1 করিন্থীয় 11

1ইঞা অতংইচ হুয়ুঅপে, চিল্কা ইঞ খ্রীষ্ট রাআ অতংইচ হুয়ুআ কানাঞ।

আরাধনা রাআ বৈশিষ্ট।

2ইঞ আপেকে গুনমানত এমাপে তানাঞ যে, আপে যত বিষয়রে ইঞ কেপে পাহাম দহ তিঃইঞা, অটঃহঅ আপেয়া হান্ডে চিল্কা চেচেদাঃআ কুঞ কুল তাৎ আঞ, ইনা চেচেদাঃআ কু আপে অতং ইদি তানাপে।

3মেন্খান ইঞাঃআ ইচ্ছা নিয়া তানা, যাতে আপে সারি নামে কাআ পে যে, যত হেরেল কু রাঃআ বহঅ চেতান রেদ খ্রীস্ট মেনা ইয়াআ হেৎদ এরা হন কু রাঃআ বহঅ চেতান রেদ হেরেল মেনা ইয়াআ হেৎদ খ্রীষ্ট রাঃআ বহঅ চেতান রেদ ঈশ্বর মেনাইয়া।

4অকয় কড়া হন বহঅ দাপাল কাতে বিন্তিয়ায়্, বাংখান ভাবী জাগারেয়ায়্য়, ইনিদ আয়ায়্য় বহঅ কে অর্থাৎ খ্রিষ্ট কে অপমানিয়ায়।

5মেন্খান অকয় এরা হন বহঅ রে কিচি কাঃআ এম কাতে বিন্তিয়ায়্য়, চি ভাবী জাগারেয়ায়, ইনিদ আয়ায়্য় বহঅ কে অপমানিয়ায়; কারন ইনি দঅ চাড্রা বহঅ এরা হন লেকা হুইঅআ।

6বেশ, এরা হন যদি আয়ায়্য় বহঅ কায় গুগুলুকাতে দহ য়েআয়, ইনি দ উপ হঅ গেদ গিডিকাঃ আয়; মেন্খান বহঃঅ রাঃআ উপ গেদ গিডি চি বহঅ চাড্রা এরা হন রাঃআ গিয়ু রাআ বাবদ তানা, এন্খান বহঃঅ তেয়ায়্য় দাপাল কাতে দহয় কাঃ আয়্য়।

7সার্তি জাগার্তে কিনা আ হেরেল হড় রাঃআ বহঅ দাপাল দহ ঠিক ল্হয়, কারন ইনিদ ঈশ্বর রাঃআ লেকা বানা তুকা কানায় হেৎদ ইনি রাআ দ্বারায়তে ঈশ্বর রাআ মহিমা হুইঅয়া; মেন্খান এরাদ হেরেল রাঃআ সন্মান।

8কারণ হেরেল দ এরা হাতেৎ লহয়; মেন্খান এরা দ হেরেল হাতেৎ বানা কানায়।1

9অটঃহঅ এরা নাতিনাং হেরেল কায় সির্জনা কানায়, মেন্খান হেরেল নাতিনাং গে এরাদ সির্জনা কানায়।

10চিয়াচি সরগ নাঙ্গা কু নেলেতানা ইনা খাতিরাং এরা কু রাঃআ বহঅ রে কর্তৃত্ব রাঃআ চিন্হা দহ লাক্তি।

11এন্খান প্রভুতে এরা হঅ হেরেল বাংখান লহয়, অটঃহঅ হেরেল হঅ এরা বাংখান লহয়।

12কারন হেরেল হাতেৎ চিল্কা এরায়, ইঙ্কা গে এরা লিয়া হেরেল জন্মা কানায়, মেন্খান জ্ত্যয়্য়াগে ঈশ্বর হাতেৎ হুয়ুয়া কানা। 13আপে আপেতে দরবার পে, বহঅ কাআ দাপাল কাতে ঈশ্বর রাঃআ হান্ডে বিন্তি দ চি এরা রাঃআ ঠিক?

14প্রকৃতি স্বয়ং দ্চি আপেকে কায় চেদ তাৎ পেয়া যে, হেরেল হড় জিলিং উপ পে দহ লেখান, ইনাদ আপেয়া গিয়ু রাআ বিষয়;

15মেন্খান এরা হন যদি জিলিং উপ দহ্যায়্য়, এন্খান ইনাদ আয়ায়্য় সনমান রাঃআ বিষয়; কারন ইনা উপ দাপাল নাতিনাং এম হুয়ুয়া কানা।

16মেন্খান যাহায় নিয়া বাব্ত্তে কু বাকঝৌড়িয়া, এন্খান নিয়া সারি কাঃআকু নেকানা আ চল দঅ আলেয়া আ তালারে বায়ায়না হেৎদ ঈশ্বর রাআ মন্ডলী তালা রেহ অ বায়ায়না।

প্রভু রাঃআ ভোজ বাব্ত্তে।

17নাহাআ নিয়া হুকুম এম নাতিনাং আপে কে কাঞ গুনমানতাঃ পে তানাঞ, কারণ আপে ঈশ্বর রাআ আরাধনা নাতিনাং মিশাতে হুন্ডিই তানা পে, ইনাতে বেশ দ কাঃআ হুয়অ তানা বরংচ বাড়িছ গে হুয়অ তানা

18কারণ মাড়াং মাতঃঅ, আয়ুম নামে তানাঞ, চিন্তং আপে মিসাতেপে মন্ডলীরে হুন্ডি তানা, ইন্তংগে পে দল হাটিং তানা, হেৎদ নিয়াদ হুডাঞ পাতিয়া তানা।

19সার্তি গাম তেদ কিনা আ আপেয়া তালারে দল হাটিং জারুরী মেনা আ, চিয়া চি আপেয়া তালারে অকয় কু প্রাকৃত ইঙ্কূ চিন্হা নাম্যাকু।

20জাহান গেয়া, আপে চিন্তং মিৎ থাং রেপে হুন্ডি তানা, ইন্তং প্রভু রাঃআ ভোজ কাপে মানায় তানা,

21নিয়াদ চিল্কা? যত হড় আপেয়া আ জমাপে জমে আ এটা হড় রাঃআ জম মাড়াং তে, ইনাতে চিকা তানা অক্যয় মিহুড় দঅ রেঙ্গেজ গে তাহিনোঃ তানায়, হেৎদ এটা অক্য়্কুদ বুল চাবা তানা।

22আপেয়া দ্চি অড়া দুয়ার বায়ায়্য় না জম নুউ নাতিনাং? চি ঈশ্বর রাঃআ মন্ডলীকে পে অমান্যই তানা? চি গিয়ু পে এমাকু তানা অকয় রেঙ্গেজ পাতিয়ানিচ হাগা মিশি কু রাঃআ জাহানা বায়ায়্য় না মেন্তে? কিনাঞ গামাপেয়া আপেকে? চি আপেকেঞ গুনমানত পেয়া ? কাইঞ গুনমানত পেয়া নিয়া কু খাতিরতে।

23কারন প্রভু হাতেৎ নিয়া চেচেদা আঞ চেদাকানা হেৎদ ইনা চেচেদা আ লেকাতে আপেকেঞ চেদেৎ পেয়া, প্রভু যিশু অকা নিদা বৈরী রাঃআ তিহিরে সাপতুকা লেনায়, ইনা নিদা পিঠা স্যাপ/হাতা কেৎ আয়, হেৎদ সারাও কেৎতে কেচা কেৎ আয়,

24হেৎদ গাম কেৎ আয় 'নিয়াদ ইঞাঃআ হড়মঅ তানা, নিয়াদ আপেয়া নাতিনাং গে; ইঞকে পাহাম দহ নাতিনাং নেকাগে করাঃআ আগুই পে।

25এনে ইঙ্কা লেকাগে জম কেৎ তে নুঘুটি হঅ স্যাপ কেৎ তে গাম কেৎ আয় 'নিয়া নুঘুটি ইঞাঃআ মায়মতে বানায় না নামা আরি চলি; চিমিন্সা নিয়াপে নুয়ায়্য় ইমিন্সা ইঞকে পাহাম নাতিনাং নেকা করায় পে।2

26কারন চিমিন্সা নিয়া পিঠাপে জ্মেয়া, হেৎদ নুঘ্টি তেপে নুয়ায়্য়, ইমিন্সা গে প্রভু রাঃআ গজ তত্ত্বপে পাসনায়া পে, চিল্লং অব্দি কায় রুয়াড় হিজুয়ায়্য়।

27তবেখান অযোগ্য় য়ান হড় কু প্রভু রাঃআ পিঠা কু জ্ম লেখান চি নুঘ্টি তে কু নু লেখান, ইঙ্কূ প্রভু রাঃআ হড় ম তে হেৎদ মায়্ম্তেকু দষীকু হ্যুয়ায়্য়।

28মেন্খান মান্মি আচ আয়া মাড়াঙ যাচাঃই কাঃআয়, হেৎদ ইনা পিঠা জম হেৎদ নুঘ্টিতে নুই কা আয়। 29কারন অকয় মান্মি জম নুয়ায়্, অথর্চ ইনি প্রভূ রাআ হড়ম কে কায় মর্যাদা ইয়ায়, তবেখান ইনি জম নুউ নাতিনাং নিজেকেগে বিডাইএম হুয়ুয়া।

30নেকানা আ নাতিনাং গাদা মান্মি নিজুরিয়া কানাকু হেৎদ রুয়া তানাকু, হেৎদ গাদা মান্মি কু গ্চাকানা।

31আবু যদি আবু নিজেকে যাচাই কুয়্য়াবু হুনাং, তবেখান আবু বিডারে কাবু নুর কয়্য়া হুনাং;

32মেন্খান আবু চিন্তং প্রভু এ দরবার বুয়ায়, ইন্তং বু শাসিতআ, চিয়া চি জাগতিক হড় লঅ আবু হঅ কুড়াই আলবু নামে কা আ।

33এন্খান এ ইঞা ব্কঞ হেৎদ মিশিঞ তিকু আপে চিন্তং জম নুউ নাতিনাং হুন্ডিয়া আপে, তায়্ম রে অকয় মেনাইচ গেয়া ইনিকে তাঙ্গিপে।

34যদি অকয় রাঃআ খুব রেঙ্গেচ লাগা কানা, ইনিদ অড়ারে জম হাতাড়ে কাআয়; আপেয়া হুন্ডি যেন দরবার রাঃআ কারণ আল হুইঅ কাঃআ। হেৎদ যতচয়া বাব্ত্তে, চিন্তংইঞ হিজুয়া, ইন্তংঞ হুকুমা পেয়াঞ।