Siddi Bible
ಜೊಶುವಾ 12
ಮೊಯ್ಜೆನ್ ಹಾರ್ವಲ್ಲೆ ರಾಜಾ
ಇಜ್ರಾಯೆಲಾನಿ ಜೊರ್ದಾನ್ ನ್ಹಯಿಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ಅರ್ನೊನ್ ಖಡ್ಡ್ಯಾಕ್ನಾ, ಹೆರ್ಮೊನ್ ಮಡ್ಡಿ ಪತರ್ ಹೊತ್ತೊ ಜಾಗೊ ಅನಿ ಖಡ್ಡ್ಯಾ ಚ್ಯಾ ಜಾಗ್ಯಾಚೊ ದಿಸ್ ಉಗಾವ್ತಲ್ಯಾ ದಿಕ್ಕಾಚೊ ಜಾಗೊ ಕಾಡುನ್ ಘೆವ್ನ್ ಥೈತ್ಲ್ಯಾ ರಾಜಾಕ್ನಿ ನಾಶ್ ಕರ್ಲ್ಯಾನಿ. ತೆಂಚ್ಯಾತ್ ಪೈಲೆಚೊ ಹೆಶ್ಚೊನಿತ್ ಹೊತ್ತೊ ಅಮರಿಯಾಂಚೊ ರಾಜಾ ಸಿಹೊನ್, ಅರ್ನೊನ್ ಖಡ್ಡ್ಯಾಕ್ ಲಾಗುನ್ ಹೊತ್ತ್ಯಾ ಶಾರಾಕ್ ಲಾಗುನ್ ಅಮ್ಮೊನಿಯಾಂಚಿ ಘಡ್ ಯಬ್ಬೊಕ್ ನ್ಹಯಿಚ್ಯಾ ಪತರ್ಲೊ ಗಿಲ್ಯಾದಿಚೊ ಅರ್ದೊ ಜಾಗೊ. ಅನಿ ಜೊರ್ದಾನ್ ನ್ಹಯಿಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ಕಿನ್ನೆರೊತ್ ಸಮುಂದರಾಕ್ನಾ ಲವನ್ ಸಮುಂದರ್ ಮನುನ್ ಬಲ್ವುತಲ್ಯಾ ಅರಬಾ ಸಮುಂದರಾಚ್ಯಾ ಜಗ್ಗೊಳ್ ಹೊತ್ತ್ಯಾ ಬೆತ್ ಯಶಿಮೊತಿ ಪತರ್ಬಿ ಅನಿ ದಕ್ಷಿನಾಚ್ಯಾ ಪಿಸ್ಗಾ ಮಡ್ಡಿಚ್ಯಾ ಮುಳಾ ಪತರ್ಬಿ ಹೊತ್ತೊ ಖಡ್ಡ್ಯಾಂಚೊ ಜಾಗೊ ಹೆಜೊ ರಾಜ್ಜ್ಯ್ ಹೊಲ್ಲೊ. ದೊನ್ವೆಚೊ ಬಾಶಾನಾಚೊ ರಾಜಾ ಅಶ್ಟರೊತ್, ಎದ್ರೈ ಮನ್ತಲ್ಯಾ ಗಾಂವಾತ್ನಿ ವಸ್ತಿ ರ್‍ಹಾತಲ್ಯಾ ರೆಫಾಯಿಂಚ್ಯಾ ಕುಳಿಚೊ ಒಗ್. ಹೆಚೊ ರಾಜ್ಯ್ ಹೆಮ್ರೊನ್ ಮಡ್ಡಿಚೊ ವೈಲೊ ಜಾಗೊ, ಸಲ್ಕಾ ಶಾರ್, ಗೆರ್ಶುಯಾಂಚಿ ಅನಿ ಮಾಕತಿಯಾಂಚಿ ಘಡಿ ಬಾಶಾನ್ ಸಿಮಾ, ಅನಿ ಸಿಹೊನಾಚಿ ಘಡಿ, ಗಿಲ್ಯಾದಿಚೊ ಅರ್ದೊ ಪ್ರಾಂತ್ಯಾ. ಸರ್ವೆಸ್ಪರಾಚೊ ಸೆವಕ್ ಮೊಯ್ಜೆನ್ ಇಜ್ರಾಯೆಲ್‌ಕಾರಾಕ್ನಿ ಘೆವ್ನ್, ತ್ಯಾ ದೊನ್ ರಾಜಾಕ್ನಿ ಹಾರ್ವುನ್ ತೆಂಚೊ ರಾಜ್ಯ್ ರುಬೆನ್ಯಾಕ್ನಿ ಅನಿ ಗಾದಾಕ್ನಿ ಅನಿ ಮನಸ್ಸೆಚ್ಯಾ ಘರಾನ್ಯಾಚ್ಯಾ ಅರ್ದ್ಯಾ ಲೊಕಾಕ್ನಿ ವಾಟುನ್ ದಿಲ್ಯಾನ್.
ಜೊಶ್ವಾನ್ ಹಾರ್ವಲ್ಲೆ ರಾಜಾ
ಜೊಶ್ವಾನ್ ಇಜ್ರಾಯೆಲ್‌ಕಾರಾಕ್ನಿ ಮಿಳುನ್ ಘೆವ್ನ್ ಜೊರ್ದಾನ್ ನ್ಹಯಿಚ್ಯಾ ದಿಸ್ ಬುಡ್ತಲ್ಯಾ ದಿಕ್ಕಾಚ್ಯಾ ಲೆಬೊನ್ ಖಡ್ಡ್ಯಾತ್ ಹೊತ್ತ್ಯಾ ಬಾಲ್ಗಾದಿಕ್ನಾ ಸೆಯಿರಿಚ್ಯಾ ವಾಟೆಚ್ಯಾ ಹಾಲಾಕ್ ಮಡ್ಡಿ ಪತರ್ಬಿ ಪಗ್ಳುನ್ ಹೊತ್ತೊ ಮಡ್ಡಿವೈಲೊ ಜಾಗೊ. ಉತ್ರನಿಚೊ ಜಾಗೊ, ಖಡ್ಡ್ಯಾಚೊ ಜಾಗೊ, ಮಡ್ಡಿಯಾಂಚ್ಯಾ ಮುಳಾತ್ಲೊ ಜಾಗೊ, ಡಂಗಳ್ ದಕ್ಷಿನ್ ಪ್ರಾಂತ್ಯಾಕ್ನಿ ರಾಜ್ವಡ್ಕಿ ಕರಿತ್ ಹೊತ್ತ್ಯಾ, ಅಮೊರಿತಾ, ಕಾನಾನ್ ಪಿರಿಶಿಚೊ, ಹಿವ್ವಿಚೊ, ಅನಿ ಜೆಬುಸಿಯಾಂಚ್ಯಾ ರಾಜಾಕ್ನಿ ಹಾರ್ವುನ್ ತೆಂಚಿ ದೆಶ್ಯಾ ಇಜ್ರಾಯೆಲ್ ಲೊಕಾಕ್ನಿ ಘರಾನಾಂಚ್ಯಾ ಪರ್ಕಾರ್ ವಾಟುನ್ ದಿಲ್ಯಾನ್, ತ್ಯಾ ರಾಜಾಂಚೊ ಇಸಾಬ್ ಅಸೊ ಹಾಯ್. ಜೆರಿಕೊಚೊ ರಾಜಾ ಎಕ್, ಬೆತೆಲಿಚ್ಯಾ ಜಗ್ಗೊಳ್ ಆಯಿಚೊ ರಾಜಾ ಎಕ್, ಜೆರುಜಲೆಮಾಚೊ ರಾಜಾ ಎಕ್, ಹೆಬ್ರೊನಿಚೊ ರಾಜಾ ಎಕ್, ಜಮುರ್ತಿಚೊ ರಾಜಾ ಎಕ್, ಲಾಕಿಶಿಚೊ ರಾಜಾ ಎಕ್, ಎಗ್ಲೊನಿಚೊ ರಾಜಾ ಎಕ್, ಗೆಜೆರಿಚೊ ರಾಜಾ ಎಕ್, ದೆಬೆರಿಚೊ ರಾಜಾ ಎಕ್, ಗೆದೆರಿಚೊ ರಾಜಾ ಎಕ್, ಹೊರ್ಮಾಚೊ ರಾಜಾ ಎಕ್, ಆರಾದಿಚೊ ರಾಜಾ ಎಕ್, ಲಿಬ್ನಾಚೊ ರಾಜಾ ಎಕ್, ಅದುಲ್ಲಾಮಾಚೊ ರಾಜಾ ಎಕ್, ಮಕ್ಕದಾಚೊ ರಾಜಾ ಎಕ್, ಬೆತೆಲಿಚೊ ರಾಜಾ ಎಕ್, ತಪ್ಪುಹಾಚೊ ರಾಜಾ ಎಕ್, ಬೆತೆಲಿಚೊ ರಾಜಾ ಎಕ್, ಅಫೆಕಾಚೊ ರಾಜಾ ಎಕ್, ಲಶಾರೊನಿಚೊ ರಾಜಾ ಎಕ್, ಮಾದೊನಾಚೊ ರಾಜಾ ಎಕ್, ಹಾಚೊರಿಚೊ ರಾಜಾ ಎಕ್, ಶಿಮ್ರೊನ್ಮೆರೊನಿಚೊ ರಾಜಾ ಎಕ್, ಅಕ್ಷಾಪಿನಾಚೊ ರಾಜಾ ಎಕ್. ತಾನಾಕಾಚೊ ರಾಜಾ ಎಕ್, ಮೆಗಿದ್ದೊಮಿಚೊ ರಾಜಾ ಎಕ್, ಕೆದೆಶಿಚೊ ರಾಜಾ ಎಕ್, ಕರ್ಮೆಲ್ ಮಡ್ಡಿಚ್ಯಾ ಜೊಕ್ನೆಯಾಮಾಚೊ ರಾಜಾ ಎಕ್, ದೊರ್ ಮಡ್ಡಿಚ್ಯಾ ವೈಲ್ಯಾ ದೊರಿಚೊ ರಾಜಾ ಎಕ್, ಗಿಲ್ಗಾಲಿಯಾಂಚೊ ರಾಜಾ ಎಕ್. ತಿರ್ಚಾಚೊ ರಾಜಾ ಎಕ್, ಸಗ್ಳೆ ಮಿಳುನ್ ತಿಸಾರ್ ಎಕ್ ರಾಜಾ ಹಾತ್.
Siddi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.