Mikunga 133

Kuzinga kintwadi na kati ya kizunu

1Mukunga ya kuyuluka. Mukunga ya Davidi.

Ya kele mbote, ya kele kitoko mingi

samu na bampangi na kuvwandaka kisika mosi!

2Yawu kele mutindu mafuta ya mbote, yina ba me dukula na yintu,

yawu ke na kukulumuka na mandefo, mandefo ya Aloni,

yawu ke na kukulumuka tii na kinkuti ya yandi.

3Yawu kele mutindu kinoko yina me katuka na mongo ya Elemone,

yawu ke na kukulumuka na yisi ya myongo ya Siyone.

Samu ti ni kuna, Yave ke na kufidisa lusakumunu,

mpe luzingu ya mankululu.