Juray Soura Bible
ଏଜ୍ରା 2
ବାବିଲ୍ ସିଲଡ୍ ଆୟର୍ରନାଜଞ୍ଜି ଆ ମନ୍ରଞ୍ଜି ଆ ତାଲିକା
(ନିଇମିଆ 7:4-73)
ଅଙ୍ଗାମନ୍ରାଞ୍ଜି ବଣ୍ତିଲେ ଓରୋଙେଞ୍ଜି ତି ଆମନ୍ରାଜି ଲୋଙ୍ସିଲଡ୍ ଆନିଞ୍ଜିଲୋଙ୍ ଆନାଡେସାବାଜି ଆରି ଗୋଗୋୟ୍ନେ ଜିରୁସାଲମନ୍ ଡ ଜିଉଦା ଡେସାବାଜି ରମ୍ମଙ୍ ରମ୍ମଙ୍ ଆଡେସା ୟର୍ରଞ୍ଜି । ରାଜା ନବୁକଦ୍ନିତ୍ସରନ୍ ଆନିଞ୍ଜିଆଡଙ୍ ବଣ୍ଡିଲେ ଆରୋରୋଙେଞ୍ଜି ଆଡିଡ୍ ସିଲଡ୍ ଆ କୁତ୍ତାମାଞ୍ଜି ବାବିଲୋନ ଡେସାଲୋଙନ୍ ବଣ୍ଡିଲେ ଡକୋଲଞ୍ଜି । କେନ୍ ଆସୋଡ଼ାମରଞ୍ଜି ଡକୋଏଞ୍ଜି ଜିରୁବାବିଲନ୍, ଜେସୁୟନ୍, ନିଇମିୟାନ୍, ସରାୟନ୍, ରିୟେଲାୟନ୍, ମର୍ଦକୟନ୍, ବିଲ୍ସନନ୍, ମିସ୍ପରନ୍, ବିଗ୍ବୟନ୍, ରଉମନ୍ ଡ ବାନାଞ୍ଜି ସରିନ୍ ୟର୍ରନାଜି । ଇସ୍ରାଏଲନ୍ କେଜ୍ଜାମର୍ରଜି ଆଡନିଡି କେନ୍ ଏନେଲେ, ପରିୟୋସନ୍ ଆଅନ୍ଜି ବାଗୁ ଅଜାର ବସଅ ୟାକୁଡ଼ିବାର ମନ୍ରା । ସପଟିଅନ୍ ଆଅନ୍ଜି ୟାଗି ସଅ ୟାକୁଡ଼ିବାର ମନ୍ରା । ଆରଅରନ୍ ଆ ଅନ୍ଞ୍ଜି ସାତ ସଅ ୟାକୁଡ଼ିପନ୍ଦର ମନ୍ରା । ଜେସୁଅନ୍ ଡ ଜୋଆବନ୍ ଆ ଅନଞ୍ଜି ଆମଙ୍ଲୋଙ୍ ସିଲଡ୍ ପଅତ୍-ମୋୟାବନ୍ ଆଅନ୍ ବାଗୁ ଅଜାର ଆଟ ସଅ ବାର ମନ୍ରା । ଏଲମନ୍ ଆଅନ୍ଜି ବଅଜାର ବାଗୁ ସଅ ବାକୁଡ଼ିସଉଦ ମନ୍ରା । ସତ୍ତୁରନ୍ ଆଅନ୍ଜି ନ ସଅ ବାକୁଡ଼ିମନ୍ଲୟ୍ ମନ୍ରା । ସକ୍କୟନ୍ ଆଅନ୍ଜି ସାତ ସଅ ୟାକୁଡ଼ି ମନ୍ରା । ବାନିନ୍ ଆଅନ୍ଜି ତୁଡ୍ରୁ ସଅ ବାକୁଡ଼ିବାଗୁ ମନ୍ରା । ବେବୟନ୍ ଆଅନ୍ଜି ତୁଡ୍ରୁ ସଅ ତେଇସି ମନ୍ରା । ଅସ୍ଗଦନ୍ ଆଅନ୍ଜି ବଅଜାର ବାଗୁ ସଅ ବକୁଡ଼ିବାଗୁ ମନ୍ରା । ଅଦୋନିକମ୍ ଆଅନ୍ଜି ତୁଡ୍ରୁ ସଅ ୟାକୁଡ଼ିତୁଡ୍ରୁ ମନ୍ରା । ବିଗ୍ବୟନ୍ ଆଅନ୍ଜି ବାଗୁ ଅଜାର ବାକୁଡ଼ିସୋଡ଼ ମନ୍ରା । ଆଦିନନ୍ ଆଅନ୍ଜି ଉଞ୍ଜି ସଅ ବାକୁଡ଼ିଉଞ୍ଜି ମନ୍ରା । ଇଜକିଅନ୍ ଆ କେଜ୍ଜା ଆକନୋକୋଡ୍ ଆଟେରନ୍ ଆଅନ୍ ଉଞ୍ଜିକୁଡ଼ିଅଟର ମନ୍ରା । ବେତ୍ସୟନ୍ ଆଅନ୍ ୟାଗି ସଅ ବକୁଡ଼ିୟାଗି ମନ୍ରା । ଜୋରାଅନ୍ ଆଅନ୍ ବସଅ ବାର ମନ୍ରା । ଅସୁମନ୍ ଆଅନ୍ ବାଗୁ ସଅ ବାକୁଡ଼ିୟାଗି ମନ୍ରା । ଗିବରନ୍ ଆଅନ୍ ବାକୁଡ଼ିପନ୍ଦର ମନ୍ରା । ବେତଲିମନ୍ ଗଡ଼ାନ୍ ଆମନ୍ରାଜି ବସଅ ବକୁଡ଼ିୟାଗି ମନ୍ରା । ନଟୋପାନ୍ ଗଡ଼ାନ୍ ଆମନ୍ରା ବାକୁଡ଼ିସୋଡ଼ ମନ୍ରା । ଅନାତୋତ୍ତନ୍ ଗଡ଼ାନ୍ ଆମନ୍ରା ବସଅ ବକୁଡ଼ିଆଟ ମନ୍ରା । ଅସ୍ମାବତନ୍ ଆଅନ୍ ବାକୁଡ଼ିବାଗୁ ମନ୍ରା । କିରିୟତ୍-ଜିୟାରିମନ୍1 ଡ କପିରାନ୍ ଡ ବେରୋତନ୍ ଆଅନ୍ ସାତ ସଅ ବାକୁଡ଼ିୟାଗି ମନ୍ରା। ରାମାନ୍ ଡ ଗେବାରନ୍ ଆଅନ୍ଞ୍ଜି ତୁଡ୍ରୁ ସଅ ବକୁଡ଼ିଅବୟ୍ ମନ୍ରା । ମିକ୍ମସ ଗଡ଼ାନ୍ ଆମନ୍ରା ବସଅ ବାକୁଡ଼ିବାଗୁ ମନ୍ରା । ବେତେଲନ୍ ଡ ଅୟନ୍ ଗଡ଼ାନ୍ ଆମନ୍ରା ବାଗୁ ସଅ ତେଇସି ମନ୍ରା । ନବୋରନ୍ ଆଅନ୍ଞ୍ଜି ବାକୁଡ଼ିବାର ମନ୍ରା । ମଗ୍ବିସନ୍ ଆଅନ୍ ବସଅ ବାକୁଡ଼ିସୋଡ଼ ମନ୍ରା । ଆନ୍ନା ଏଲମନ୍ ଆଅନ୍ ବଅଜାର ବାଗୁ ସଅ ବାକୁଡ଼ିସଉଦ ମନ୍ରା । ଆରିମନ୍ ଆଅନ୍ ୟାଗି ସଅ ବକୁଡ଼ି ମନ୍ରା । ଲୋଦନ୍, ଆଦିଦନ୍ ଡ ଓନୋନ୍ ଆଅନ୍ ସାତ ସଅ ବକୁଡ଼ିମୟ୍ଲୟ୍ ମନ୍ରା । ଜିରିଓ ଗଡ଼ାନ୍ ଆଅଞ୍ଜି ୟାଗି ସଅ ବାକୁଡ଼ିମନ୍ଲୟ୍ ମନ୍ରା । ସନାୟାର ଗଡ଼ାନ୍ ଆଅଞ୍ଜି ୟାଗି ଅଜାର ତୁଡ୍ରୁ ସଅ ତିରିସି ମନ୍ରା । ଆୟର୍ରନାଞଞ୍ଜି ଆ ରାଓଡ଼ାଞ୍ଜି ଆଡନିଡି ଜେସୁୟନ୍ ଆକେଜ୍ଜା ଜିଦୟିଅନ୍ ଆଅନ୍ ନ ସଅ ୟାକୁଡ଼ିତେର ମନ୍ରା । ଇମ୍ମେରନ୍ ଆଅନ୍ ବଅଜାର ବାକୁଡ଼ିବାର ମନ୍ରା । ପସ୍ଉରନ୍ ଆଅନ୍ ବଅଜାର ବାଗୁ ସଅ ବାକୁଡ଼ିସାତ ମନ୍ରା । ଆରିମନ୍ ଆଅନ୍ ବଅଜାର ସତ୍ର ମନ୍ରା । ଆୟର୍ରନାଞଞ୍ଜି ଆ ଲେବିୟଜି ଆକେଜ୍ଜା ଆଞୁମ୍ ଡ ଆଡନିଡି ଓଦବିଅନ୍ ଆକେଜ୍ଜା ଜେସୁଅନ୍ ଡ କଦ୍ମିୟେଲନ୍ ଆଅନ୍ ୟାକୁଡ଼ିସଉଦ ମନ୍ରା । ଆୟର୍ରନାଞଞ୍ଜି ଆ କନନ୍ମର୍ଜି ଆଡନିଡି; ଆସପନ୍ ଆଅନ୍ ବସଅ ବକୁଡ଼ିଆଟ ମନ୍ରା । ସରେବାସିଙନ୍ ଆ ଜନଗ୍ଗେମର୍ଜି ଆଡନିଡି; ସଲୁମନନ୍, ଆଟେରନ୍, ଟଲମନ୍, ଅକ୍କୁବନ୍, ଅଟିଟାନ୍, ସୋବୟନ୍ ଆକେଜ୍ଜାଜି ଅଡ଼୍କୋନ୍ ମାୟ୍ମାୟ୍ଲେ ବସଅ ବକୁଡ଼ିଅଣିସ୍ ମନ୍ରା । ସରେବାସିଙନ୍ ସେବା କାବ୍ବାଡ଼ାନ୍ ଆର୍ଲୁମେଞ୍ଜି ଆମନ୍ରାଜି ଆଡିନିଡି; ସିଅରନ୍, ଅସୁପାନ୍, ଟବାୟୋତନ୍ ଆ କେଜ୍ଜାମର୍ଜି କେରୋସନ୍, ସିୟରନ୍, ପାଦୋନରନ୍ ଆ କେଜ୍ଜାମର୍ଜି; ଲବାନାନ୍, ଅଗାବରନ୍, ଅକ୍କୁବନ୍ ଆକେଜ୍ଜାଜି; ଆଗାବରନ୍, ସମ୍ଲୟନ୍, ଆୟୋଙନ୍ ଆନନ୍ର ଆକେଜ୍ଜାଜି; ଗିଦେଲନ୍, ଗଅରନ୍, ରାୟାନ୍ ଆକେଜ୍ଜାଜି; ରତ୍ସିନରନ୍, ନକୋଦନ୍, ଗସମର ଆକେଜ୍ଜାଜି; ଉସନ୍, ପାସେଅନ୍, ବେସୟନ୍ ଆକେଜ୍ଜାଜି; ଅସ୍ନାରନ୍, ମିଅନିମରନ୍, ନପିସିମରନ୍ ଆକେଜ୍ଜାଜି; ବକ୍ବୁକରନ୍, ଅକୁପାନ୍, ଅଉରନ୍ ଆକେଜ୍ଜାଜି; ବସ୍ଲୁତରନ୍ ଆଅଞ୍ଜି, ମଇଦାରନ୍ ଆଅଞ୍ଜି, ଅର୍ସାରନ୍ ଆକେଜ୍ଜାଜି; ବର୍କୋସନ୍, ସିସରାନ୍, ତେମହନ୍ ଆକେଜ୍ଜାଜି; ନତ୍ସିଅରନ୍, ଅଟିପାରନ୍ ଆକେଜ୍ଜାଜି । ସଲୋମନନ୍ ଆକମ୍ୱାରିଜି ଆଅନ୍ଞ୍ଜି ସୋଟୟନ୍, ଅସୋପେରତନ୍, ପରୁଦାନ୍ ଆ କେଜ୍ଜାମର୍ଜି; ଜାଲାରନ୍, ଦର୍କୋନନ୍, ଗିଦେଲନ୍ ଆ କେଜ୍ଜାମର୍ଜି; ସପଟିଅରନ୍, ଅଟିଲରନ୍, ପୋକେରତନ୍-ଅତ୍ସବାଇମରନ୍, ଆମିରନ୍ ଆକେଜ୍ଜାଜି; ସରେବାସିଙନ୍ ସେବା କାବ୍ବାଡ଼ା ମରଞ୍ଜି ଡ ସଲୋମନନ୍ ଆକମ୍ୱାରିଜି ଆଅଞ୍ଜି ଅଡ଼୍କୋନ୍ ମାୟ୍ମାୟ୍ଲେ ୟାଗି ସଅ ବୟାନବେ ମନ୍ରା । ଆରି ତେଲ୍-ମେଲଅ, ତେଲ୍-ଅର୍ସା, କେରୁବ, ଅଦନ ଡ ଇମ୍ମେରନ୍, କେନ୍ ଆଡ୍ରକୋନେ ଗଡ଼ାନ୍ ସିଲଡ୍ ଆନାଜି ଜିର୍ରାଜି, ଆନିଞ୍ଜି ଇସ୍ରାଏଲମର୍ଜି ଗାମ୍ଲେ ତର୍ଡମ୍ ତର୍ଡମ୍ ଆପ୍ପେୟଞ୍ଜି ଆକେଜ୍ଜା ଡ କେଜ୍ଜାମର୍ରଲେଞ୍ଜି ଗାମ୍ଲେ ରପ୍ତି ଅନବ୍ଇଡିଲନ୍ ଅଃର୍ରପ୍ତିଲଜି ଲାଙ୍ଲେଡ୍ ମନ୍ରାଞ୍ଜି କେନ୍, ଆମଙ୍ଲୋଙଞ୍ଜି ସିଲଡ୍ ଦଲଇଅନ୍, ଟୋବିଅନ୍, ନକୋଦରନ୍ ଆକେଜ୍ଜାଜି ତୁଡ୍ରୁ ସଅ ବାକୁଡ଼ିବାର ମନ୍ରା । ରାଓଡ଼ାଞ୍ଜି ଆଅଞ୍ଜି ଆମଙ୍ଲୋଙ୍ ସିଲଡ୍ ଅବାୟନ୍, ଉକ୍କୁସରନ୍, ବର୍ସିଲ୍ଲୟରନ୍ ଆକେଜ୍ଜାଜି ଡକୋଏଞ୍ଜି, କେନ୍ ଆ ବର୍ସିଲ୍ଲୟରନ୍ ଗିଲିଅଦିଅନ୍ ବର୍ସିଲିୟନ୍ ଅବୟ୍ ଆ ଡାଙ୍ଗଡ଼ିଅନ୍ଆଡଙ୍ ବିବାଡାଲନ୍ ଆଞୁମନ୍ ତୁମ୍ ଅଡ଼୍କୋମନ୍ରାନ୍ ଜନାଜି । କେନ୍ଆନିଞ୍ଜି ତର୍ଡମ୍ ଆକେଜ୍ଜା ଆନିଡଲ୍ ସାଜେଞ୍ଜି ବନ୍ଡ ଅଃଞାଙ୍ଲଜି; ତିଆସନ୍ କେନ୍ଆନିଞ୍ଜି ଏର୍ମଡ଼ିର୍ଗାମ୍ଲେ ଡନିନ୍ଡେଏନ୍ ଆରି ରାଓଡ଼ା କାବ୍ବାଡ଼ାନ୍ ଲୁମ୍ଲେ ଅଃରପ୍ତିଲଜି । ଆରି ଜିଉଦାନ୍ ଆରାଜ୍ୟପାଡ଼ନ୍ ଆନିଞ୍ଜିଆଡଙ୍ ବରେଞ୍ଜି, ଉରିମନ୍ ଡ ତୁମ୍ମିମନ୍ ରାଓଡ଼ା ଅର୍ରଙ୍ଡୁଙ୍ନାଞନ୍ ଜାୟ୍ ଆନିଞ୍ଜି ଇସ୍ୱରନ୍ ଆମଙ୍ ମଡ଼ିର୍ ଆଜନୋମ୍ଜି ଜୋମ୍ଲେ ଅଃରପ୍ତିଏଜି । ଆରି, ଆବଜାଗାନ୍ ଅଡ଼୍କୋନ୍ ମାୟ୍ଲେ ବାକୁଡ଼ିବାଗୁ ଅଜାର ୟାଗି ସଅ ୟାକୁଡ଼ି ମନ୍ରା ୟର୍ରନାଜି । ଆ କମ୍ୱାରିମରଞ୍ଜି ଡ ଆ କମ୍ୱାରିବଜଞ୍ଜି ସାତ ଅଜାର ୟାଗି ସଅ ବକୁଡ଼ିସତ୍ର ମନ୍ରା ଡକୋଏଞ୍ଜି । ଆରି କେନ୍ଆନିଞ୍ଜି ଅମ୍ରେଙ୍ଲେ ଆରି ବାଗୁ ସଅ ଆ କନନ୍ମରଞ୍ଜି ଡ ଆ କନନ୍ବଜଞ୍ଜି ଡକୋଏଞ୍ଜି । ଆ କୁର୍ତାଞ୍ଜି ସାତ ସଅ ସତିସି; ବାଗୁ ସଅ ବାକୁଡ଼ିମନ୍ଲୟ୍ କସରନ୍; ଉଞ୍ଜି ସଅ ପଞ୍ତିରିସି ଓଟନ୍; ତୁଡ୍ରୁ ଅଜାର ସାତ ସଅ ବକୁଡ଼ି ଗୋଡୋଁୟନ୍ ଡକୋଏଞ୍ଜି । ତି ସିଲଡ୍ଲନ୍ ଆପ୍ପେୟନ୍ ଆ କେଜ୍ଜାଲୋଙ୍ ସିଲଡ୍ ଲାଙ୍ଲେନେ ସୋଡ଼ାମରଞ୍ଜି ଜିରୁସାଲମ ପ୍ରବୁନ୍ ଆ ସରେବା ସିଂଲୋଙନ୍ ଅଡ଼ୋଏଞ୍ଜି, ଇସ୍ୱରନ୍ ଆ ସରେବାସିଂ ଆରି ଆତନୁବ୍ ଆସନ୍ ଇସ୍ସୁମ୍ ତନିୟ୍ତିୟ୍ ତିୟେଞ୍ଜି । କେନ୍ ଆକାବ୍ବାଡ଼ା ଆସନ୍ ଆନିଞ୍ଜି ରମ୍ମଙ୍ ରମ୍ମଙ୍ ଆରନପ୍ତିଞ୍ଜି ଅନ୍ତମ୍ ତନିୟ୍ତିୟନ୍ ତିୟେଞ୍ଜି । ତି ଆ ତନିୟ୍ତିୟନ୍ ଅଡ଼୍କୋନ୍ ମୟ୍ଲୟ୍ ଅଜାର କେଜି ସୁନ୍ନାନ୍, ବାଗୁ ଅଜାର ଆଟସଅ କେଜି ରୁପାନ୍, ଆରି ରାଓଡ଼ାଞ୍ଜି ଆସନ୍ ବସଅ ସିନ୍ରିନ୍ ତିୟେଞ୍ଜି ।
ରାଓଡ଼ାଞ୍ଜି, ଲେବିୟଞ୍ଜି ଡ ଲାଙ୍ଲେଡ୍ ମନ୍ରାଞ୍ଜି ଜିରୁସାଲମନ୍ ଆରି ଆତୁୟାୟ୍ରେଙ୍ ଡକୋଲଞ୍ଜି, କନନ୍ମରଞ୍ଜି, ସରେବାସିଙନ୍ ଆ ଜନଗ୍ଗେମର୍ଜି, ସରେବାସିଙନ୍ ଆତନ୍ରୁବ୍ମର୍ଜି, ନତନିଅଞ୍ଜି ରମ୍ମଙ୍ ଆ ଗଡ଼ାରେଙନ୍ ଡକୋଲଞ୍ଜି ଆରି ଲାଙ୍ଲେଡ୍ ଇସ୍ରାଏଲ୍ମରଞ୍ଜି ରମ୍ମଙ୍ ପୁର୍ବାଃ ଆ ଜୋଜୋଞ୍ଜି ଆଗଡ଼ାରେଙ୍ ଡକୋଲଞ୍ଜି ।
Source notes (1)
- Footnote କିରିୟତ୍-ଜିୟାରିମ୍ ଅଡ଼େ କିରିୟତ୍-ୟାରିମ୍
Juray Soura Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.