Ma-thi-ơ 4

1Hayơq Chuôq Jê-su bâân đââng mót kruung vơng tââq Yaang Liêm buôn đơơp abhưi dharơơl galơơk. 2Tatun ađek, bhêêl ơi điêng cha puôn jêt tangêi lơq puôn jêt hayum, nek Ađó ha-ul. 3Xong xók tơk đan, đu dharơơl galơơk móón palơq Ađó: “La amei nek Akóón Yaang Pleng, nek kayua đóng nôôq khuk dhơl ađô vaaih xar beng nek.” 4Bơơi ââi lóóiq, Ađó praaq: “Ve paraaq bâân xaraq: ‘Akóón manưih e mamông eh rau đươi beng hơq giêl, bơơi nek đươi dyóp paraaq yuur praaq tââq bóóp Yaang Pleng.’” 5Hayơq abhưi đââng Ađó mót kalóóng kanóón liêm, đóng Ađó dyương dhiq piing đu yaal tââm ưng đong bhanuôih, 6lơq praaq palơq Ađó: “La amei nek Akóón Yaang Pleng, nek chrơm ađêi chok leq, ơi ve paraaq bâân xaraq, kơi ađô:

‘Ađó e paraaq râng leq akóón đóng nôôq dhơn pleng Ađó,’ lơq:

‘Piđó e tapââng akóón ganơơm dhiq têi piđó, yươq dyung akóón ve chóóm n'đóih leq khuk dhơl.’”

7Chuôq Jê-su ââi lóóiq ađó: “Kơi lââng, ve paraaq bâân xaraq: ‘Amei e kah chóóm klêêu Chuôq, nek Yaang Pleng ưng amei.’” 8Mưi chu dyơq, abhưi đââng Ađó đơk mưi kachruôch bôôl lóng yaal lơq đóng Ađó lêi tabhơt nôôq katiêk dhiq hóng katiêk palơq rau liêm kra ưng piđó. 9Lơq abhưi móón palơq Ađó: “Aku e đóng amei tabhơt nôôq rau ađô, la amei bhuôih kakoh aku, palơq pađam ađêi chok leq.” 10Bhêêl ađek, Chuôq Jê-su praaq palơq ađó: “Sa-taan, phaai yuur xooq! Ơi ve paraaq bâân xaraq:

‘Akóón e bhuôih haanh Chuôq, nek Yaang Pleng ưng akóón, lơq akóón e têêng yaauq chapiên mưi Ađó.’”

11Hayơq abhưi xooq tââq Ađó, lơq lêi tôôh, nôôq dhơn pleng tơk lơq tââp têêng yaauq Ađó.

12Xók achêk, xong xók xâng kơi Jang ơi bâân takóóp, Ađó róch chô leq xưưq Ga-li-lê. 13Xók ơi xooq tââq Na-xa-reet, Ađó tơk mamông dhiq kanóón Ka-bê-na-um tóór taxiiq, kalóóng parah katiêk Sa-bu-lôôn lơq Neep-ta-li, 14buôn bâân tajaap paraaq rau ơi bâân praaq dhiq Ê-saai, manưih đââng taruuih kơi ađô:

15“Katiêk Sa-bu-lôôn lơq katiêk Neep-ta-li,

charlah kalơng gluh hót taxiiq, hót tôôh karuung Jô-đen,

hơq nek xưưq Ga-li-lê ưng nôôq dhanuôr manưih nguôi —

16Dhanuôr tơơt kalóóng bóng kanam

ơi ve lêi taklaaq brương gamak,

lơq palơq nôôq đu tơơt kalóóng parah katiêk lơq a-ô akan chêt,

nek taklaaq brương ơi klaaq dyóól dhiq piđó.”

17Tââq bhêêl ađek, Chuôq Jê-su tanââp tââp truuih đuui lơq praaq: “Phaai klôôq lóóm, ơi katiêk pleng ơi tơk đan.” 18Xók achêk, bhêêl xók vôôiq dyung dhiq taxiiq Ga-li-lê, Ađó ve lêi bơơr adhi anó, Si-môôn, bâân đóók nek Phi-e-rơ, lơq En-rê, adhi ađó achêk, xók trah jươl dhiq taxiiq taai piđó nek manưih tabâân kadhóóng. 19Lơq Ađó móón piđó: “Hêq vôôiq ting thêi, nek thêi e têêng adhi anó xar nôôq têi trah jươl manưih.” 20N'drươh, xók ơi xooq lơơi jươl ađêi, piđó ting Ađó. 21Xong xók tââq ađek vôôiq kơơq, Ađó lêi bơơr adhi anó lââng, nek Ja-kơ akóón ưng Xê-bê-đê, lơq Jang adhi ađó, kalóóng bhuông, nek palơq Xê-bê-đê, ama ưng nhiđó, xók bươl jươl ađêi lơq Chuôq dhaloong nhiđó, 22Hayơq n'drươh, xók ơi lơơi bhuông lơq ama ađêi, nhiđó ting Ađó.

23Lơq Ađó vôôiq leq đi leq tôôh plok kalóóng xưưq Ga-li-lê, pató pachóóm kalóóng nôôq đong gươl ưng manưih dhanuôr, truuih pachóóm Taruuih Liêm leq katiêk pleng, palơq payươh dyóp rau mabinh lơq dyóp rau dhuôr ka-ai kalóóng dhanuôr manưih. 24Tanđôôr leq Ađó yuur đââr patơk plok tabhơt xưưq Si-ri, lơq palââng đââng tơk leq Ađó dyóp đu ve ka-ai, bâân pâng mơk bơk rau ka-ai lơq karuôq kakêch n'tua rau, bâân abhưi bóq, đu ahơt, rabóót dyung têi, lơq Ađó payươh đóng piđó. 25Nôôq tanóói dhanuôr bơk vôôiq ting Ađó tââq Ga-li-lê, Đê-ka-bô-lơ, Jê-ru-sa-leem, Ju-đê lơq tóór hót tôôh karuung Jô-đen.