2 ಅರಸು

2 ಅರಸುಗಳು

ಗ್ರಂಥಕರ್ತೃತ್ವ

1 ಅರಸುಗಳ ಮತ್ತು 2 ಅರಸುಗಳ ಪುಸ್ತಕಗಳು ಮೂಲತಃ ಒಂದೇ ಪುಸ್ತಕವಾಗಿದೆ. ಯೆಹೂದ್ಯ ಸಂಪ್ರದಾಯವು ಪ್ರವಾದಿಯಾದ ಯೆರೆಮೀಯನನ್ನು 2 ಅರಸಗಳ ಗ್ರಂಥಕರ್ತನನ್ನಾಗಿ ಪರಿಗಣಿಸುವಾಗ, ಇತ್ತೀಚಿನ ಸತ್ಯವೇದದ ಪಾಂಡಿತ್ಯವು ಈ ಕೃತಿಯು ಡ್ಯುಟೆರೊನೊಮಿಸ್ಟ್ಸ್ (ಹಳೆಯ ಒಡಂಬಡಿಕೆಯ ಮೊದಲ ಕೆಲವು ಪುಸ್ತಕಗಳ ಗ್ರಂಥಕರ್ತ ಅಥವಾ ಸಂಪಾದಕ) ಎಂದು ಕರೆಯಲ್ಪಡುವ ಅನಾಮಧೇಯ ಗ್ರಂಥಕರ್ತರ ಗುಂಪಿಗೆ ಸೇರಿದ್ದು ಎನ್ನುತ್ತಾರೆ. 2 ಅರಸುಗಳು ಧರ್ಮೋಪದೇಶಕಾಂಡದ ಪ್ರಧಾನ ವಿಷಯವನ್ನು ಅನುಸರಿಸುತ್ತದೆ: ದೇವರಿಗೆ ವಿಧೇಯತೆಯು ಆಶೀರ್ವಾದಗಳನ್ನು ಉಂಟುಮಾಡುತ್ತದೆ, ಅವಿಧೇಯತೆಯು ಶಾಪಗಳನ್ನು ಉಂಟುಮಾಡುತ್ತದೆ.

ಬರೆದ ದಿನಾಂಕ ಮತ್ತು ಸ್ಥಳ

ಸರಿಸುಮಾರು ಕ್ರಿ.ಪೂ. 590-538 ರ ನಡುವಿನ ಕಾಲದಲ್ಲಿ ಬರೆದಿರಬಹುದು.

ಮೊದಲನೆಯ ದೇವಾಲಯವು ಇನ್ನೂ ಇರುವಾಗಲೇ ಇದು ಬರೆಯಲ್ಪಟ್ಟಿತು (1 ಅರಸುಗಳು 8:8).

ಸ್ವೀಕೃತದಾರರು

ಇಸ್ರಾಯೇಲ್ ಜನರು, ಸತ್ಯವೇದದ ಎಲ್ಲಾ ಓದುಗಾರರು.

ಉದ್ದೇಶ

2 ಅರಸುಗಳ ಪುಸ್ತಕವು 1 ಅರಸುಗಳ ಪುಸ್ತಕದ ಮುಂದಿನ ಭಾಗವಾಗಿದೆ. ಇದು ವಿಭಜಿತ ಸಾಮ್ರಾಜ್ಯದ ಅರಸರ ಕಥೆಯನ್ನು ಮುಂದುವರಿಸುತ್ತದೆ (ಇಸ್ರಾಯೇಲ್ ಮತ್ತು ಯೆಹೂದ.) 2 ಅರಸುಗಳು ಅಂತಿಮ ಅಪಜಯದೊಂದಿಗೆ ಮತ್ತು ಇಸ್ರಾಯೇಲ್ ಜನರು ಅಶ್ಯೂರಕ್ಕೆ ಹಾಗೂ ಯೆಹೂದದ ಜನರು ಬಾಬಿಲೋನಿಗೆ ಗಡೀಪಾರು ಆಗುವುದರೊಂದಿಗೆ ಮುಕ್ತಾಯವಾಗುತ್ತದೆ.

ಮುಖ್ಯಾಂಶ

ಚದುರುವಿಕೆ

ಪರಿವಿಡಿ

1. ಎಲೀಷನ ಸೇವೆ — 1:1-8:29

2. ಅಹಾಬನ ವಂಶದ ಅಂತ್ಯ — 9:1-11:21

3. ಯೆಹೋವಾಷನಿಂದ ಇಸ್ರಾಯೇಲಿನ ಅಂತ್ಯದವರೆಗೆ — 12:1-17:41

4. ಹಿಜ್ಕೀಯನಿಂದ ಯೆಹೂದದ ಅಂತ್ಯದವರೆಗೆ — 18:1-25:30