Skip to content
BibleKenya

Yohana

John

Introduction from this edition

Empola Nsoga venaa aleyandekhwaa no

Yohana

Olongoli

Mpola Nsoga kete venaa aleyendekhwaa no Yohana nanecho a kemwi mo vetabu venee venaa vepwale kho Ilekhaano laseji venaa vekhopalela wome wa Yesu Kilisto. Kela kemwi cha vetabu evyoo kekhwetwaa “Injili,” Emaana yakwe, “Mpola Nsoga.” Vetabu eve alevyandekhwa no Mateo, Maluko, Luka no Yohana panaa Yesu aleafwaa. Mpola Nsoga kete venaa aleyandekhwa no Yohana, aleyandekhwa no Yohana mwakha gwa makomi kenda panaa Yesu Kilisto alealelwaa. Ninga venaa ketabu kekhakekhopaala kete Yohana amwenee yunaa aleandekha, ila venaa aleandekha maandekho gakwe gakhwipyana ne ganaa gapwale mo talatasi ja Yohana wa mwandyo, Yohana wa owele no Yohana wa otato. Vandeki vamoonga va pamyakha vakhopalelaa kete Yohana angile khwikhala ihala la Efeso pi ituungo eloo, gechoo amo ketabu eke alechandekhwa pi ihala la Efeso.

Yohana alekhosiima vantu vakhowole khogoomba kete Yesu amwenee Kilisto, Mwana wa Matuunda yunaa mopanga 20:31. Khwa khogoomba gechoo, nakhokhowola khopelwaa wome khokelela lina lakwe. Ketabu eke alechandekhwaa kho vamanyi va Kiyahudi ne vanaa angile nkha Vayahudi. Mpola Nsoga ya kete venaa aleyandekhwaa no Yohana ele shaa ne Mpola Nsoga ejoo jetato jiinge. Yohana akunelelya ematuntumu egoo ganaa Yesu aleaganojaa, ninga gechoo aleakhandekha minki khopalela picha ja mefwano jenaa alekhopumya Yesu. Mpola jiinge alejikhandekhwa kete mpola ya khobatijwa khwa Yesu, Yesu panaa aleagemwaa pitenengwa, gensi ega alegakhaandekhwa mo Mpola Nsoga eye.

Ganaa gapwale

Yohana khwandyaa Mpola Nsoga kho osho 1:1-18

Yohana khopalela matuntumu ga Yesu kho osho 1:19-12:50

Khanke Yohana khopalela wome wa Yesu wonaa alewakenkelelyaa ncha yakwe no khofufokha kho osho 13:1-20:31

Yohana khomalelyaa khwa khwandekha Mpola Nsoga yakwe kho osho 21 taali aleapalela panaa Yesu aleavapumela vantu panaa aleafufokha, khanke Yohana khopalelaa nseembo yakwe ya khwandekha ketabu eke.

Kimbu New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.