Waefeso

Usenga Unogile kama vuwandikigwe na

Waefeso

Ulongozi

Balua ka Waefeso yandikigwa chipindi chimwe na balua kwa Wakolosai milao sitini ibitile kulawa viyavumbuke Kilisito. Yandike kaitambula mwenyego kua ni Msenga Paulo 1:1. Weli na ilimu wengi waitogolela kua Paulo iyo yandike Waefeso hata yahawa hana ndamusi zimwenga za kumlamusa munhu hazioneka mui balua ya Wakolosai. Kwambuli ino ilondeka kuzunguluka mmabumbila ga wamtogole Kilisito gamwenga gali mmajimbo. Paulo ivija kawatagusila kua kakala mdigeleza chipindi yokwandika balua iyo 3:1, 4:1, na 6:20. Paulo kagala balua kubitila Tikiko muumwanza wake wa kuita kwa mabumbila ga wamtogole Kilisito gali Efeso 6:21,22. Kae ya Efeso ni kae ng'hulu ng'hani na ni kae ng'hulu ya Waloma mmajimbo ga isi ndodo ya Asia. Kae ya Efeso ikala yotogoligwa ng'hani kwa ng'anda ya mulungu wa chike kwa Wagiliki wa Atemi. Sang'hano 19:23-31. Mabumbila ga wamtogole Kilisito gali Efeso haumosi gakala gagangamale mbali hamwande galegela. Ugubulo 2:1-7. Nusu ya mosi ya balua ya Paulo, kafambula vija Mulungu viyawasagule Munhu wake na kuwalohola mmalozo kubitila Yesu Kilisito. Paulo kalinga bumbila da wamtogole Kilisito na lukuli hamwe na Kilisito kama ditwi na kuzenga na Kilisito kama dibwe kulu da usimikilo. Chihande cha kaidi ya chitabu Paulo kalava malagizo ga vija viwalondeka kukala waja wamtogole Kilisito.

Galiumo

Paulo kaitambula mwenyego na kuwalamusa Waefeso. Muisula 1:1-2

Amala kafambula viilondeka kukala goya na Kilisito kwa bumbila da wamtogole Kilisito. Muisula 1:3-3-21.

Labaho Paulo kandika viilondeka kukala hamwe kwa wamtogole Kilisito. Muisula 4:1-6-20.

Hachikomelezo Paulo kaweng'ha usenga wa malagizo ga kuwinza. Muisula 6:21-24.