Siddi Bible
ಉತ್ಪತ್ತಿ 8
ಜಲ್ ಪ್ರಳಯ್ ಸರ್ನಿ
ಸರ್ವೆಸ್ಪರ್ ದೆವಾನ್ ನೊಯೆಕ್ ಅನಿ ತೆಚ್ಯಾ ವಾಂಗ್ಡಾ ಹೊತ್ತ್ಯಾ ಜನಾವರಾಕ್ನಿ ಇಸ್ರುಕ್ ನಾ, ಅನಿ ಜಿಮ್ನಿ ವರ್‍ತಿ ವಾರೊ ಯೆಯ್ ಸಾರ್ಕೆ ಕರುನ್ ಪಾನಿ ಆಟ್ವುಕ್ ಶುರು ಕರ್ಲ್ಯಾನ್. ಅನಿ ಸಾಗರಾಚಿ ಝರಿಯಾ ಅನಿ ಮಳ್ಬಾಚಿ ದಾರಾ ಧಾಪ್ಲಿ, ಅನಿ ವತುಕ್ ಲಾಗಲ್ಲೊ ಪಾವ್ಸ್ ಬಂದ್ ಹೊಲೊ. ಅನಿ ಎಕ್ಸೆ ಪನ್ನಾಸ್ ದಿಸಾಂಚ್ಯಾ ಪತರ್ಬಿ ಪಾನಿ ಉತ್ರುಕ್ ಶುರು ಹೊವ್ಕ್ ನತ್ತೆ. ಸಾತ್ವ್ಯಾ ಮೈನಾಚ್ಯಾ ಸತ್ರಾವ್ಯಾ ದಿಸಿ ಢೊನ್ ಅರಾರಾಟ್ ಮನ್ತಲ್ಯಾ ಜಾಗ್ಯಾಚ್ಯಾ ಮಡ್ಡಿವರ್‍ತಿ ಇಬೆರಾಲಿ. ದಾವೆಚ್ಯಾ ಮೈನ್ಯಾತ್ ಪೈಲೆಚ್ಯಾ ದಿಸಿ ಪಾನಿ ಆಟಿತ್ ಯೆತಾನಾ ಮಡ್ಡಿಚ್ಯಾ ಟಿಕ್ರಿಯಾ ದಿಸುಕ್ ಲಾಗ್ಲಿ.
ನೊಯೆನ್ ಚಾಳಿಸ್ ದಿಸಾ ಹೊಲ್ಲ್ಯಾ ಮಾನಾ ಢೊನಾಚಿ ಎಕ್ ಕಿಡಕಿ ಉಗಡ್ಲ್ಯಾನ್, ಅನಿ ಎಕ್ ಕಾವ್ಳೊ ಭಾಯ್ರ್ ಸೊಡ್ಲ್ಯಾನ್ ಅನಿ ಜಿಮ್ನಿ ವೈಲೆ ಪಾನಿ ವಾಳಿ ಪತರ್ ಬಿ ಕಾವ್ಳೊ ಥೈ ಹಿತ್ತೆ ಫಿರುನ್ಗೆತ್ ಹೊತ್ತೊ.
ಮಾನಾ ಅನಿಬಿ ನೊಯೆನ್ ಜಿಮಿನ್ ಆಟ್ಲಾಕಿ ನಾ ಮನುನ್ ಬಗುಕ್ ಎಕ್ ಪಾರಿವಾಳಾಕ್ ಧಾಡುನ್ ದಿಲ್ಯಾನ್. ತನ್ನಾ ಪಾನಿ ಹೊತ್ತ್ಯಾ ವೈನಾ ತೊ ಪಾರಿವಾಳಾಕ್ ಪಾಯ್ ಥವ್ಕ್ ಜಾಗೊ ನತ್ತ್ಯಾ ವೈನಾ ಪರ್‍ತುನ್ ಯೆಲೆ, ತನ್ನಾ ನೊಯೆ ತೆಕಾ ಘೆವ್ನ್ ಢೊನಾಚ್ಯಾ ಭುತ್ತುರ್ ಸೊಡ್ಲ್ಯಾನ್. ಮಾನಾ ನೊಯೆನ್ ಸಾತ್ ದಿಸ್ ರಾಕುನ್ ತ್ಯಾ ಪಾರಿವಾಳಾಕ್ ಅನಿ ಪರ್‍ತುನ್ ಭಾಯ್ರ್ ಸೊಡ್ಲ್ಯಾನ್. ತ್ಯಾ ದಿಸಿ ಸಾಂಚೆಕ್ಡೆ ಪರ್‍ತುನ್ ಪಾರಿವಾಳ್ ನೊಯೆಚ್ಯಾ ಜಗ್ಗೊಳ್ ಯೆತಾ, ತೆಚ್ಯಾ ಠೊಚ್ಯಾತ್ ಒಲಿವ್ ಝಾಡಾಚೆ ಎಕ್ ಕವ್ಳೊ ಚಿಗುರ್ ರ್‍ಹಾತಾ, ತನ್ನಾ ನೊಯೆನ್ ಜಿಮ್ನಿ ವೈಲೆ ಪಾನಿ ಉತರ್ಲೆ ಮನುನ್ ಕಳ್ವುನ್ ಘೆಟ್ಲ್ಯಾನ್. ಅನಿ ಸಾತ್ ದಿಸಾ ಮಾನಾ ನೊಯೆನ್ ಪಾರಿವಾಳಾಕ್ ಪರ್‍ತುನ್ ಧಾಡ್ಲ್ಯಾನ್ ಖರೆ ಪಾರಿವಾಳ್ ಪರ್‍ತುನ್ ಯೆವ್ಕುಚ್ ನಾ.
ನೊಯೆಕ್ ಸಾಸೆ ಎಕ್ ವರ್ಸಾ ಹೊಲ್ಲ್ಯಾ ತನ್ನಾ ಎಕ್ವೆಚ್ಯಾ ಮೈನೆಚ್ಯಾ ಎಕ್ವೆ ದಿಸಿ ಜಿಮ್ನಿ ವೈಲೆ ಪಾನಿ ಉತರ್ಲೆ, ನೊಯೆನ್ ಢೊನಾಚೆ ದಾರ್ ಉಗ್ಡುನ್ ಹಿಕ್ಡಿ ತಿಕ್ಡಿ ಬಗ್ಲ್ಯಾನ್ ಜಿಮಿನ್ ವಾಳುಲಾಗಲಿ ದಿಸ್ಲಿ. ದೊನ್ವೆ ಮೈನ್ಯಾಚ್ಯಾ ಇಸಾರ್ ಸಾತ್ವ್ಯಾ ದಿಸಿ ಜಿಮಿನ್ ಫುರಾ ವಾಳಲ್ಲಿ ಹೊತ್ತಿ.
ತನ್ನಾ ದೆವಾನ್ ನೊಯೆಕ್, “ತಿಯಾ ಅನಿ ತುಜಿ ಬಾಯ್ಕೊ ಲೆಕಾ ಅನಿ ಸುನ್ನಾ ಢೊನಾತ್ನಾ ಭಾಯ್ರ್ ಜಾವಾ, ಅನಿ ತುಜ್ಯಾ ವಾಂಗ್ಡಾ ಹೊತ್ತಿ ಜನಾವರಾ, ಫಾಕ್ರಾ, ಫಿರುನ್ ಖೆಳ್ತಲೆ ಕಿಡೆ ಹರ್ ಎಕ್ಬಿ ಭಾಯ್ರ್ ಯೆಂವ್ದಿತ್ ಅನಿ ತೆಂಚಿ ಪಿಳ್ಗಿ ಜಿಮ್ನಿ ವರ್‍ತಿ ಲೈ ಹೊವ್ನ್ ವಾಡುಂದಿತ್” ಮಟ್ಲ್ಯಾನ್. ಮಾನಾ ನೊಯೆ ಅನಿ ತೆಚಿ ಬಾಯ್ಕೊ ಲೆಕಾ, ಸುನ್ನಾ ಸಗ್ಳೆಬಿ ಢೊನಾಚ್ಯಾ ಭಾಯ್ರ್ ಯೆಲೆ. ಅನಿ ಸಗ್ಳಿ ಜನಾವರಾ, ಫಾಕ್ರಾ, ಫಿರುನ್ ಖೆಳ್ತಲೆ ಕಿಡೆ ಅಪಪ್ಲ್ಯಾ ತಾಂಡ್ಯಾ ಸಾರ್ಕೆ ಢೊನಾತ್ನಾ ಭಾಯ್ರ್ ಯೆಲೆ.
ನೊಯೆ ಬಲಿ ಭೆಟ್ವುತಲೆ
ತನ್ನಾ ನೊಯೆನ್ ಎಕ್ ಬಲಿಭೆಟ್ವುತಲೊ ಕಟ್ಟೊ ಭಾಂದ್ಲ್ಯಾನ್, ಅನಿ ಶುದ್ದ್ ಜನಾವಾರಾ ಅನಿ ಫಾಂಕ್ರಾತ್ನಿ ಎಕೆಕ್ ಘೆವ್ನ್ ಚರ್ಚರಿ ಜಾಳ್ವುನ್ ಬಲಿ ಭೆಟ್ವುಲ್ಯಾನ್. ಬಲಿ ಭೆಟ್ವುತಲಿ ಬರಿ ವಾಸ್ ಸರ್ವೆಸ್ಪರ್ ದೆವಾಕ್ ಮೆಚ್ಕಿ ಹೊಲಿ ಅನಿ ತೆನಿ ಹೆಜ್ಯಾನ್ ಫಿಡೆ ಮಿಯಾ ಮಾನ್ಸಾ ಸಾಟ್ನಿ ಜಿಮ್ನಿಕ್ ಶರಾಪಿನಾ, ಅನಿ ಹ್ಯಾ ಮಾನ್ಸಾಚೆ ಮನಾತ್ಲಿ ಯೆವ್ಜನ್ ತೊ ಬಾರಿಕ್ ರ್‍ಹಾತಾನಾಚ್ ಬುರ್ಶಿ ಮನುನ್ ಮಾಕಾ ಗೊತ್ ಹಾಯ್, ಅತ್ತಾ ಕರಲ್ಲ್ಯಾ ಸಾರ್ಕೆ ಅನಿ ಕನ್ನಾಬಿ ಮಿಯಾ ಜಿಮ್ನಿಕ್ ನಾಶ್ ಕರಿನಾ.
ಜಿಮಿನ್ ರ್‍ಹಾಯ್ ಪತರ್ಬಿ ಪೆರ್‍ತಲೊ, ಕಾತ್ರನಿಚೊ, ಥಂಡ್, ಅನಿ ಗರಮ್, ನಿಂಬ್ರಾಳ್ ಥಂಡಿಚಿ ದಿಸಾ, ದಿಸ್ ಅನಿ ರ್‍ಹಾತ್ ಹೆ ಸಗ್ಳೆ ರ್‍ಹಾತಾ ಮಟ್ಲ್ಯಾನ್.
Siddi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.