1 Kô-rin-tô 8

1Leq nôôq rau bhuôih đóng kabhêi: Nôôq he n'nal kơi pabhơt nôôq he ve tarbech. Tarbech nek têêng laach jơơr, bơơi lóóm tanhơr nek têêng tahayuur. 2La ngaai ngóq ađêi n'nal rauriq ađek, nek manưih achêk kah ơi n'nal kơi ađêi chóóm n'nal. 3Bơơi la ngaai bhi nh'nhơr Yaang Pleng, nek manưih ađek bâân Ađó n'nal. 4Kơi achêk, leq tarnêêng cha nôôq rau bhanuôih bhuôih đóng kabhêi: Nôôq he n'nal kơi kabhêi kalóóng hóng katiêk nek hư bil, lơq kơi kah ve n'đó yaang liêm lââng lơh tââq Yaang Dhalam mưi giêl. 5Ơi dhơ nek pajra móón ve nôôq rau bâân đóók nek yaang, môôiq têêh dhiq pleng môôiq dhiq katiêk, thê kơi ve bơk “yaang” lơq bơk “chuôq,” 6bơơi nek palơq nôôq he, chapiên ve mưi Yaang Pleng nek Ama, Yaang hơq nek tââq tavaaih dyóp rau, lơq nek Yaang hơq nôôq he taluôn kanóq tơk; palơq mưi Chuôq nek Jê-su Chuôq Paq Manưih, đươi Ađó hơq dyóp rau bâân yuur tavaaih, lơq đươi Ađó hơq nôôq he bâân tavaaih ve.

7Dhơ kơi ađek, tarbech ađôk kah tơơt kalóóng dyóp ngaai. Bơơi bơk ngaai tôôh ting lóóm keen tââq n'loom tơk ađôk palơq kabhêi, piđó cha nôôq rau achêk kơi ngóq rau ơi bâân bhuôih leq kabhêi, hayơq lóóm kanóq biêh dhur lóóm ưng piđó ơi bâân anhuq. 8Mat lââng, chana dhanah e kah đââng nôôq he tơk đan Yaang Pleng; La kah cha, nôôq he kung yươq hat tabhuch, la cha nôôq he kung kah rau lơh. 9Bơơi phaai chagơn, e ngaai kơi-kiq ađek, lóóm rathaai ađô ưng adhi anó vaaih val xar têêng paxruuk đóng manưih dhur lóóm. 10Ơi la ngaai ađek bâân lêi manưih ve tarbech tơơt cha kalóóng đong bhanuôih bhuôih kabhêi, nek eh rau lóóm karnóq biêh dhur lóóm ưng piđó e bâân yua chut buôn cha nôôq rau bâân bhuôih đóng kabhêi alua? 11Kơi achêk nek, mưi chanak dhur lóóm, mưi chanak adhi anó hơq Chuôq Paq Manưih ơi chêt klóóih, bâân pahư tabil tââq tarbech ưng adhi anó. 12Mat lââng, ting kơi ađek, xók têêng matu huông palơq nôôq adhi anó ađêi lơq têêng tabhrê karnóq lóóm dhur lóóm ưng piđó, nek adhi anó têêng matu huông palơq Chuôq Paq Manưih. 13Hayơq nek la chana dhanah têêng đóng mưi chanak adhi anó ưng aku kanóq lơt, nek aku dhơ dhakơi e kah ve mơ đah adhah, hơq đóng aku óóq têêng lơt đóng manưih adhi anó ưng ađêi.