Wagalatia

Usenga Unogile kama vuwandikigwe na

Wagalatia

Ulongozi

Chitabu cha Wagalatia chandikigwa na Msenga wa Mulungu Paulo 1:1. Ikala balua ija Paulo iyandike kwa mabumbila ga wamtogole Kilisito ga Wagalatia na yodahika ikala mmilao ya 48 mbaka 57 kulawa viyavumbuke Kilisito. Wagalatia wao ni wanhu wokala mmajimbo ga Waloma weli Galatia. Weli na ilimu hawavimanyile goya kua chipindi Paulo yokwandika balua ino kakalahi, mbali kae ya Efeso na Kolinto izo kae mbili zodahika uko yakalile. Paulo kawandikila wamtogole Kilisito, banzi zose mbili Wayahudi na waja haweli Wayahudi, mmabumbila ga wamtogole Kilisito weli Galatia. Paulo kandika hasa kwambuli ya kubela ufundaji wa uvwizi uja ulonga kua wamtogole Kilisito wolondeka kuwinza mahala ga Wayahudi kulawa Lagano da Umwaka, hasa kwambuli ya kwingila kumbi. Hana chibumbila cha wanhu mgati mwa wamtogole Kilisito kulawa Yuda woswangiza wamtogole Kilisito waja haweli Wayahudi wengile kumbi. Ivija wamkema Paulo kotumila udaho wa ki usenga wa Mulungu wingila mmauzo. Paulo kaugombela usenga wake wa Mulungu kwa kuwalongela gaja gamlawilile 1:11-2-14 na kaugombela Usenga Unogile kwa kufambula kua ulohozi wopatika kwa kumtogola Yesu Kilisito yaiyeka 2:16. Malawilo ga unovu uja Mulungu kowalagusila wanhu na sio gowasang'hana wanhu.

Galiumo

1. Paulo kasonga balua yake kwa kuwalamusa mabumbila ga wamtogole Kilisito gali uko Galatia. Muisula 1:1-5.

2. Amala Paulo kawafambulila vija viyakalile umwaka kuigombela kwa ufundaji wake wa kweli na kulagusa kua kageza kukala kwa kulongozigwa na ndagizi mbali iyo haigendile goya. Muisula 1:6-2-21.

3. Labaho Paulo kengila mgati ng'hani kufambula ndagizi viilonda na unovu wa Mulungu uli muulohozi. Muisula 3-4.

4. Amala Paulo kolava malagizo kwa wamtogole Kilisito wanogile viwalondeka kukala Muisula 5:6-10.

5. Paulo kakomeleza balua yake kwa kuwalaga na kuwapula seke waisemwe kua Mulungu yahakutenda umuhindukile kua munhu wa sambi icho chinhu goya ng'hani cha kukulongoza kulawa mgati, kubila kwingila kumbi. Muisula 6:11-18.