Skip to content
BibleKenya

Katu Bible Literal Text

Hê-bơ-rơ 9

Taai kơi ađek, paraaq raket laloom tââm ađek biêh ve nôôq pakah đóng leq rau bhuôih haanh, dharing ting mưi dhiq sek liêm dhiq katiêk, taai mưi đong bhanuôih ơi bâân yuur kadhơng, phơn rau laloom, kalóóng ađek ve bhơt dyung dhơu palơq para, palơq nôôq beq beng bhanuôih, nek dhiq ngi đóók nek “Dhiq Sek Liêm”, dyơq hót hóng paryoong bhaai đu bơơr nek phơn pơơq pađơ, dhiq bâân đóók nek “Dhiq Tabah Liêm”, ve mưi para bhanuôih thuk dhaak palơq vaang, lơq taraang paraaq raket bâân gali tabhơt palơq vaang, hót kalóóng ađek nek m'beq hu palơq vaang kađôôq ma-na, n'dreh tarlââng xrôh pô ưng A-rôôn, lơq nôôq tala xaraq paraaq raket, dyơq hót piing taraang, nôôq chê-ru-biim cha-iil tabah pađơp dhuum katóp pók matu, hơq leq nôôq ađô ađek nek eh rau xók đóng praaq gluh ting mưi rau. Hơq xók nôôq rau achêk ơi bâân ravang kơi ađek, nôôq takóh kadhâng bhanuôih taluôn vôôiq mót kalóóng gral pơơq pađơ laloom tââm, yuur têêng nôôq tarnêêng têêng yaauq ưng ađêi; bơơi chapiên takóh kadhâng bhanuôih bhơt liêm mót kalóóng gral đu bơơr mưi chu dhiq mưi kamó, lơq kah kơi chóóm kah ve ahaam, nek bhanuôih adhah hơq ađó yuur tapôông klóóih đóng ađêi kala kung kơi nôôq lơt môôp ưng dhanuôr manưih. Chuôq Yaang Liêm tââq tarnêêng achêk đóng lêi giit kalơng mót dhiq nôôq tabah liêm dyơq kah ve bâân tapakah ơi, xók đong bhanuôih laloom tââm bhiêk dyơq dhiq dyương, hơq ađek nek mưi dhanang marchơng koom đóng ganah xók ađôk, hơq ting kơi ađek, tabhơt bhanuôih palơq adhah bhanuôih bâân yuur tapôông kah ve chóóm têêng đuôh dyóp liêm manưih bhuôih haanh leq kiêng móón lóóm karnóq, chapiên pâng tơk leq chana cha lơq đơơk ơm, palơq nôôq bhiêk kajut raau n'tua rau, hơq nek nôôq chaleq đóng tơk achak araang, bâân tabóq đuui đóng patơk ganah klôôq tame.

Bơơi Chuôq Paq Manưih xók tabhral dhiq pakơi takóh kadhâng bhanuôih bhơt liêm ưng nôôq rau kre liêm biêh ơi ve đươnh, tapâng đong bhanuôih mangi magrauq lơh lơq liêm kre lơh kah tââq têi akóón manưih kadhơng tavaaih, hơq nek kah mađó leq hóng katiêk akóón manưih ađôk, Palơq eh rau tââq ahaam ưng beeq akonh lơq karók akóón, bơơi tââq ahaam ưng chênh ađêi, Ađó ơi mót kalóóng dhiq nôôq tabah liêm mưi chu dyóp aq, tư ađêi chêk tabâân rau paq jóói tơk nh'chró. Ơi la ahaam beeq akonh lơq karók akonh palơq tarnêêng vươk bló karók akan kamór dhiq nôôq manưih ơi anhuq dyơq đââng tơk rau pasek paliêm, đươi kalóóng tarnêêng kajut pasek achak araang piđó, nek ahaam ưng Chuôq Paq Manưih, nek Yaang ơi đươi Yaang Liêm nh'chró ơi tapôông chênh ađêi têêng bhanuôih yươq madhôôn yươq madham đóng Yaang Pleng, e dyơq kajut pasek lóóm karnóq ưng adhi anó tơk n'nal mơ lơh tââq nôôq tarnêêng chêt đóng têêng yaauq Yaang Pleng taluôn mamông! Tââq kơi achêk, Ađó nek Yaang Dhiq M'pơng ưng paraaq raket tame, buôn đóng lơh xók kan chêt koom đóng tarnêêng klóóih pók nôôq tarnêêng lơt ganơơm dhiq paraaq raket laloom tââm bâân yuur vaaih, nôôq manưih ơi bâân dhaloong ve chóóm pei đơơp paraaq hươq leq karvaan kabhôôq nh'chró. Taai tơơt n'dhiq ve bha-aar xaraq pató lơơi, dhiq ađek dhakơi kan chêt ưng manưih xaraq bha-aar pató phaai bâân n'nal drêh. Taai bha-aar paraaq pató chapiên ve chóóm râng tađươi leq rau chêt, kơi achêk hayơq bha-aar ađek kah mơ ve chóóm tađươi xók manưih xaraq bha-aar pató lơơi dyơq mamông. Taai ađek, dhalam xók paraaq raket laloom tââm kung ơi kah bâân yuur têêng hơq kah ve ahaam. Taai xók ting gani pachóóm ting kơi gani ơi bâân Môôi-se praaq pakah đóng tabhơt dhanuôr, lơh xók pei ahaam karók akóón lơq beeq konh, kung palơq đơơk, tarlêi hangươn bhrôông, palơq đóóng axơq akaai, ađó ơi havươch leq tabhơt chênh panuôl bha-aar palơq tabhơt manưih dhanuôr, praaq kơi ađô: “Ađô nek ahaam paraaq raket hơq Yaang Pleng ơi truuih pachóóm đóng adhi anó.” Hơq ting kơi makơi ađek, ađó ơi havươch ahaam dhiq đong bhanuôih lơq dyóp rau parvech kalóóng gale n'tót bhuôih bhanuôih. Ting kơi gani, buôn tabhơt dyóp rau bâân kajut pasek palơq ahaam, hơq kah ve rau tantoh ahaam nek kah ve rau tarlơơi lơt.

Kơi ađek hayơq, mưi mat, rau pave achêk nek nôôq rau tapakah nôôq rau dhiq pleng bâân kajut pasek tââq nôôq adhah bhanuôih ađô, bơơi mat lââng, chênh nôôq rau dhiq pleng phaai bâân kajut pasek palơq nôôq adhah bhanuôih liêm lơh jalơh m'piing nôôq adhah bhanuôih achêk, Taai lalua, Chuôq Paq Manưih ơi kah mót kalóóng dhiq nôôq bhơt liêm tââq têi akóón manưih yuur têêng, nek nôôq rau tapakah ưng nôôq rau dhalam lalua — palâh lóóiq nek mót kalóóng chênh katiêk pleng, đóng xók ađôk pakah mat toom mat ưng Yaang Pleng klóóih đóng nôôq he, kung eh rau đóng tapôông chênh ađêi bơk chu, thê kơi takóh kadhâng bhanuôih bhơt liêm dyóp kamó vôôiq mót kalóóng nôôq dhiq tabah liêm kung palơq ahaam chô đóók ưng palââng; Ơi la eh rau kơi achêk, nek rau kiêng tââm đóng Ađó nek phaai đơơp janah bơk chu tââq xók tavaaih hóng katiêk. Bơơi xók ađôk, chapiên mưi chu mót xariêq nôôq klaang đơơi, ơi taai tarnêêng leng kaxiêt matu lơt, Ađó ơi bâân pakah pâng dhiq rau đơơp chêt ưng Ađó. Lơq ting kơi rau ơi ravang lơơi đóng akóón manưih phaai chêt mưi chu, hayơq xong ađek nek đơơp praaq xêi xanêi, nek kung kơi ađek, lơh xók bâân tapôông đââng chapiên mưi chu đóng pei gưi matu lơt bơk ngaai, Chuôq Paq Manưih e bâân rââm lêi dhiq chu đu bơơr, eh rau đóng gưi matu lơt, bơơi đóng rau paq jóói tơk palơq ngaai dhơơm bhơt lóóm đương rââm Ađó.

Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.