ଗାଲାତି
Galatians
Introduction from this edition
ଗାଲାତୀୟ ମଣ୍ଡଳୀ ନିକଟକୁ ପ୍ରେରିତ ପାଉଲଙ୍କ ପତ୍ର
ଗାଲାତି ମଣ୍ଡଡ଼ିନ୍ ଆ ମନ୍ରାଜି ଆମଙ୍ ପାଓଲନ୍ ଇଡ୍ଲେ ଆରାପ୍ପାୟେନ୍ ଆ ସିଟି
ସନେକୁଲନ୍
କେନ୍ ଆ ସିଟି ପାଓଲନ୍ ଇଡ୍ଲେ ଗାଲାତିବାଜି ଆମଙ୍ ଆପ୍ପାୟେନ୍ । ଆସିଆ ସୋଡ଼ା ଡେସାନ୍ ଅର୍କାବଡ଼ିଗଡ୍ ଗାଲାତି ଡେସାନ୍ ଡକୋ । କ୍ରିସ୍ଟ ପୁର୍ବା ୨୦୦ ଇଙନ୍ ଗଲ୍ସମରଞ୍ଜି ଡ ସେଲ୍ଟମରଞ୍ଜି ତେତ୍ତେ ଡକୋଲଞ୍ଜି । ପାଓଲନ୍ ମନଙ୍ବରନ୍ ଅନପ୍ପୁଙ୍ବରନ୍ ଆସନ୍ ଆରିୟେନ୍ ଆଡିଡ୍ ତେତ୍ତେ ରୋମିଅ ରାଜାଞ୍ଜି ସାସନଏଞ୍ଜି
ପାଓଲନ୍ ଆର୍ଲୁମେନ୍ ଆ କାବ୍ବାଡ଼ାଜି ଡ ଆ ଡର୍ନେନ୍ ଆ ବର୍ନେଜି କେନ୍ ତେନ୍ନେ ଆଇଡିଡ୍ । ପାଓଲନ୍ କ୍ରିସ୍ଟାନୁନ୍ ଅଣ୍ଡ୍ରଙ୍ ମାୟ୍ନେନ୍ ଆଡିଡ୍ ଆନିନ୍ ଇନିଜି ଲୁମେନ୍, ତି ଆ ବର୍ନେଜି କେନ୍ ଆ ସିଟି ପଡ଼େଲନ୍ବୋ ଡେନ୍ ଜନାଲଙ୍ତନ୍ । ରଙ୍ କ୍ରିସ୍ଟାନୁମରଞ୍ଜି ଏଙ୍ଗାଲେ ତର୍ଡମ୍ ଅଲ୍ବାଡ୍ଡେନ୍, ଅଲ୍ଡୁସେନ୍ ଡେଏଞ୍ଜି, ତିଆଡିଡ୍ ପାଓଲନ୍ କେନ୍ ଆ ସିଟି ଇଡ୍ଲେ ଗାଲାତିବାଜି ଆମଙ୍ ଆପ୍ପାୟେନ୍ । ମନ୍ରାଞ୍ଜି ମୋସାନ୍ ଆ ବନାଁୟ୍ବର୍ ପଡ଼େଡାଲନ୍ ଇସ୍ୱରନ୍ ଆଅନ୍ ଅଃଡ୍ଡେଏଜି, ଆର୍ପାୟ୍ ଜିସୁ କ୍ରିସ୍ଟନ୍ ଆମଙ୍ ଡର୍ରଞ୍ଜି ଡେନ୍ ଆନିଞ୍ଜି ଇସ୍ୱରନ୍ ଆଅନ୍ ଡେତଜି, ଗାମ୍ଲେ ପାଓଲନ୍ କେନ୍ ଆ ସିଟିଲୋଙ୍ ଇଡେନ୍
ଗାଲାତି ମଣ୍ଡଡ଼ିଲୋଙନ୍ ଅଙ୍ଗା ମନ୍ରାଜି କଣ୍ଡାୟ୍ ଞନଙ୍ତିୟ୍ମରଞ୍ଜି ଆ ଞନଙ୍ ଅମ୍ଡଙ୍ଡାଲେ ଆଡର୍ନେଞ୍ଜି ଅବ୍ସେଡେଞ୍ଜି ତି ଆ ମନ୍ରାଞ୍ଜି ଆଜାଡ଼ି ତଙର୍ଗଡନ୍ ଆରି ଅନବ୍ୟର୍ନେନ୍ ଆସନ୍ ପାଓଲନ୍ କେନ୍ ଆ ସିଟି ଇଡେନ୍ । ପାଓଲନ୍ ଆନିନ୍ ଅବୟ୍ ଅନାପ୍ପାୟ୍ ଞଙ୍ନେମର୍, ମନ୍ରାଞ୍ଜିଆଡଙ୍ ମନଙ୍ବରନ୍ ଅନପ୍ପୁଙ୍ବରନ୍ ଆସନ୍ ଅନ୍ନିଙ୍ ଆ ମନ୍ରା ଆନିନ୍ଆଡଙ୍ ଅଃନ୍ନୋଡ୍ଡେଲୋ, ଇସ୍ୱରନ୍ ଆନିନ୍ଆଡଙ୍ ଓଡ୍ଡେଏନ୍ । ଆରି ଆନିନ୍ ଏର୍ଜିଉଦିମରଞ୍ଜି ଆମଙ୍ ମନଙ୍ବରନ୍ ଅନପ୍ପୁଙ୍ବରନ୍ ଆସନ୍ ଅନାପ୍ପାୟନ୍ ଡେଲୋ । ମନ୍ରାଞ୍ଜି ଜିସୁ କ୍ରିସ୍ଟନ୍ ଆମଙ୍ ଡର୍ରଞ୍ଜି ଡେନ୍ ଆମଙଞ୍ଜି ଡନୁଙ୍ୟମନ୍ ଗିୟ୍ତାତେ, କେନ୍ଆତେ କ୍ରିସ୍ଟାନୁମରଞ୍ଜି ଆସନ୍ ଅବୟ୍ ଅରମ୍ମଡନ୍ ।
ବଇନ୍ ଆ ପନାଲ୍ଲାଙ୍
୧. ଉନେବରନ୍ ।
୨. ପାଓଲନ୍ ଅବୟ୍ ଞଙ୍ନେମର୍ ।
୩. ଇସ୍ୱରନ୍ ଆ ସନାୟୁମ୍ ଆ ମନଙ୍ବର୍ ।
୪. କ୍ରିସ୍ଟାନୁମରଞ୍ଜି ଆସନ୍ ଅନମ୍ରେଙ୍ସାଡନ୍ ଡ ଆ କାବ୍ବାଡ଼ାଞ୍ଜି ।
୫. ଅନବ୍ସୁଜ୍ଜେବରନ୍ ।
ଆଜାଡ଼ି ତଙରନ୍. Copyright © 2020 The Word for the World International. Licensed under CC BY 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-10-25.