ABEFEESO 3

Umurimo wa Pawulo mu Banyamahanga

1Ni co gituma njeewe Pawulo ndi umusibe ku bwa Kristo Yesu ku bwanyu abanyamahanga. 2Ngira ngo mwumviise yuuko Imaana yanshinze kubakorera uyu murimo ku bw'ubuntu bwayo. 3Imaana yampishuuriye ibanga ry'umugambi waayo nk'uko nabyanditse muri make, 41kandi nimubisoma muribuuze gusobaanukirwa ukuntu nasobaanukiwe iryo banga rya Kristo. 5Mu bihe bya keera, iri banga ntiryigeze rimenyeshwa abaana b'abantu, nk'uko ubu rimaze guhishuurirwa intumwa ze zeera, ikoreesheje Umwuka waayo. 6Umugambi w'iryo banga ni uko abanyamahanga na bo ari abaragwa bumurage w'Imaana kimwe n'Abayuuda ku bw'Ubutumwa Bwiza. Ni ingingo z'umubiri umwe kandi basangiye ku seezerano Imaana yakoze muri Kristo, babikeesha Inkuru Nziiza.

7Nagizwe umugaragu wo kwamamaza Ubutumwa Bwiza nkurikije ubuntu bw'Imaana nahaawe, ku bw'imbaraga zaayo zikorera muri nje. 8Nuubwo ari njeewe urutwa n'uworoheje caane mu bantu b'Imaana boose, Imaana yampaaye umugisha wo kujaanira abanyamahanga Ubutumwa Bwiza bwa Kristo ari bwo butunzi butarondooreka, 9no gusobaanurira abantu uko ibanga ry'umugambi w'Imaana rigiiye gushirwa mu bikorwa. Imaana yaremye ibintu byose, yahishe iryo banga ryayo uheereye keera koose, 10kugira ngo abo muri iki gihe, abategetsi, n'ibikomangoma byo mu ijuru, bamenyeshwe n'itoorero, ubwenge bw'Imaana bw'uburyo bwinshi. 11Uku ni ko Imaana yuujurije umugambi waayo uhoraho inyuriye muri Kristo Yesu Umwami waacu. 12Mu kunga ubumwe na Kristo no kwizeera dufite muri we, biduheesha kwegeera Imaana tudatiinya. 13Nooneho reero ndabinginga ngo mudacoogora biteewe n'uko mbabazwa ku bwanyu, kuko ari byo bibaheesha icuubahiro.

Gusabira Abefeeso

14Ni co gituma mfukama imbere y'Imaana Daata, 15uwo imiryango yoose yo mu ijuru n'iyo ku isi yiitirirwa. 16Ndasaba Imaana nyir'ikuzo n'ububaasha bwose kubateera imbaraga no gukomeza imitima yaanyu, ibigiriishije Umwuka waayo 17kandi ndasaba ngo Kristo atuure mu mitima yaanyu mubikeesha ukwizeera kwanyu, ubwo muri gushoora imizi no gushikama mu rukundo. 18Ndasaba kugira ngo mwebwe hamwe n'abantu b'Imaana boose, mugire imbaraga zo kumenya yuuko urukundo rwa Kristo ruhebuuje, 19no kumenya yuuko urukundo rwe rurenze ukwitegereza, kugira ngo mushobore gusendeerezwamo kamere yoose y'Imaana.

20Noone reero, dukwiriye gushiima Imaana yo ikoreesha imbaraga zaayo muri twe, igakora ibirenze ku byo twasaba, ndetse n'ibyo twakwibwira. 21Ni ihaabwe ikuzo mu itoorero no muri Kristo Yesu ibihe byose, n'uko ibihe biha ibindi. Amiina.