2 Wakolinto

Usenga wa Mulungu kama vuwandikigwe na

Wakolinto

Ulongozi

Usenga wa 2 Wakolinto wandikgwa na msenga Paulo behi na milao ya 55 mbaka 56 viyavumbuke Kilisito muisula 1:1. Ino ni balua ya kaidi mwa zija balua mbili chilinazo zija yazandike Paulo kwa bumbila da wamtogole Kilisito wa uko Kolinto. Weli na ilimu wotogola kua baho haumwanduso Paulo kandika balua igangamale kwa wakolinto. Chabule nakala yake yoyose ya balua ino ija yoilagusa muisula ya 2:3-4. 2 Wakolinto wandikigwa haja Paulo viyakalile kuja Makedonia muisula 2:13. Usenga uli muibalua ya 2 Wakolinto ni usenga uiyeka uja wolagusa kua wa chiunhu ng'hani na wa kudumbiza. Paulo kolongelela deng'o jake kwambuli ya uja usenga unogile yaubokele kulawa kwa Tito uja wolongelela mbuli ya bumbila da wamtogole Kilisito wa uko Kolinto. Muibalua ino, chipata mafundo gagangamale gaja golawa mgamafundo ga chitabu cha lagano da sambi, haja Paulo viyalavile malagizo ga kuzambwila sente ili zisoligwe na kuwataza waja womtogola Mulungu wa uko Yelusalem muisula 8-9. Yooneka kua Walagusi wamwenga wa uvwizi kulawa kunze mdibumbila da wamtogole Kilisito wakala wotumila ubananzi wa wanhu wamwenga mdibumbila da wamtogole Kilisito waisang'hanile viwolonda kumbanga Paulo. Wakala wodumba kwa mbuli ya ukulu wa Paulo, uja umtendile iyo kugangamala na ukulu kamavija uja wa mlagusi Yesu Kilisito kubitila muukomelezo wa 2 Wakolinto.

Galiumo

1. Paulo muibalua yake kasonga kuwalamusa bumbila da wamtogole Kilisito muisula 1:1-7.

2. Lonzi zimwenga za Paulo kwambuli ya kuhindula kuita mmwanza wake na usenga yaubokele kwambuli yao na vija viwaubokele mui balua ija ilongole muisula 1:8-7-16.

3. Badili ya gago, Paulo kalava malagizo ga kuzambwila sente kwambuli ya wamtogole Kilisito wa uko Yelusalem 8:1-9-15.

4. Hachikomelezo, Paulo kalava wimilizi muulagusi na kalava kalikilo kwambuli ya Mwanza wake umwenga 10:1-13-10