Biblica® Open Nkanda wu Moyo, Nguizani Yimona ayi Minkunga 2002
Minkunga 67
Bika batu boso bazitisa Nzambi
Nkunga kuidi pfumu minyimbidi, kayimbidila mu ngitala.
Bika Nzambi katusila nlemvo ayi katusakumuna ;
ayi zizi kiandi kitukienzula ;
muingi zinzila ziaku zizabakana va ntoto,
phulusu aku yizabakana
muidi makanda moso !
Bika batu bazitisa, a Nzambi ;
bika batu boso bazitisa.
Bika makanda mayangalala
ayi mayimbila mu diambu di khini
bila ngeyo weti yadila batu mu busonga ;
ngeyo wela diatisa makanda ma ntoto.
Bika batu bazitisa, a Nzambi ;
bika batu boso bazitisa.
Buna ntoto wuela buta mimbutu miandi ;
Nzambi, Nzambi eto, wela kutusakumuna.
Nzambi wela kutusakumuna
ayi zitsuka zioso zi ntoto ziela kunkinzika.
Biblica® Open Nkanda wu Moyo, Nguizani Yimona ayi Minkunga 2002. Copyright © 2002 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.