Minkunga 1

BUKU YI THETI

Mina mi Yave midi tho yi mamboti

1Lusakumunu kuidi mutu wowo wunkambu landakananga

zindongi zi batu bambimbi,

wunkambu telamanga mu nzila yi minsumuki,

ayi wunkambu vuandanga va kimosi ayi mimvuezi.

2Vayi wummonanga khini mu mina mi Yave

ayi wunyindulanga miawu muini ayi builu.

3Mutu beni widi banga nti wukunu va muenda nlangu ;

wowo wumbutanga makundi mu tsungi andi

ayi meza mandi mayumanga ko ;

weti mona mamboti mu mamo keti vanganga.

4Vayi buawu ko buididi kuidi batu bambimbi,

badi banga biti bivevumunu kuidi phemo.

5Diawu, batu bambimbi balendi telama ko mu lumbu ki tsambusu,

voti bankua masumu mu lukutukunu lu batu basonga.

6Bila Yave zebi nzila yi batu basonga,

vayi nzila yi batu bambimbi yela biva.