Yelemya 45

Mambu yina me tadila Baluke

1Na mvula ya yiya ya kintinu ya Yoyakime, mwana ya Yosiya, ntinu ya Yuda, Baluke mwana ya Neliya sonikaka na dibuku, mambu yina mumbikudi Yelemya zabisaka yandi na kusonika. Yelemya tubaka: 2«Na yina me tadila nge Baluke Yave, Nzambi ya Isayeli, ke na kutuba na nge mutindu yayi: 3Nge ke na kutuba: “Aa, kyadi na munu! Samu ti Yave me bwela mpasi na zulu ya mpasi ya munu yina tekilaka. Ngolo ke na kumanisa munu na kuyawula mpe mu ke na kuzwa ve kizunu.”» 4Nge ke zabisa yandi ti, Yave ke na kutuba:

«Mu ke na kumwangisa yina mu tungaka,

mu ke na kutimuna yina mu kundaka.

Mu ke na kumwangisa yinsi nyonso.

5Mpe nge, nge ke na kusosa kaka

ndandu ya nge mosi?

Kulomba ata kima ve.

Samu ti mu ke talisa mpasi

na konso kima yina ke na kuzinga.

Kasi nge, na bisika nyonso yina nge ke kwenda,

mu ke sala ti luzingu ya nge vwanda kimvwama ya nge

yina nge me kuzwa na mvita.

Ni Yave me tuba yawu.»