Yobi 25

Kinzonzi ya Biledade: Ba ke swanaka ve na Nzambi-Mpungu

1Biledade mu-Suwa vutulaka:

2Ni Nzambi kele Nzambi ya nsisi mpe ni yandi ke yalaka,

yandi ke salaka ti kizunu kuvwanda na mazulu.

3Ba lenda tanga lutangu ya binwani ya yandi?

Na zulu ya nani nsemo ya yandi ke lezimaka ve?

4Wapi mutindu muntu lenda vwanda ya kudedama na ntadisi ya Nzambi?

Wapi mutindu muntu yina me butuka na kento lenda vwanda ya kuvedila?

5Kana na mantwala ya yandi ngonda ke lezimaka ve,

kana bambwetete kele ve ya kuvedila na meso ya yandi,

6Na yina, yinki ba ke zonza samu na muntu yina ke kufwaka,

yandi kele kaka ngambu ya mpamba?