Siddi Bible
ಉತ್ಪತ್ತಿ 23
ಸಾರ್‍ಹಾಚೆ ಮರಾನ್ ಅನಿ ಸಮಾದಿ
ಸಾರ್‍ಹಾ ಎಕ್ಸೆ ವಿಸಾರ್ ಸಾತ್ ವರ್ಸಾ ಜಿವಾನಿ ರಾಲಿ. ತಿ ಕಾನಾನ್ ದೆಸಾತ್ಲಾ ಹೆಬ್ರೆ ಮನ್ತಲ್ಯಾ ಗಾಂವಾತ್ ಮರುನ್ ಗೆಲಿ, ಮಾನಾ ಅಬ್ರಾಹಾಮ್ ಯೆವ್ನ್ ತಿಕಾ ಬಗುನ್ ಲೈ ರಡ್ಲ್ಯಾನ್.
ಮಾನಾ ತಿಚೆ ಮಡೆ ನಿಜ್ವಲ್ಯಾಕ್ನಾ ತೊ ಜಾಗೊ ಸೊಡುನ್ ಹಿತ್ತಿಯಾಂಚ್ಯಾಕ್ಡೆ ಜಾವ್ನ್ ತೆಂಕಾ, “ಮಿಯಾ ಹ್ಯಾ ಗಾಂವಾಚೊ ನೈ” ಮಿಯಾ ಹಿತ್ತೆ ಪ್ರವಾಶ್ ಕರುಕ್ ಯೆಲ್ಲೊ, ಖರೆ ಮಾಜ್ಯಾ ಬಾಯ್ಕೊಚಿ ಮಾಟಿ ಕರುಕ್ ಮಾಕಾ ಉಲ್ಲೊ ಜಾಗೊ ಇಕಾತ್ ದಿವಾ ಮಟ್ಲ್ಯಾನ್.
ತನ್ನಾ ಅಬ್ರಾಹಾಮಾಕ್ ಹಿತ್ತಿಯಾನ್, ಸಾಯ್ಬಾನೊ, ದಯಾ ಕರುನ್ ಮಾಜಿ ಗೊಸ್ಟ್ ಆಯ್ಕಾ ಅಮ್ಚ್ಯಾ ನದ್ರೆಕ್ ತಿಯಾ ಎಕ್ ಮೊಟೊ ಮುಖಂಡ್ ಹೊವ್ನ್ ಬಗ್ತಾಂವ್, ಅಮ್ಚ್ಯಾ ಸಾಟ್ನಿ ಸಮಾಧಿ ಕರುಕ್ ಮನುನ್ ಹೊತ್ತ್ಯಾ ಬರ್‍ಯಾ ಜಾಗ್ಯಾರ್ ತಿಕಾ ಮಾಟಿ ಕರ್ ಅಮ್ಚ್ಯಾತ್ಲೆ ಕೊನ್ ಹೊಲ್ಯಾರ್ಬಿ ತುಕಾ ತುಜ್ಯಾ ಬಾಯ್ಕೊಚ್ಯಾ ಮಾಟಿ ಸಾಟ್ನಿ ಅಮ್ಚಾತ್ ಖಲೊ ಜಾಗೊಬಿ ಗೆ . ಮನುನ್ ಜವಾಬ್ ದಿಲ್ಯಾನಿ.
ಥೈ ಹೊತ್ತ್ಯಾ ಹಿತ್ತಿಯಾಕ್ನಿ ಅಬ್ರಾಹಾಮಾನ್ ಉಟುನ್ ಇಬೆ ರ್‍ಹಾವ್ನ್ ಮಾನ್ ಬಾಗ್ವುನ್ ನಮಸ್ಕಾರ್ ಕರುನ್, ತುಮಿ ಖರೆಚ್ ಮಾಜ್ಯಾ ಬಾಯ್ಕೊಕ್ ಮಾಟಿ ಕರುಕ್ ಜಾಗೊ ದಿತಲೆ ಹೊಲ್ಯಾರ್ ಚೊಹರಾಚೊ ಲೆಕ್ ಎಪ್ರೊನಾಚ್ಯಾಕ್ಡೆ ವಾಂಗ್ಡಾ ಬೊಲುನ್, ತೆಚ್ಯಾ ಸೆತಾಕ್ಡೆ ಹೊತ್ತ್ಯಾ ಮೆಕ್ಪೆಪೆಲ್ ಮನ್ತಲೊ ಡೊಂಬೊ ತುಮ್ಚ್ಯಾ ಇದ್ರಾಕ್ ಫುರಾ ಪೈಸೊ ಘೆವ್ನ್ ಇಕಾತ್ ದಿವ್ಕ್ ಸಾಂಗ್ ಅಸೆ ಮಿಯಾ ಮಾಜ್ಯಾ ಸ್ವತಾಕ್ ಜಾಗೊ ಘೆವ್ಕ್ ಹೊತಾ.
ಎಪ್ರೊನ್ ಹಿತ್ತಿಯಾಂಚ್ಯಾ ವಾಂಗ್ಡಾ ಶಾರಾಚ್ಯಾ ದಡ್ಪ್ಯಾತ್ ಬಸುಲ್ಲೊ ರ್‍ಹಾತಾ, ಥೈ ತೆಂಚೆ ಬೊಲ್ನೆ ಆಯ್ಕುನ್ ತೆನಿ ತೆಂಚ್ಯಾ ಸಗ್ಳ್ಯಾಂಚ್ಯಾ ಇದ್ರಾಕ್ ಅಸೆ ಜವಾಬ್ ದಿಲ್ಯಾನ್. “ತಸೆ ನೈ ಸಾಯ್ಬಾನೊ ಮಾಜಿ ಗೊಸ್ಟ್ ಆಯ್ಕಾ, ತೊ ಜಾಗೊ ಅನಿ ಡೊಂಬೊ ಸಗ್ಳ್ಯಾ ಲೊಕಾಂಚ್ಯಾ ಇದ್ರಾಕುಚ್ ತುಕಾ ದಿತಾ, ತಿಯಾ ತುಜಾ ಬಾಯ್ಕೊಚಿ ಮಾಟ್ಟಿ ಕರುಕ್ ಹೊತಾ” ಮನುನ್ ಸಾಂಗ್ಲ್ಯಾನ್.
ಮಾನಾ ಅಬ್ರಾಹಾಮಾನ್ ಹಿತ್ತಿಯಾಕ್ನಿ ಮಾನ್ ಬಾಗ್ವುನ್ ನಮಸ್ಕಾರ್ ಕರುನ್, ಎಪ್ರೊನಾಕ್ ಅಬ್ರಾಹಾಮಾನ್ ಸಗ್ಳ್ಯಾ ಲೊಕಾಕ್ನಿ ಆಯ್ಕಿ ಸಾರ್ಕೆ ಮಾಜೆ ಬೊಲ್ನಿ ಉಲ್ಲೆ ಆಯಿಕ್ತ್ಯಾಸಿ ಕಾಯ್, ಮಿಯಾ ಹ್ಯಾ ಸೆತಾಚಿ ಪೈಸೆ ದಿತಾ ತುಮಿ ಸ್ವಿಕಾರ್ ಕರುಚೆ ತನ್ನಾ ಮಿಯಾ ಹೊ ಜಾಗೊ ಸ್ವತಾಚೊ ಕರುನ್ ಘೆತಾ ಅನಿ ಮಾಜ್ಯಾ ಬಾಯ್ಕೊಚಿ ಮಾಟಿ ಕರ್ತಾ,
ತನ್ನಾ ಎಪ್ರೊನಾನ್ ಅಬ್ರಾಹಾಮಾಕ್, ಸಾಯ್ಬಾ, ಮಿಯಾ ಸಾಂಗ್ತಲೆ ಹಿತ್ತೆ ಆಯ್ಕ್, ತಿಯಾ ತುಜ್ಯಾ ಬಾಯ್ಕೊಚಿ ಮಾಟಿ ಕರ್, ತ್ಯಾ ಜಾಗ್ಯಾಚೆ ಕಿಮ್ಮತ್ ಚಾರ್ಸೆ ಚಾಂದಿಚೆ ಪೈಸೆ, ತೆ ಕಾಯ್ ಅಮ್ಚ್ಯಾ ಮದ್ದಿ ಲೈ ಕಾಯ್? ಮಟ್ಲ್ಯಾನ್. ಮಾನಾ ಅಬ್ರಾಹಾಮಾನ್ ತ್ಯಾ ಜಾಗ್ಯಾಚೊ ಚಾರ್ಸೆ ಚಾಂದಿಚೆ ಪೈಸೆ ವಜನ್ ಜೊಕುನ್ ಹಿತ್ತಿಯಾಂಚ್ಯಾ ಇದ್ರಾಕ್ ಎಪ್ರೊನಾಕ್ ದಿಲ್ಯಾನ್, ಅನಿ ತೆಚ್ಯಾ ಬೊಲ್ನ್ಯಾಕ್ ಒಪ್ಲ್ಯಾನ್.
ಅಸೆ ಎಪ್ರೊನಾಚೊ ಜಾಜೊ ಮಾಮ್ರೆ ಶಾರಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ಮೆಕ್ಪೆಲ್ ಮನ್ತಲ್ಯಾ ಡೊಂಬಾಚ್ಯಾ ಭೊತ್ಯಾನಿ ಹೊತ್ತೆ ಸೆತ್ಬಿ ಅನಿ ಸಗ್ಳಿ ಝಾಡಾಬಿ ಅಬ್ರಾಹಾಮಾಚೊ ವಾಟೊ ಹೊಲಿ, ಮಾನಾತಿ ಅಬ್ರಾಹಾಮಾಚೆ ಸ್ವತಾಚಿ ಜಿಮಿನ್ ಮನುನ್ ಹಿತ್ತಿಯಾಕ್ನಿ ಅನಿ ತ್ಯಾ ಶಾರಾಂಚ್ಯಾ ಸಗ್ಳ್ಯಾ ಲೊಕಾಂಚ್ಯಾ ಇದ್ರಾಕ್ ತಿರ್ಮಾನ್ ಹೊಲೆ.
ಮಾನಾ ಅಬ್ರಾಹಾಮಾನ್ ಅಪ್ಲಿ ಬಾಯ್ಕೊ ಸಾರ್‍ಹಾಕ್ ಕಾನಾನ್ ದೆಶಾಚ್ಯಾ ಮಾಮ್ರೆಚ್ಯಾ ಮೆಕ್ಪೆಲಾಚ್ಯಾ ಸೆತಾತ್ಯಾ ಡೊಂಬಾತ್ ಮಾಟಿ ದಿಲ್ಯಾನ್. ಅಸೆ ಹಿತ್ತಿಯಾಂಚೊ ತೊ ಡೊಂಬ್ ಮಸನ್ಗಿಚೊ ಜಾಗೊ ಹೊವ್ನ್ ಅಬ್ರಾಹಾಮಾಕ್ ಗಾವ್ಲೊ.
Siddi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.