Skip to content
BibleKenya

Sheshi Kham

मत्ती 1

येशुल बङशवाल

लूका ३:२३-३८

आका अब्राहामल ज़ा दाऊदल ज़ा येशु ख्रीस्टल बङशावलील टिप्पनी हो। अब्राहाम इसहाकलं बौ लेऊ। इसहाक याकूबल बौ लेऊ। याकूब यहूदा सनर नकाल आदाज्यू भाईयाङल बौ लेऊ। यहूदा सनर फारेसलं बौ जाहेर लेऊ, न्याअमा तामार लेऊ, फारेस हेस्रोनल बौ, हेस्रोन आरामल बौ, आराम अम्मीनादाबल बौ अम्मीनादाब नहशोनल बौ नहशोन सल्मोनल बौ,1 सल्मोन बोअजल बौ आअमा राहाब लेऊ, ओबेदल बौ। ओबेदल आअमा रुथ लेऊ, ओबेद यिशैल बौ, यिशै दाऊद रयल बौ लेऊ, दाऊद सोलोमनल बौ लेऊ, ओटन सोलोमनल आअमा उरियाहल मेएमा लेऊ।2 सोलोमन रहबामल बौ, रहबाम अबियाल बौ, अबिया आसालं बौ, आसा यहोशापातल बौ, यहोशापात यहोरामल बौ, यहोराम उज्जियाहल बौ, उज्जियाह योतामल बौ, योताम आहाजल बौ, आहाज हिजकियाल बौ, हिजकिया मनश्शेलं बौ, मनश्शे अम्मोनल बौ, अम्मोन योसियाहल बौ, योसियाह, यकोनियास सनर आभाईयाङल बौ लेऊ जब नकाङ बेबिलोनल यहूदीयाङजन बन्दी जाएस्यु रालाङौ ओइ बेला जर्मिस्यु लेवाङ।3 शालतिएलल आबौ यकोनियास बेबिलोनल बन्दी जाएस्यु रालाङौल छिन्ट समन लिज्याऔ, शालतिएल यरुबाबेलल बौ, यरुबाबेल अबिउदल बौ, अबिउद एल्याकिमल बौ, एल्याकिम आजोरल बौ, आजोर सादोकल बौ, सादोक आखिमल बौ, आखिम एलिउदल बौ, एलिउद एलाजारल बौ, एलाजार मतानलं बौ, मतान याकूबल बौ, ईकाइ याकूब ज्या योसेफल बौ, जोल आमेएमा मरियम हो, ईकाइ मरियमङन्ज येशुल जन्म ताइस्यु लेऊ, जोजन ख्रीस्ट4 ऐढासिऊ। नैताइस्यु अब्राहामतन दाऊद समन चौध पुस्ता ताइवाङ, सनर दाऊदल पालाक बेबिलोनल राहुलिसिऊ समन चौध पुस्ता, ओटन बेबिलोनल बन्दी रालेऊकन ख्रीस्टल पाला समन चौध पुस्ता ताइस्यु लेवाङ।

येशु ख्रीस्टल जरम

लूका २:१-७

येशुल जन्म ऐटाइन्या किसिमले ताहौ, कि येशुल आमा मरियमजन योसेफल कुईत वाङस्यु लेवाङ, तर नकानेल नेंब्याहा आमाताहौ हादेए मरियम पबित्र आत्माङन गुरभ्यानि आताइन्या रा:सनौ।5 तर मरियमलं आयो योसेफ धार्मिक रु आताहौकाले मरियमजन लाजल मापराइन्या बिचार ढास्यु नाजन गोप्यलै राइन्या यिङ आढोव। तर जब योसेफले ईका छेन यिङज्याऊ, आमङल परमप्रभुल दुत रंनस्यु ओलजन ऐआढोव, “ऐ, योसेफ दाऊदल ज़ा, न मेएमा मरियमजन अपनाइस्यु नझिम लाङन्या ताछ्यातन, दानाङभन्या नकाल गर्बल लिज्यान्या पबित्र आत्माङन्ता हो। नकाले तोलोअ ज़ा जर्माइवा, ओटन नङ ओलं मिन येशु नाएस्योना दानाङभन्या येशुले आरुयाङजन रा: पापतन बचाइन्या लेया।”6

परमप्रभुले अगमबक्ताङन आछ्योङन्या बचन पुरा ताहौ नाल्टैज ईका सोगलै ताहौ हो,7 “ब्याएते, कनन्या गुरभ्यानि ताइन्यालेया ओटन नाले तोलोअ ज़ा जर्माइन्यालेया ओटन ओलं मिन इम्मानुएल नाएन्या लेसिया,” जोल अर्थ हो “परमेस्वर गे सकाए।”8 जब योसेफ म्वाईस्यु सन्सिऊ तब परमप्रभुल दुतले ओलजन आपानस्यान्या अनुसार नाले मरियमजन आमेएमाल हिसापत झिमल आहोनौ। मरियमले ज़ा आमाजर्माहौ समन योसेफ नका सकाए मारुउदा जब छिन्ट ज़ा जर्मिऊ तब योसेफले ओलं मिन येशु आनाटौ।9

Source notes (9)
  1. Cross-reference रुथ ४:१९-२०
  2. Cross-reference २शमूयल १२:२४
  3. Cross-reference २राजा २४:१४-१५; २इतिहास ३६:१०; यर्मिया २७:२०
  4. Footnote ख्रीस्ट=अबिसिक्त
  5. Cross-reference लूका १:१७
  6. Cross-reference भजनसङ्ग्रह ४६:१; लूका १:३१
  7. Cross-reference यशैया ७:१४
  8. Cross-reference यशैया ७:१४
  9. Cross-reference लूका २:२१

Sheshi Kham. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.