Biblica® Open Nkanda wu Moyo, Nguizani Yimona ayi Minkunga 2002
Minkunga 122
Lusambila mu diambu di ndembama yi Yelusalemi
Nkunga Davidi wuyimbudulu mu nzila yikuendila ku nzo Yave.
Khini ndimona bu bakhamba ti :
“Bika tuendanu ku nzo Yave”.
Malu meto matelimini mu mielo miaku, a Yelusalemi.
Yelusalemi ditungu banga divula.
Diodi dikangama ngolo va kimosi
Kuna kueti kuiza zimvila, zimvila Yave
mu diambu di zitisa dizina di Yave
boso buididi zinzengolo zivanu kuidi Iseli.
Bila kuna kutelimini bikundu bi kipfumu bi tsambusulu ;
bikundu bi kipfumu bi nzo yi Davidi.
Lusambila mu diambu di ndembama yi Yelusalemi.
Bika bobo beti kuzola bamona luvovomo.
Bika ndembama yiba mu bibaka biaku
ayi luvovomo mu zinzo ziaku zinneni.
Mu diambu di bakhomba ziama ayi bakundi bama
ndiela tuba “bika ndembama yiba yaku”.
Mu diambu di nzo Yave, Nzambi eto, ndiela tomba mamboti maku.
Biblica® Open Nkanda wu Moyo, Nguizani Yimona ayi Minkunga 2002. Copyright © 2002 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.