ନିମିଆ
Nehemiah
Introduction from this edition
ନିମିଆ
ନିମିଆ ବଇନ୍
ନିମିଆ ବଇନ୍ ଆସନେକୁଲ୍
ଏଜ୍ରାନ୍ ଡ ନିମିଆ ବଇଲୋଙନ୍ ଆଇଡିଡ୍ ଡକୋ ଇସ୍ରାଏଲଞ୍ଜି ପାରସ୍ୟନ୍ ଡ ବାବିଲୋନଲୋଙନ୍ ବନଣ୍ଡିନ୍ ଆଡ୍ରେନ୍ ସିଲଡ୍ ଏଙ୍ଗାଲେ ଇସ୍ରାଏଲଞ୍ଜିଆଡଙ୍ ୟର୍ନେନ୍ ଆସନ୍ ଅନଡ଼େନ୍ ତିୟେଞ୍ଜି । ଜିରୁସାଲମନ୍ ଆସରେବାସିଙ୍ ଆଗଡ଼ାତାଲ୍ ଏଙ୍ଗାଲେ ତଡ୍ରୁବନ୍ ଡେଏନ୍, ତି ଆସନ୍ ନିମିଆନ୍ ଇଃୟମ୍ଲେ ଡକୋଲନ୍ । ଲାଙ୍ଲେଡ୍ ବାଇବୋଲନ୍ ଆସାସ୍ତ୍ରମର୍ଜି ଡର୍ତଞ୍ଜି ଡ ଏଜ୍ରାନ୍ ୧ ପର୍ବନ୍ ଡ ୨ କେଜ୍ଜା ବଇଲୋଙନ୍ ଆଗରାମ୍ଗାମ୍ ଏଜ୍ରାନ୍ ଆରି ନିମିଆ ବଇ ଇଡେନ୍ ଆରି ଅଲ୍ବାରିଡେ । କେନ୍ଆତେ ଏଜ୍ରାନ୍ ଅଃନିଲନଙ୍ ଏତ୍ତେଲ୍ଡେନ୍ କେନ୍ ଆବଇ ଅଲ୍ବାରିଡେ । ନିମିଆନ୍ ଆବଇ ଲାଙ୍ଲେଡ୍ କ୍ରିସ୍ଟନ୍ ଅନ୍ରଙ୍ କୋଡେଞ୍ଜି ଆମ୍ମୁଙ୍ ଅନିଡନ୍ ଡେତେ ବନ୍ ।
ନିମିଆନ୍ ପାରସ୍ୟ ଅର୍ତକ୍ୟସ୍ତ ରାଜାନ୍ଆଡଙ୍ ଜନୋମଞ୍ଜି ଆପ୍ରାଙ୍ତିୟ୍ତେନ୍ ଆସେବା ଆକାବ୍ବାଡ଼ାମର୍ ଡକୋଏନ୍ ଆରି ଜିରୁସାଲମ ଗଡ଼ାନ୍ ଆ ଡରେଙ୍ନେତାଲନ୍ ଆବନାର୍ତୁବ୍ କାବ୍ବାଡ଼ାନ୍ ଆସନ୍ ଆନିନ୍ ଜିରୁସାଲମନ୍ ୟର୍ନେନ୍ ଆସନ୍ ଇୟ୍ଲେ ବରେ । କେନ୍ ଆବର୍ନେ ବନରନ୍ ଆସନ୍ ଅର୍ତକ୍ୟସ୍ତନ୍ ନିମିଆନ୍ଆଡଙ୍ ବାଞେନ୍ ଆରି ତୁକ୍କି ଆନିନ୍ ନିମିଆନ୍ଆଡଙ୍ ଜିରୁସାଲମନ୍ ଆତୁୟାୟ୍ରେଙ୍ ଜିଉଦାନ୍ ଆରାଜ୍ୟପାଡ଼ ଏମ୍ମେଲେ ତବ୍ନଙେଞ୍ଜି ୧୪:୧ । ଲାଙ୍ଲେଡ୍ ମନ୍ରାନ୍ ଜିରୁସାଲମନ୍ ୪୩୦ ଡରଙ୍ନେତାଲନ୍ ବନାର୍ତୁବନ୍ ଡେଡଙ୍ତଡ୍ ଗାମ୍ଲେ ନିମିଆନ୍ଆଡଙ୍ ଡନଙ୍ଡଙନ୍ ଆସନ୍ ଏରେଞ୍ଜିଗୋଜେଞ୍ଜି, ଇସ୍ୱରନ୍ ଆନିଞ୍ଜି ଅମ୍ପରା ଆଡ୍ରକୋଲଞ୍ଜି ଆସନ୍ ୫୨ ଡିନ୍ନାଲୋଙ୍ କାବ୍ବାଡ଼ାନ୍ ସାଡେଞ୍ଜି । ତିସିଲଡ୍ ଇସ୍ରାଏଲଞ୍ଜି ଆସନ୍ ଏଜ୍ରାନ୍ ନିମିଆନ୍ଆଡଙ୍ ଅବୟ୍ ରଙ୍ ସନିବ୍ଡେୟ୍ବରନ୍ ଆସନ୍ ସାୟ୍ସିଏଞ୍ଜି ।
ଏଜ୍ରା ବଇନ୍ ଆପନାଲ୍ଲାଙ୍
୧ ପର୍ବ ସିଲଡ୍ ୬ ପର୍ବ ଲୋଙନ୍ ଆଇଡିଡ୍ ଡକୋ ନିମିଆନ୍ ଏଙ୍ଗାଲେ ଜିରୁସାମନ୍ ୟର୍ରନାୟ୍ ଆରି ଜିରୁସାମନ୍ ଆ ଡରଙ୍ନେତାଲ୍ ବନାର୍ତୁବ୍ କାବ୍ବାଡ଼ାନ୍ ଲନୁମନ୍ ଆସନ୍ ଆମ୍ମୁଙ୍ଲନ୍ ଜିର୍ରାଜି ।
୨:୭ ପର୍ବ ସିଲଡ୍ ୧୩ ପର୍ବ ଲୋଙନ୍ ଇସ୍ରାଏଲଞ୍ଜି ଏଙ୍ଗାଲେ ଜିରୁସାମ ଗଡ଼ାଲୋଙନ୍ ଏଙ୍ଗାଲେ ଡକୋଲଞ୍ଜି ଆରି ଇସ୍ୱରନ୍ ଆବନାଁୟ୍ବର୍ ଆରି ବତର ମନ୍ନେଏଞ୍ଜି ତିଆତେ ଆଇଡିଡ୍ ଡକୋ ।
Juray Soura Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.