Minkunga 61

Wutsueka ku tsi mavevi maku

Nkunga Davidi kuidi pfumu minyimbidi ; kayimbidila mu lusinga.

1Wa yamikina kuama, e Nzambi

tamba dikutu mulusambulu luama

2Tona kusukinina ntoto, ngeyo ndintela ;

nditela bu ntimꞌama wumevonga ngolo ;

wundati va mbata dibanga

diodi dindutidi mu nangama.

3Bila ngeyo wuba suamunu kiama ;

ngeyo wuba nzo yizangama ayi yingolo

va ntuala mutu weti kundenda.

4Ndiela zingila mu nzo aku yi ngoto ;

mu zithangu zioso ayi ndiela suamina

ku tsi mavavi maku.

5Bila ngeyo, wuwa zikhanu ziama, e Nzambi ;

ngeyo wuphana kiuka ki batu bobo beti kinzika dizina diaku.

6Buela bilumbu bi luzingu lu ntinu,

mimvu miandi mu diambu di zitsungu ziwombo.

7Bika kavuanda va kundu ki kipfumu

va meso ma Nzambi mu zithangu zioso ;

tula luzolo luaku ayi kikhuikizi kiaku mu kunkeba.

8Buna ndiela yimbidila nzitusu mu diambu di dizina diaku

mu zithangu zioso ayi ndiela dedikisa zikhanu ziama

lumbu ka lumbu.