1 TIMOTEEYO

Urwandiko rwa mbere Intumwa Pawulo yandikiye

TIMOTEEYO

INYANZURO

Timoteeyo, yari umukristo w'umusore ukomooka muri Asiya ntooya. Nyina yari Umuyuudakazi naho se yari Umugiriki. Yabaaye inshuti ya Pawulo kandi aba n'umufasha we mu mirimo ye y'ubutumwa.

Mbere ya byose, uru rwandiko ni urwo kwamagana inyigiisho z'ibinyoma mu matoorero. Izo nyigiisho z'ikivange c'ibiteekerezo by'Abayuuda n'abatari Abayuuda, zaari zishingiye ku myemerere ngo, iyi si dutuuyemo nimbi, kandi ngo, umuntu yashobora kurokoka binyuze mu ibanga ry'ubumenyi ridasanzwe no mu bikorwa nko kureeka ibyokurya bimwe no kutarongora. Uru rwandiko rurimo n'amabwiriza yeerekana uko amatoorero akwiriye kuyoborwa n'uko amasengeesho agomba gutwazwa hamwe n'insobaanura y'uko abayobozi b'itoorero n'abafasha baabo bakwiriye kwifata. Haanyuma, Timoteeyo agiirwa inaama yo kuba umugaragu mwiza wa Yesu Kristo hamwe no kumenya imirimo itandukanye akwiriye gukorera amateeraniro atandukanye y'abiizeera.

Ibirimo

Inyanzuro

Amabwiriza afashe ku toorero n'abayobozi ba ryo

Amabwiriza yahaawe Timoteeyo ku murimo we