2 ಸಮು

2 ಸಮುವೇಲನು

ಗ್ರಂಥಕರ್ತೃತ್ವ

2 ಸಮುವೇಲನ ಪುಸ್ತಕವನ್ನು ಬರೆದ ಗ್ರಂಥಕರ್ತನನ್ನು ಗುರುತಿಸುವುದಿಲ್ಲ. ಪ್ರವಾದಿಯಾದ ಸಮುವೇಲನು ಮೃತನಾದುದರಿಂದ ಅವನು ಗ್ರಂಥಕರ್ತನಾಗಿರಲು ಸಾಧ್ಯವಿಲ್ಲ. ಮೂಲತಃ, 1 ಮತ್ತು 2 ಸಮುವೇಲ ಪುಸ್ತಕಗಳು ಒಂದೇ ಪುಸ್ತಕವಾಗಿದ್ದಿತ್ತು. ಸೆಪ್ಟುಜೆಂಟ್ ಭಾಷಾಂತರಕಾರರು ಅವುಗಳನ್ನು ಎರಡು ಪುಸ್ತಕಗಳಾಗಿ ವಿಭಜಿಸಿದರು. ಆದ್ದರಿಂದ ಮೊದಲನೆಯ ಪುಸ್ತಕವು ಸೌಲನ ಮರಣದೊಂದಿಗೆ ಕೊನೆಗೊಂಡಿತು ಮತ್ತು ಎರಡನೇ ಪುಸ್ತಕವು ದಾವೀದನ ಆಳ್ವಿಕೆಯೊಂದಿಗೆ ಆರಂಭವಾಯಿತು, ದಾವೀದನನ್ನು ಯೆಹೂದದ ಕುಲದ ಅರಸನನ್ನಾಗಿ ಮಾಡಲಾಯಿತ್ತು ಮತ್ತು ನಂತರ ಅವನನ್ನು ಇಸ್ರಾಯೇಲ್ಯರೆಲ್ಲರ ಅರಸನನ್ನಾಗಿ ಮಾಡಲಾಯಿತು.

ಬರೆದ ದಿನಾಂಕ ಮತ್ತು ಸ್ಥಳ

ಸರಿಸುಮಾರು ಕ್ರಿ.ಪೂ. 1050-722 ರ ನಡುವಿನ ಕಾಲದಲ್ಲಿ ಬರೆದಿರಬಹುದು.

ಡ್ಯೂಟೆರೊನೊಮಿಸ್ಟಿಕ್ ಹಿಸ್ಟರಿ (ಧರ್ಮೋಪದೇಶಕಾಂಡ ಇತಿಹಾಸದ) ಭಾಗವಾಗಿ ಇದು ಬಾಬೆಲಿನ ಸೆರೆವಾಸದ ಸಮಯದಲ್ಲಿ ಬರೆಯಲ್ಪಟ್ಟಿತು.

ಸ್ವೀಕೃತದಾರರು

ಒಂದು ವಿಧದಲ್ಲಿ, ದಾವೀದನ ಮತ್ತು ಸೊಲೊಮೋನನ ಆಳ್ವಿಕೆಯಲ್ಲಿ ವಾಸಿಸುತ್ತಿದ್ದ ಇಸ್ರಾಯೇಲ್ಯರು ಮೂಲ ವಾಚಕರು, ಹಾಗೆಯೇ ಅವರ ನಂತರದ ಪೀಳಿಗೆಗಳು ಆಗಿರುತ್ತಾರೆ.

ಉದ್ದೇಶ

2 ಸಮುವೇಲನ ಪುಸ್ತಕವು ಅರಸನಾದ ದಾವೀದನ ಆಳ್ವಿಕೆಯ ದಾಖಲೆಯಾಗಿದೆ. ಈ ಪುಸ್ತಕವು ದಾವೀದನ ಒಡಂಬಡಿಕೆಯನ್ನು ಅದರ ಐತಿಹಾಸಿಕ ಸನ್ನಿವೇಶದಲ್ಲಿ ಕ್ರಮವಾಗಿಡುತ್ತದೆ. ದಾವೀದನು ಯೆರೂಸಲೇಮನ್ನು ಇಸ್ರಾಯೇಲ್ಯರ ರಾಜಕೀಯ ಮತ್ತು ಧಾರ್ಮಿಕ ಕೇಂದ್ರವಾಗಿ ಮಾಡಿದನು (2 ಸಮು 5:6-12; 6:1-17). ಯೆಹೋವನ ಮಾತು (2 ಸಮು 7:4-16) ಮತ್ತು ದಾವೀದನ ಮಾತುಗಳು (2 ಸಮು 23:1-7) ದೇವರಿಗೆ ಕೊಟ್ಟಿರುವ ಸಾಮ್ರಾಜ್ಯದ ಮಹತ್ವವನ್ನು ಒತ್ತಿ ಹೇಳುತ್ತದೆ. ಮೆಸ್ಸೀಯನ ಸಹಸ್ರವರ್ಷದ ಪ್ರಭುತ್ವವನ್ನು ಸಹ ಪ್ರವಾದನಾ ರೂಪವಾಗಿ ಸೂಚಿಸಲಾಗಿದೆ.

ಮುಖ್ಯಾಂಶ

ಏಕೀಕರಣ

ಪರಿವಿಡಿ

1. ದಾವೀದನ ಸಾಮ್ರಾಜ್ಯದ ಉದಯ — 1:1-10:19

2. ದಾವೀದನ ಸಾಮ್ರಾಜ್ಯದ ಪತನ — 11:1-20:26

3. ಅನುಬಂಧ — 21:1-24:25