Oseya 9

Bantu ya Nzambi ke wombisa nyonso

1Isayeli, kuyangalala ve,

kuvwanda ve na kilengi ya kulutila

mutindu bantu ya nkaka.

Nge me bika Nzambi ya nge na kusalaka kindumba.

Nge me tala kilengi na kuzwa difuta ya kindumba

na bisika nyonso yina ba ke

kabulaka bambuma na matiti ya yawu.

2Bisika yina ba ke kabulaka bambuma na matiti ya yawu

mpe bikamununu ya bambuma ya vinu

ke yukutisa dyaka ve.

Vinu ya malu-malu yina nge

ke na kuvingilaka,

nge ke kuzwa yawu ve.

3Bantu ya Efalayime ke zinga ve

na yinsi ya Yave.

Bawu ke vutuka na Ngipiti

mpe ni na Asili bawu ke kudya

madya yina kele ve ya kuvedila.

4Bawu ke pesa dyaka ve

minkayulu ya vinu na Yave.

Yandi ke yangalala ve na

minkayulu ya bawu.

Yawu ke vwanda mutindu

mampa yina ba ke kudyaka

na kisika ya mafwa.

Bayina nyonso ke kudya yawu

ke vwanda dyaka ve ya kuvedila.

Samu ti, mampa ya bawu

ke vwanda kaka ya bawu mosi.

Yawu ke kota ve na Yinzo ya Yave.

5Yinki beno ke sala na kilumbu

ya mukembo ya nene,

kilumbu ya mukembo ya Yave?

6Beno ke kima mwangusulu.

Ngipiti ke yamba beno.

Kasi ba ke zika beno na Memfi.

Matiti ya bansende ke fuluka

na bimvwama ya beno ya

palata.

Bayinti ya bansende ke fuluka

na bayinzo ya beno.

7Ntangu ya kitumbu me kuma.

Ntangu ya musendo mpe me kuma.

Isayeli fwana kuzaba yawu.

«Mumbikudi me lawuka.

Muntu yina kele na mpeve

ke na kuzonza kidi-kidi.»

Samu na bunene ya yimbi ya beno

mpe samu na kintantu

ya beno ya ngolo.

8Munkebi ya Efalayime, ni mumbikudi.

Nzambi ya munu kele na yandi.

Kasi ba me tambila yandi

mitambu na banzila ya yandi nyonso.

Ba ke na kunwanisa yandi

tii na Yinzo ya Nzambi ya yandi.

9Beno me sadila masumu ya kulutila, mutindu

Bawu ke nata dyaka bivumu ve. Yawu salamaka na Ngibeya1.

Nzambi ke bambuka moyo na yimbi ya beno.

Yandi ke futisa beno yimbi ya beno.

Yave ke na kunyonga

10«Mu kutaka Isayeli mutindu

bambuma ya vinu na yinsi ya kuyuma.

Mu talaka bankooko ya beno

mutindu bambuma ya ntete

yina ke talanaka na yinti ya fike.

Kasi na ntangu bawu kumaka

na Baale-Pewole2,

bawu me kukipesa na kusambila kima ya nsoni.

Mpe bawu me kuma bantu yina ba ke yinaka

mutindu kima yina bawu me tula luzolo ya bawu.

11Nkembo ya Efalayime ke katuka

mutindu ndeke yina me dumuka.

Bana ke butuka dyaka ve.

Bakento ke nata dyaka bivumu ve.

Bawu ke kuzwa dyaka bivumu ve.

12Ata ti bawu ke na kuyundula bana,

mu ke kufwa bana yina tekila ba kula.

Kyadi na bawu ntangu mu ke pesa bawu mukongo.

13Ntangu yina mu

talaka Efalayime,

yandi vwandaka mutindu

diba yina kele

na kisika yina madya ke

menaka mbote.

Kasi yandi ke yekula bana ya yandi

na muntu yina ke kufwa bawu.»

14Yave, kana nge ke semba

bawu, soola nsembolo yina

nge ke pesa bawu.

Sala ti bivumu ya bakento ya bawu

kwendaka katuka konso ntangu.

Yumisa mabene ya bawu.

15«Yimbi ya bawu me talana tii na Ngilengale3.

Ni kuna mu me banda na kuyina bawu.

Mu ke bingisa bawu na yinzo ya munu

samu na mavanga ya bawu ya yimbi.

Mu ke zola dyaka bawu ve.

Bamfumu ya bawu nyonso

ke na kutumama ve.

16Efalayime me kuzwa nsembolo.

Myanzi ya yandi me yuma.

Yawu ke pesa dyaka bambuma ve.

Ata ti bakento ya bawu kubuta bana,

mu ke kufwa bana yango ya luzolo.»

17Nzambi ya munu ke losa bawu

samu ti, bawu me kuwa yandi ve.

Bawu ke banda na kwendaka tambula

kidi-kidi na bayinsi.