Skip to content
BibleKenya

Dao Ao Dai Literal Text

Ma-cô 8

Yămz wax đomc noib, zef naih ah peob songx munh hongđ nzongf, max naih laiv luungđ nongc nhlinc, Zâu Yê-su songđ êu Nănh wax đomc stayb sây taih, yâuc coong bux stiz: “Yaz numđ hâuđ lênh nâyx đomc songx munh nzongf, wâyc stiz taih cloon Yaz yămz tuz pôz noib nzof bix lauf max zeengx naih luungđ nongc nhlinc tiny. Năngđ coong Yaz phunz stiz nyâuđ sab phunb đangz muf pyau, stiz muf bah đamx jau six hayh yămh, wâyc stiz naih ah phanx munh tăng côz nzongf nyăngz tinc taih.” Zâu Yê-su wax đomc stayb sây songđ tauz Nănh coong: “Yămz nây stâyz phangz blănf, naih mănv hayh tăng laiv tix zoz nzu taih phunz nâyx đomc songx munh nhlinc heh?” Zâu Yê-su naic stiz: “Nyâuh naih sax nomz nzu heh?” Stiz tauz: “Nhlic nomz.” Zâu Yê-su songđ êu songx munh stâyv nzac nib ninyh, Nănh songđ zoz wa nhlic nomz nzu taih, sâuf hâuđ, songđ watz jaoz phunz Nănh wax đomc stayb sây nzâyz ninyh patz phunz songx munh, năngđ nâyx stayb sây buz songđ nzâyz ninyh patz phunz songx munh. Stayb sây buz năngx naih tix cay byauf jenz, Zâu Yê-su sâuf hâuđ wax đomc byauf tuz, Nănh songđ êu stayb sây buz nzâyz nâyx đomc byauf ninyh patz timb. Songx munh tuz nhlinc pêu nzuf, stayb sây buz yâuc sâub nhlinc yăngc wax đomc nzu tuz nhlic đanz. Wax zanyf, cox naih pyâyz tinb munh, Zâu Yê-su songđ phunz songx munh muf. Zâu Yê-su songđ Lênh dlih cloon stayb sây buz, nzac đangđ ninyh, Nănh ninyh tauv Đan-ma-nu-ta stâyz phangz.

Wax đomc Pha-li-si munh songđ nzac taih cloon Zâu Yê-su quef coonz tinyh nzeengz gâyf, stiz oix stâyv Nănh, songđ joođ Nănh ayx ah cuib njic hoouđ tăng guungh taih. Zâu Yê-su songđ nyâyh conv tongb siv đao yămz nyâuđ, Nănh tauz: “Săngh laiv nâyx stâyv munh bix lov njic hoouđ? Yaz senz coong bux nyâuh, six max naih laiv huungđ njic hoouđ phunz nâyx stâyv munh phătc …” Gâyh stiz blătc, Nănh zef lauf wa đangđ, quaix wax nganđ leepz coiđ sinh ninyh.

Stayb sây buz nyâuđ cob max nzâyz nzu lêpc, stiz yămz wa đangđ songđ max naih laiv luungđ tiny, cungb naih ah nomz nzu cuungv. Zâu Yê-su bux stiz coong: “Oix zuc stêu stimz! Bôngh Pha-li-si munh nyăngz piny cloon Hê-lôtx Huungh nyăngz piny.” Stayb sây buz lanh coong ănz lanh, Nănh coong năngđ nâyx six wâyc stiz max naih nzu. Wâyc pâyz năngđ nâyx, Zâu Yê-su songđ coong ănz stiz: “Săngh laix nyâuh bix lanh coong ănz lanh wâyc nyâuh max naih nzu? Nyâuh yâuc max zeengx manyh pec, max pyac nyâuđ haz? Săngx đanyf nyâuh nyăngz nyâuđ nhlengc nzof stah? Nyâuh naih mâyc lauf mangc max phătc haz? Naih bah noomh nyâuh lauf max numđ haz? Nyâuh lauf max săngx haz? Yaz watz pyaz nomz nzu phunz pyaz tinb munh nhlinc wax zanyf, nyâuh sâub wax đomc nzu yăngc tuz sax đanz pong?” Nănh stiz tauz Zâu Yê-su: “săpc nyâyc đanz.” “Năngx naih wa nhlic nomz nzu phunz pyâyz tinb munh nhlinc, nyâuh sâub wax đomc nzu yăngc tuz sax đanz pong?” Nănh stiz tauz Zâu Yê-su: “Nhlic đanz.” Zâu Yê-su zef naic stiz: “Ayx năngđ laix nyâuh cah nav lauf max manyh pec?”

Stiz ninyh tauv Bêtx-sai-đa, naih munh ênz ah lanh mâyc buc munh taih phunz Zâu Yê-su, stiz songđ joođ Zâu Yê-su êu Nănh lumz wax tauh munh. Zâu Yê-su nzauf mâyc buc munh nyăngz puf, jinb nănh setb njăngv sinh ninyh. Nzuf nzanh hâuh ănz nănh nyăngz mâyc, zef tăpx puf ănz nănh, Zâu Yê-su naic nănh: “Mâyh phătc tix huungđ max?” Nănh zaub minb mangc, yâuc tauz: “Yaz phătc munh stiz six cayx năngđ njăngx nâyx yăngh ninyh.” Zef năngx naih ah hâyđ timb, Zâu Yê-su tăpx puf ănz nănh nyăngz mâyc, nănh nzac jab mangc, nănh nyăngz mâyc songđ tuz zany gongx yâuc mangc tuz muif huungđ yox nzuf. Zâu Yê-su êu nănh muf pyau, zef zăpx nănh: “Năngx gâyf nzac njăngv muf bex.”

Zâu Yê-su cloon Nănh wax đomc stayb sây ninyh nzac Si-sa-li-ya Phi-lipx-poi dlanyh nyăngz njăngv, ninyh jau wax zanyf, Zâu Yê-su naic Nănh wax đomc stayb sây, coong: “Munh coong Yaz six mănv?” Stiz songđ tauz Zâu Yê-su coong: “Quaix-gâyf wax tauh Yô-hanx, ah phanx coong ‘Ê-li-ya,’ zef năngx naih ah phanx coong: ‘Ah lanh wax đomc tâuc wac munh.’” Zâu Yê-su naic stiz: “Ha nyâuh coong Yaz six mănv?” Tauz wax zanyf, Pi-tê songđ coong ănz Nănh: “Mâyh six Njâuv Zâu.” Zâu Yê-su songđ zăpx bux stiz êu stiz max tuz lănv coong Nănh six mănv.

Zâu Yê-su songđ quef coonz nzaox nănh stiz coong Bamh Munh six zuc tanyđ đuungx huungđ zâuđ, zuc wax đomc munh côx cloon wax đomc stayb munh pyây cloon wax đomc nzaox gâyf nyăngz stênx stengb nzêmh, yâuc zuc tayx tayc, tauv tah stamz noib năngx săngh taih. Nănh coong nâyx đomc dlayc manyh pec nzuf. Pi-tê, songđ ênz Zâu Yê-su ninyh lanyc, songđ coong Nănh. Six, Zâu Yê-su songđ winb đangz mangc Nănh wax đomc stayb sây, songđ mađ Pi-tê coong: “Sax-tanx lex, oix zuc toiv nzac yaz cah đangz muf! Wâyc mâyh max nongc mâyh nyăngz nyâuđ nyâyh tauv Zâu Tênb-Huungh nyăngz cumh pâuz, six cungb nyâyh bamh munh nyăngz cumh pâuz cuungv.” Zâu Yê-su songđ êu songx munh cloon Nănh nyăngz stayb sây taih dlonf, songđ coong ănz stiz: “Năngđ coong laiv lanh oix lêpc Yaz cah đangz, wax tauh munh six zuc cănh quanyf nănh nyăngz stinb, đamz nănh nyăngz săpc đăngc zax bix lêpc yaz. Năngđ coong laiv lanh oix njâuv nănh nyăngz meengc, six zuc stâyb meengc, năngx naih laiv lanh wâyc Yaz cloon Yaz nyăngz Cuđ Jenx zuc tayc meengc, wax tauh six njâuv tuz nănh nyăngz meengc. Năngđ coong ah lanh munh tuz nzuf guungh đi nyăngz muif huungđ, bix stâyb nănh nyăngz meengc hoonh, six naih luungđ gongx heh? Wax tauh munh laiv zoz luungđ wănc nănh nyăngz meengc hoonh? Năngđ coong laiv lanh numđ nyayz yaz cloon yaz nzaox nyăngz wac, yămz nâyx stâyv pongz lauh cloon stoif nyăngz tinc, Bamh Munh cloon wax đomc stinz munh đăngb, yămz Nănh nyăngz Pha nyăngz gwăngz eeng hinđ setb wax zany, lauf numđ nyayz wax tauh.”

Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.