Minkunga 20

Yave nungisa ntinu eto

Nkunga Davidi kuidi pfumu minyimbidi.

1Bika Yave kavana mvutu bu widi mu ziphasi,

bika dizina di Nzambi yi Yakobi dikeba.

2Bika kafidisa lusadusu bu kadi ku buangu kinlongo

Bika kakindisa bu kadi ku Sioni.

3Bika katebukila makaba maku moso moyo.

Ayi kakikinina makaba maku maviku.

4Bika kavana bitidi ntimꞌaku.

Ayi bika kanungisa zikhubukulu ziaku zioso.

5Tuela yamikina mu khini bu wela tambula ndungunu.

Tuela vumbula bidalapo bieto ku Yilu

mu dizina di Nzambi eto.

Bika Yave kadukisa zindombolo ziaku zioso.

6Buabu nzebi ti Yave wumvukisanga

mutu andi wuka vinda mafuta,

weti kumvana mvutu bu kadi ku Diyilu,

diandi dinlongo mu lusadusu luandi lungolo,

lu koko kuandi ku lubakala.

7Bankaka bantulanga diana mu matoma ma mvita,

bankaka mu ziphunda.

Vayi beto tuntulanga diana

mu dizina di Yave, Nzambi eto.

8Bawu beti fukama mu makuma mawu ayi beti bua ;

Vayi beto tueti telama ayi tuidi kaka bakinda.

9Yave vukisa ntinu

Bika wutuvana mvutu mu thangu tueti tela.