Mikunga 87

Siyone mama ya bambanza ya bantu nyonso

1Mukunga ya bana ya Kole. Mukunga.

Nzambi me tunga Siyone na zulu ya myongo ya longo.

2Yave ke zolaka myelo ya mbanza Siyone

kulutila bayinzo nyonso ya bana ya Yakobi.

3Nge mbanza ya Nzambi,

ba me zonzila mambu ya nkembo na yina me tadila nge. Kupema

4«Mu ke zonzila na yinsi ya Ngipiti mpe ya Babilone,

na kati ya bayinsi yina zaba munu,

yinsi ya ba-Filiseti, ya bantu ya Tile, mpe ya bantu ya Kuse,

ni kuna ba butaka bawu.

5Kasi na mbanza Siyone, yandi me tuba:

Ni kuna ba butaka bawu nyonso,

ni Nzambi ya Kulutila Kuzangama yidikaka yawu.»

6Ntangu Yave ke tangaka bantu,

yandi ke sonikaka ti yandi yayi «butukaka na kisika yayi.» Kupema

7Bantu yina ke na kuyimba mpe yina ke na kubina, bawu ke na kulooka:

«Nsayi nyonso ya beto ke katukaka na nge.»