1 Bantinu

Dibuku ya ntete ya

BANTINU

NKOTOLO

Dibuku ya ntete ya Bantinu ke na kutatamana na kuzonzila nongo ya bamfumu ya Isayeli yina bandaka na mabuku ya Samwele. Ba kabulaka dibuku ya bantinu na bandambu zole ya nene, samu ti yawu zolaka lunga ve na kuvwanda kaka dibuku mosi.

Na kati ya dibuku ya bantinu, konso ntinu fwana kulakisa kukwikama ya yandi na ntadisi ya Yave. Ni ntinu fwanaka sala ti yinsi kununga na mambu nyonso. Kasi kusambila biteki mpe kondwa kutumama vwandaka sala ti yinsi kununga ve. Yave fidisaka mimbikudi ya lulendo mutindu Eliya, samu na kuzabisa na bantinu wapi mutindu vwandaka luzolo ya Yave, samu na bawu, bantinu.

Ndambu ya ntete ya dibuku yayi ke na kuzabisa mambu ya nsuka ya ntinu Davidi. Ni mwana ya yandi Salomoni yinganaka na kisika ya yandi. Ndambu ya zole ke na kuzabisa wapi mutindu kintinu ya Salomoni kumaka nene mpe ngolo. Yandi kumaka mvwama mpe yandi vwandaka muntu ya nsangu. Yandi tungisaka Yinzo ya Yave na Yelusalemi. Kasi na nsuka ya luzingu ya yandi, Salomoni vwandaka pesa dyaka ve ntima ya yandi nyonso na sika ya Yave mpe yandi sadilaka banzambi ya bakento ya yandi. Yandi kufwaka mpe ni mwana ya yandi Yelobowame yinganaka na kisika ya yandi.

Ndambu ya tatu ke na kuzabisa wapi mutindu yinsi ya Isayeli kabukaka. Yawu kabukaka mutindu yayi: Yinsi ya kintinu ya Yuda na sude mpe yinsi ya kintinu ya Isayeli na node. Bantinu nyonso ya Isayeli mangaka Yave mpe bawu landaka banzambi ya nkaka, kasi bantinu ya Yuda mingi landaka nzila ya Yave, Nzambi ya bawu.

Dibuku yayi lenda kukabuka mutindu yayi:

- Buboba ya Davidi (

- Mambu ya nsuka ya Davidi (

- Luyalu ya Salomoni (

- Salomoni kwelaka mwana ya ntinu ya Ngipiti (

- Salomoni lombaka na Nzambi ndwenga samu na kuyala (

- Salomoni tungisaka Yinzo ya Yave (

- Yave monikinaka Salomoni na mbala ya zole (

- Ntinu ya kento ya yinsi ya Saba (

- Salomoni kwikamaka dyaka ve na Yave (

- Isayeli mangaka na kutumama na Yelobowame (

- Muntu ya Nzambi kuna na Betele (

- Bantinu ya Yuda mpe ya Isayeli (

- Mumbikudi Eliya (

- Balunungu ya ntinu Akabe mpe luzingu ya yandi (