Katu Bible Literal Text
2 Kô-rin-tô 10
Chênh ađêi aku, Phaau-lô, nek manưih dhơ moor dha-iiq xók taje mat dhiq m'pơng adhi anó, bơơi vil grâ nhóól palơq adhi anó xók kah ve mat, mââl bhơơl adhi anó palơq rau moor m'pheep lơq matư ma-iiq ưng Chuôq Paq Manưih. Aku gavơh nhan kơi, xók ve mat, nek aku e kah kơng grâ lóóm palơq rau kah dhơ paraaq hơq aku xók kanóq nek phaai têêng karơ têi huông palơq bơơr pe chanak đóng kơi nôôq yi kơi ngóq xók jađaang vôôiq ting manưih ti. Ơi dhơ mamông kalóóng ng'kar m'bech, bơơi nôôq yi kah tarjơl ting ng'kar m'bech. Tââq nôôq kóóih bhươt tarleng tarjơl ưng nôôq yi eh alua nek ng'kar m'bech, hơq nek mataai karơ kalóóng Yaang Pleng đóng leq tarnêêng têêng pahư nôôq đong linh têêng tabil nôôq paraaq kacheel kachool palơq dyóp rau laach jơơr yuur vaaih huông lóóiq rau n'nal leq Yaang Pleng, lơq pa-eep dyóp karnóq taval leq rau xâng bóóp Chuôq Paq Manưih; lơq ve lóóm ravang lơơi buôn têêng dyóp rau paraaq tarnêêng kah xâng bóóp phaai chróót charóót, xók rau xâng bóóp ưng adhi anó ơi bâân kre liêm.
Adhi anó xók lêi rau tarnêêng tơơt dhiq mat nguôi. La ngaai huuiq mưng dhiq kala achak kơi ađêi mađó leq Chuôq Paq Manưih, nek manưih ađek phaai kanóq chamet lóóiq rau ađô leq chênh ađêi, kơi ađô: manưih ađek mađó leq Chuôq Paq Manưih n'đó kơi nek nôôq yi kung kơi achêk. Ơi patơk mơ la aku ve pajơơr hau rau kuôq lalơh leq karơ kataai ưng ađêi, nek karơ kataai Chuôq ơi pajaau đóng leq tarnêêng têêng tahayuur hơq eh rau đóng tarnêêng têêng pahư adhi anó, aku e yươq rau kachiit mat, buôn aku yươq têêng ađêi kơi ngóq têêng adhi anó phaai kakhin kapơn palơq thơ xaraq ưng ađêi. Ơi taai ve ngaai móón: “Dhơ nôôq tala thơ ưng ađó ađek râng paraaq lơq karơ bóóp, Bơơi xók ve mat palơq ng'haang palơq m'bech dhiq ađô nek dhuur lóóm, lơq bóóp paraaq yươq rauriq.” Manưih kơi achêk phaai kanóq chamet rau ađô, xók kah ve mat nôôq yi nek n'đó kơi kalóóng paraaq praaq dhiq nôôq tala thơ, nek xók ve mat têêng vôôiq ưng nôôq yi kung kơi achêk.
Ơi nôôq yi kah khin xađơng môôiq marchơng ađêi palơq bơơr pe chanak tư payaal ađêi kala. Bơơi nôôq manưih achêk, xók đang bang piđó dhiq chênh piđó, lơq tư marchơng kala achak palơq chênh ađêi, nek kah n'nal rarau. Palâh lóóiq, nôôq yi e kah pajơơr leq nôôq rau kuôq lơh xưa, bơơi nek ting mơ dhanang kalóóng mơ dhiq hơq Yaang Pleng ơi blah nh'xóóng đóng nôôq yi, mưi mơ dhanang ơi chavó tơk dhiq adhi anó. Tââq nôôq yi eh rau xók tư jalơh xưa mơ garóóng, kơi xók kah glêh chavó tơk adhi anó, ơi patơk mơ, nôôq yi ơi vôôiq loom tơk dhiq adhi anó palơq Truuih Liêm ưng Chuôq Paq Manưih, kah pajơơr leq nôôq rau lơh kanóóng bhlưa dhiq nôôq kông galeh ưng nôôq manưih lââng, bơơi taai ve rau lóóm rââm dhiq adhi anó, xók lóóm huuiq ưng adhi anó bâân grơơt lơh, buôn nôôq kông galeh ting mơ kalóóng ưng nôôq yi bâân tabhươh gamak tơk mơ xưa raai, buôn truuih pachóóm Taruuih Liêm dhiq nôôq parah bhlưa changaai adhi anó, yươq phaai pajơơr leq nôôq rau ơi bâân pasam lơơi dhiq mơ kalóóng ưng manưih lââng.
“Bơơi ngaai pajơơr ađêi, phaai pajơơr ađêi kalóóng Chuôq.”
Ơi eh rau manưih tư bhi haanh chênh ađêi nek manưih ađek ve rau chóóm đươi, bơơi nek manưih hơq Chuôq bhi haanh.
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.