Juray Soura Bible
ପର୍ତମ୍ମୁ 5
ଆଦମନ୍ ଆକେଜ୍ଜା
ଆଦମନ୍ ଆକେଜ୍ଜା ଆବର୍ନେ । ଅଙ୍ଗା ଆଡିଡ୍ ଇସ୍ୱରନ୍ ମନ୍ରାନ୍ଆଡଙ୍ ଗଡ଼େଏନ୍, ତି ଆଡିଡ୍ ଇସ୍ୱରନ୍ ଆଗୁନଡମନ୍ ଅନ୍ତମ୍ ଆନିଞ୍ଜିଆଡଙ୍ ଗଡ଼େଏନ୍ । ଓବ୍ବାମରନ୍ ଡ ଆଇମରନ୍ ଏମ୍ମେଲେ ଆନିନ୍ ଆନିଞ୍ଜିଆଡଙ୍ ଗଡ଼େଏନ୍, କି ଆନିଞ୍ଜିଆଡଙ୍ ଆସିର୍ବାଦଏଞ୍ଜି, ଆରି ଆଞୁମନ୍ “ମନ୍ରା” ଆଦମ ଗାମ୍ଲେ ଅବ୍ଞୁମେନ୍ । ଆଦମନ୍ ବସଅ ତିରିସି ବର୍ସେଙ୍ ଆଡ୍ରେନ୍ ଆଡିଡ୍, ଆନିନ୍ଡମ୍ ଅନ୍ତମ୍ ଅବୟ୍ ଓବ୍ବାସିଜନ୍ କୋଡେନ୍, ଆରି ଆଞୁମନ୍ ସେତ ଗାମ୍ଲେ ଅବ୍ଞୁମେନ୍ । ସେତନ୍ଆଡଙ୍ କୋଡେଞ୍ଜି କି ଆଦମନ୍ ଆଟସଅ ବର୍ସେଙ୍ ଡକୋଡାଲନ୍ ଆରି ଓବ୍ବାସିଜନ୍ ଡ ଆଇସିଜନ୍ଆଡଙ୍ କୋଡେଞ୍ଜି । ଆଦମନ୍ ନଅସଅ ତିରିସି ବର୍ସେଙ୍ ଡକୋଡାଲନ୍ ଆନିନ୍ ରବୁଏନ୍ ।
ସେତନ୍ ବସଅ ମନ୍ଲୟ୍ ବର୍ସେଙ୍ ଆଡ୍ରେନ୍ ଆଡିଡ୍, ଆନିନ୍ ଅବୟ୍ ଓବ୍ବାସିଜନ୍ କୋଡେନ୍, ଆଞୁମନ୍ ଇନୋସ ଅବ୍ଞୁମେନ୍, ସେତନ୍ ଆଟସଅ ସାତ ବର୍ସେଙ୍ ଡକୋଡାଲନ୍ । ଆରି ଆନିନ୍ ଓବ୍ବାସିଜନ୍ ଡ ଆଇସିଜନ୍ କୋଡେଞ୍ଜି ଆରି ସେତନ୍ ନଅସଅ ବାର ବର୍ସେଙ୍ ଡକୋଡାଲନ୍ ରବୁଏନ୍ ।
ଇନୋସନ୍ ଉଞ୍ଜିକୁଡ଼ି ଦସ ବର୍ସେଙ୍ ଡକୋଡାଲନ୍, ଆନିନ୍ ଅବୟ୍ ଓବ୍ବାସିଜନ୍ କୋଡେନ୍, ଆଞୁମନ୍ କଇନାନ, ଆରି ଇନୋସନ୍ ଆଟସଅ ପନ୍ଦର ବର୍ସେଙ୍ ଡକୋଡାଲନ୍ । ଆନିନ୍ ଓବ୍ବାସିଜନ୍ ଡ ଆଇସିଜଞ୍ଜି କୋଡେଞ୍ଜି ଆରି ଏନୋସନ୍ ନଅସଅ ମନ୍ଲୟ୍ ବର୍ସେଙ୍ ଡକୋଡାଲନ୍ ଆନିନ୍ ରବୁଏନ୍ ।
ୟାକୁଡ଼ି ଦସ ବର୍ସେଙ୍ଲୋଙ୍ କଇନାନନ୍ ଅବୟ୍ ଓବ୍ବାସିଜନ୍ କୋଡେଞ୍ଜି, ଆଞୁମନ୍ ମଅଲ୍ଲେଲ । ଆଟସଅ ବାକୁଡ଼ି ବର୍ସେଙ୍ ଡକୋଲନ୍ । ଆରି ଆନିନ୍ ଓବ୍ବାସିଜନ୍ ଡ ଆଇସିଜଞ୍ଜି କୋଡେଞ୍ଜି । ଆରି ନଅସଅ ଦସ ବର୍ସେଙ୍ ଡକୋଡାଲନ୍ ଆନିନ୍ ରବୁଏନ୍ ।
ୟାକୁଡ଼ି ମନ୍ଲୟ୍ ବର୍ସେଙ୍ଲୋଙ୍ ମଅଲଲେଲନ୍ ଜେରଦନ୍ଆଡଙ୍ କୋଡେଞ୍ଜି, ମଅଲଲେଲନ୍ ଆଟସଅ ତିରିସି ବର୍ସେଙ୍ ଡକୋଲନ୍ । ଆରି ଆନିନ୍ ଓବ୍ବାସିଜନ୍ ଡ ଆଇସିଜଞ୍ଜି କୋଡେଞ୍ଜି ଆରି ଆନିନ୍ ଆଟସଅ ଉଞ୍ଜିକୁଡ଼ି ପନ୍ଦର ବର୍ସେଙ୍ ଡକୋଡାଲନ୍ ରବୁଏନ୍ ।
ବସଅ ୟାକୁଡ଼ି ବାଗୁ ବର୍ସେଙ୍ଲୋଙ୍ ଜେରଦନ୍ ଅନୁକନ୍ଆଡଙ୍ କୋଡେନ୍, ଜେରଦନ୍ ଆଟସଅ ବର୍ସେଙ୍ଲୋଙ୍ ଆନିନ୍ ଆରି ଓବ୍ବାସିଜନ୍ ଡ ଆଇସିଜଞ୍ଜି କୋଡେନ୍ ଜେରଦନ୍ ନଅସଅ ୟାକୁଡ଼ି ବାଗୁ ବର୍ସେଙ୍ ଡକୋଡାଲନ୍ ଆନିନ୍ ରବୁଏନ୍ ।
ଅନୁକନ୍ ୟାକୁଡ଼ି ମନ୍ଲୟ୍ ବର୍ସେଙ୍ଡେନ୍ କି ଅନୁକନ୍ ମତୁସେଲନ୍ଆଡଙ୍ କୋଡେନ୍ । ମତୁସେଲଅନ୍ କୋଡେଞ୍ଜି କି ଅନୁକନ୍ ୟାଗିସଅ ବର୍ସେଙ୍ ଜାୟ୍ ଡର୍ନେନ୍ ବାତ୍ତେ ଇସ୍ୱରନ୍ଆଡଙ୍ ସଣ୍ଡୋଙେନ୍ ଆରି ଆନିନ୍ ଓବ୍ବାସିଜନ୍ ଡ ଆଇସିଜନ୍ କୋଡେଞ୍ଜି । ଅନୁକନ୍ ୟାଗିସଅ ୟାକୁଡ଼ି ମନ୍ଲୟ୍ ବର୍ସେଙ୍ ଡକୋଲନ୍ । ଅନୁକନ୍ ଡର୍ନେନ୍ ବାତ୍ତେ ଇସ୍ୱରନ୍ଆଡଙ୍ ସଣ୍ଡୋଙେନ୍, ଆରି ଆନିନ୍ ମାୟାଏନ୍1, ଇନିଆସନ୍ଗାମେଣ୍ତେନ୍ ଇସ୍ୱରନ୍ ଆନିନ୍ଆଡଙ୍ ଓରୋଙେନ୍ ।
ମତୁସେଲଅନ୍ ବସଅ ଉଞ୍ଜିକୁଡ଼ି ସାତ ବର୍ସେଙ୍ ଡେଏନ୍ କି, ଆନିନ୍ ଆରି ଅବୟ୍ ଓବ୍ବାସିଜନ୍ କୋଡେନ୍, ଆଞୁମନ୍ ଲେମକ, ଲେମକନ୍ ସାତସଅ ଉଞ୍ଜିକୁଡ଼ି ବାଗୁ ବର୍ସେଙ୍ ଡକୋଲନ୍ । ଆରି ଆନିନ୍ ଓବ୍ବାସିଜନ୍ ଡ ଆଇସିଜନ୍ କୋଡେନ୍ ନଅସଅ ୟାକୁଡ଼ି ନ ବର୍ସେଙ୍ ଡକୋଡାଲନ୍ ମତୁସେଲଅନ୍ ରବୁଏନ୍ । ଲେମକନ୍ ବସଅ ଉଞ୍ଜିକୁଡ଼ି ବାଗୁ ବର୍ସେଙ୍ଲୋଙ୍ ଅବୟ୍ ଓବ୍ବାସିଜନ୍ କୋଡେନ୍, ଆନିନ୍ ଆଞୁମନ୍ ନୋଅ ଅବ୍ଞୁମେନ୍ କି ବର୍ରନେ, “ଅଙ୍ଗା ଆଲବ ଇସ୍ୱରନ୍ ସୟ୍ପଏନ୍ ଞେନ୍ ତି ଆଲବଲୋଙ୍ ଏକାବ୍ବାଡ଼ାତନାୟ୍” କେନ୍ ଆପସିୟ୍ ଞେନ୍ଆଡଙ୍ ବବ୍ୟୋତଲେ । ନୋଅନ୍ କୋଡେଞ୍ଜି କି ଲେମକନ୍ ମନ୍ଲୟ୍ସଅ ଉଞ୍ଜିକୁଡ଼ି ପନ୍ଦର ବର୍ସେଙ୍ ଡକୋଲନ୍ । ଆରି ଆନିନ୍ ଓବ୍ବାସିଜନ୍ ଡ ଆଇସିଜନ୍ କୋଡେଞ୍ଜି ସାତସଅ ୟାକୁଡ଼ି ସତ୍ର ବର୍ସେଙ୍ ଡକୋଡାଲନ୍ ଲେମକନ୍ ରବୁଏନ୍ । ଆରି ନୋଅନ୍ ମନ୍ଲୟ୍ସଅ ବର୍ସେଙ୍ ଡେଏନ୍ କି, ଆନିନ୍ ୟାଗି ଓବ୍ବାସିଜନ୍ କୋଡେନ୍ ଆଞୁମଞ୍ଜି ସେମ, ଆମ, ଡ ଜେପତ ।
Source notes (1)
- Footnote ଅଗ୍ଗିୟ୍ତାଲୋ
Juray Soura Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.