Biblica® Open Nkanda wu Moyo, Nguizani Yimona ayi Minkunga 2002
Minkunga 120
Bika wukhula
Nkunga wuyimbudulu mu nzila yikuendila ku nzo Yave.
Nditela Yave mu ziphasi ziama
ayi niandi wupheni mvutu.
Wuphukisa, a Yave, mu bididi bi luvunu
ayi mu ludimi luidi mayuya.
Mbi kalenda kuvangila
ayi mbi kalenda buela, ludimi luidi mayuya e ?
Wela kuvana thumbudulu mu madionga ma kinuani malengulu bumboti ;
mu makala ma mbazu, ma nungu-tsendi,
mabienga kuidi minu bu ndilembo vuandi ku Metsiseki ;
bu ndieti zingila mu zinzo zi ngoto zi Kedali.
Mu bilumbu biwombo ndizingila
va khatitsika batu bobo banlendanga ndembama.
Minu ndidi mutu wu ndembama ;
vayi minu yoluka, buna bawu beka yindula mvita.
Biblica® Open Nkanda wu Moyo, Nguizani Yimona ayi Minkunga 2002. Copyright © 2002 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.