উৎসাহ হেৎদ সান্তনা এমাকেনাপেয়ালে,

12যেন আপে ঈশ্বর রাঃআ সামাং রে নেক লেকাতে সেসেনপে, অকয় আয়া রাঃআজ্য হেৎদ মহিমা রে বাতলা পে তানায়।

থিষলনীকীয় কুরাঃআ ধীর নাতিনাং পল রাঃআ খুশি।

13হেৎদ নিয়া নাতিনাং আলে হঅ দিন হুলাং ঈশ্বর রাআ লে সারহায় তানা, আলেয়া হান্ডে ঈশ্বর রাঃআ কুলাকান নামকাতে/আয়ুমকাতে, আপে মান্মিকু রাআ জাগার দঅ লহয়, মেন্খান ঈশ্বর রাআ জাগার মেন্তে ইনা আতাং লাৎআপে, ইনা সার্তিগে ঈশ্বর রাআ জাগার হেৎদ আপে পাতিয়ান আপেয়া তালারে নিজেরাআ কামী পুরায়তানাপে।

14চিয়াচি, এ হাগা মিসি কু, যিহূদিয়া রে খ্রীষ্ট যীশু তে ঈশ্বর রাঃআ অকা যত মন্ডলী মেনা, আপে ইঙ্কূয়া সেসেনিজকু হুইয়াকানাপে, চিয়াচি ইঙ্কূ ইহুদিকুরাআ হাতেন চিল্কা লেকা দুখ নামতাৎআকু, আপে হঅ আপেয়া নিজে জাইতকুরাআ হড়কুরাআ হান্ডে হাতেন এঙ্কালেকা দুখ নামতাৎআপে।

15যিহূদীকুদ প্রভু যীশুকে হেৎদ ভাবি জাগারিজ কুকে গয়চলাৎ কুয়াকু, অটঅ আলেকে কুদা-গিডি লাৎলেয়াকু, ইঙ্কূ ঈশ্বর রাআ কুশিয়ানকু লহয় হেৎদ ইঙ্কূ যতয় হড়কুরাআ উল্টা।

16ইঙ্কূ আলেকে বিন-ইহুদিকুরাআ উদ্ধার রাআ নাতিনাং ইঙ্কূয়া হান্ডে থুতি গামঅতে মানাতানালেয়াকু, নেএ নেকাগে দিনাৎ দিন নিজেরাআ কাইরাআ হাম্বাল বাড়ায়েন্তে ঈশ্বররাআ মুকামতে সেটেরেনা, মেন্খান ইঙ্কূয়া হান্ডে চূড়ান্ত ক্রোধ সেটেরেনা।

মন্ডলী কু লঅ নাপাম নেপাল নাতিনাং পল রাঃআ আকাঙ্খা।

17হেৎদ, এ হাগা-মিসি কু, আলে হুডাং মাহা/ঘাড়ি নাতিনাং ভিনা লেনা লে, অন্তর তেদ ল্হয় মেন্খান আপেয়া হাজির তাহিনো তে হেৎদ আপেয়া মেদ মুহাড় নেল নাতিনাং তে আলেকে কুঠিন সানাকেৎ লেয়া হেৎদ চুহুলে নালে।

18চিয়াচি আলে দ, বিশেষকাতেন ইঞ পল, মিসা বারসা আপেয়া হান্ডে সেন সানা কেৎ লেয়া, মেনখান শয়তান এ মানা/আটকাকেৎ লেয়ায়।

19চিয়া চি আলেয়া আশা চায় রাঃআসকা চায় মহিমা রাঃআ মুকুট কিনা তানা? চিয়া আপে গে আবুয়া প্রভু যীশুরাঃআ সামাং রে ইনি রাঃআ হিচু হুলাংরে লহয় তানা পে?

20আপে গেমা আলেয়া মহিমা হেৎদ রাঃআসকা তানা পে।