IBYAKOZWE N'INTUMWA 6

Abafasha b'Intumwa Barindwi Batooranywa

1Muri ico gihe ubwo umubare w'abiigiishwa wakomeje kwiyongera, Abayuuda bavuga Urugiriki batangira kwitootombera Abaheburaayo kuko batiitaga ku bapfakazi baabo mu gihe baagabaga ibyo kwifashisha bya buri munsi. 2Nuuko ba cumi na babiri bakungaanya umutwe w'abiigiishwa barababwira bati, “Ntibikwiriye ko tureka kwigiisha ijambo ry'Imaana ngo duhugire mu gukemura ibibazo byo kugaba ibintu. 3Noone reero bavandimwe, nimwishaakemo abagabo barindwi b'inyangamugayo, buzuuye Umwuka Weera kandi b'abanyabwenge, tubashinge uwo murimo. 4Naho twebwe dukomeze kwibanda ku gusenga no kuvuga ijambo ry'Imaana.”

5Ico giteekerezo kineezeeza abantu boose, nuuko batooranya Sitefaano, umugabo wuuzuye Umwuka Weera no kwizeera, kandi hamwe na Filipo, Purokooro, Nikanoora, Parumena, Timoona, na Nikolayoni umunyamahanga wo muri Antiyokiya wagiiye mu diini y'Abayuuda. 6Bahagarika abo bagabo imbere y'intumwa, maze zibarambikaho ibiganza zirabasengera.

7Nuuko ijambo ry'Imaana rikomeza kwamamara. Umubare w'abiigiishwa ukomeza kwiyongera caane i Yerusaalemu, kandi n'abaheerezabitambo benshi bayoboka uko kwizeera.

Sitefaano Afatwa

8Sitefaano, umugabo wuuzuye ubuntu n'imbaraga, yakoraga ibitangaaza n'ibimenyeetso bikomeye mu bantu. 9Ariko abantu bamwe bo mu Sinagoogi yitwaga Ababohoowe, Abanyakureene, Abanyalekizanduriya, hamwe n'abandi bava Silisiya na Asiya barahaguruka baja impaka na Sitefaano. 10Ariko ntibaashobora guhangana n'ubwenge bwe n'uko Umwuka Weera wamushobozaga kuvuga. 11Baguririra abantu rwihishwa kuvuga bati, “Twumviise avuga amagambo yo gutuka Moose n'Imaana.” 12Bateera agasasamaro mu bantu, hamwe no muri bakuru b'imiryango hamwe n'Abiigiishamategeko maze bamugwa gituumo, baramufata bamujaana mu rukiiko. 13Bashiraho abagabo bo kumushinja ibinyoma barahamya bati, “Uyu mugabo ntaahwema gutuka Inzu y'Imaana Yeera n'amategeko ya Moose, 14kuko twamwumviise avuga ko, Yesu w'i Nazaareeti azaasenya iyi Nzu y'Imaana kandi agahindura imigenzo twahaawe na Moose.” 15Nuuko boose baari biicaye mu rukiiko batumbiira Sitefaano, babona mu maaso he hasa n'aha malayika.