ಚೆಫ

ಚೆಫನ್ಯನು

ಗ್ರಂಥಕರ್ತೃತ್ವ

ಚೆಫನ್ಯ 1:1 ರಲ್ಲಿ, ಗ್ರಂಥಕರ್ತನು ತನ್ನನ್ನು ತಾನು “ಕೂಷಿಯನ ಮಗನೂ, ಗೆದಲ್ಯನ ಮೊಮ್ಮಗನೂ, ಹಿಜ್ಕೀಯನಿಗೆ ಹುಟ್ಟಿದ ಅಮರ್ಯನ ಮರಿಮಗನೂ ಆದ ಚೆಫನ್ಯನು” ಎಂದು ಪರಿಚಯಿಸಿಕೊಳ್ಳುತ್ತಾನೆ. ಚೆಫನ್ಯ ಎಂಬ ಹೆಸರಿಗೆ “ದೇವರಿಂದ ಕಾಪಾಡಲ್ಪಟ್ಟವನು” ಎಂಬರ್ಥವಿದೆ, ಯೆರೆಮೀಯ ಪುಸ್ತಕದಲ್ಲಿ ಪ್ರಖ್ಯಾತನಾದ ಯಾಜಕನಿದ್ದಾನೆ (21:1; 29:25, 29; 37:3; 52:24), ಆದರೆ ಚೆಫನ್ಯನಿಗೆ ಮೇಲಣ ಬರಹದಲ್ಲಿರುವ ಹೆಸರಿನೊಂದಿಗೆ ಯಾವುದೇ ಸಂಬಂಧವಿಲ್ಲ. ಚೆಫನ್ಯನಿಗೆ ಅವನ ಪೂರ್ವಜರ ಆಧಾರದ ಮೇಲೆ ರಾಜಮನೆತನದ ಹಿನ್ನಲೆಯುಳ್ಳವನಾಗಿದ್ದಾನೆ ಎಂದು ಸಾಮಾನ್ಯವಾಗಿ ಹೇಳಲಾಗುತ್ತದೆ. ಯೆಶಾಯ ಮತ್ತು ಮೀಕನ ಸಮಯದಿಂದ ಯೆಹೂದದ ವಿರುದ್ಧವಾಗಿ ಪ್ರವಾದಿಸಿ ಬರೆದಂಥ ಪ್ರವಾದಿಗಳಲ್ಲಿ ಚೆಫನ್ಯನು ಮೊದಲನೆಯವನು.

ಬರೆದ ದಿನಾಂಕ ಮತ್ತು ಸ್ಥಳ

ಸರಿಸುಮಾರು ಕ್ರಿ.ಪೂ. 640-607 ರ ನಡುವಿನ ಕಾಲದಲ್ಲಿ ಬರೆದಿರಬಹುದು.

ಯೆಹೂದದ ಅರಸನಾದ ಯೋಷೀಯನ ಆಳ್ವಿಕೆಯಲ್ಲಿ ಚೆಫನ್ಯನು ಪ್ರವಾದಿಸಿದನೆಂದು ಈ ಪುಸ್ತಕವು ನಮಗೆ ಹೇಳುತ್ತದೆ (ಚೆಫನ್ಯ 1:1).

ಸ್ವೀಕೃತದಾರರು

ಯೆಹೂದದ ಜನರು (ದಕ್ಷಿಣ ರಾಜ್ಯ) ಮತ್ತು ಎಲ್ಲೆಡೆಯಿರುವ ದೇವರ ಜನರಿಗಿರುವ ಸಾಮಾನ್ಯ ಪತ್ರ.

ಉದ್ದೇಶ

ಚೆಫನ್ಯನ ನ್ಯಾಯತೀರ್ಪಿನ ಮತ್ತು ಪ್ರೋತ್ಸಾಹದ ಸಂದೇಶವು ಮೂರು ಪ್ರಮುಖ ಸಿದ್ಧಾಂತಗಳನ್ನೊಳಗೊಂಡಿವೆ, ದೇವರು ಎಲ್ಲಾ ರಾಷ್ಟ್ರಗಳ ಮೇಲೆ ಸಾರ್ವಭೌಮತ್ವವನ್ನು ಹೊಂದಿದ್ದಾನೆ, ನ್ಯಾಯದ ತೀರ್ಪಿನ ದಿನದಂದು ದುಷ್ಟರು ಶಿಕ್ಷಿಸಲ್ಪಡುತ್ತಾರೆ ಮತ್ತು ನೀತಿವಂತರು ವಿಮೋಚಿಸಲ್ಪಡುತ್ತಾರೆ, ದೇವರು ಪಶ್ಚಾತ್ತಾಪಪಡುವವರನ್ನು ಮತ್ತು ತನ್ನಲ್ಲಿ ಭರವಸೆಯನ್ನಿಡುವವರನ್ನು ಆಶೀರ್ವದಿಸುತ್ತಾನೆ.

ಮುಖ್ಯಾಂಶ

ಕರ್ತನ ಮಹಾ ದಿನ

ಪರಿವಿಡಿ

1. ಬರಲಿರುವ ಕರ್ತನ ದಿನದ ವಿನಾಶ — 1:1-18

2. ನಿರೀಕ್ಷೆಯ ವಿರಾಮ — 2:1-3

3. ದೇಶಗಳ ವಿನಾಶ — 2:4-15

4. ಯೆರೂಸಲೇಮಿನ ವಿನಾಶ — 3:1-7

5. ಹಿಂತಿರುಗುವಿಕೆಯ ನಿರೀಕ್ಷೆ — 3:8-20