1 Timoteo 2

1Kuite gwa ung'wandyo nuaaya ehi, inonee malompi nedua, nemaombezi, nilumbi atendeke kunsoko aantu ehi, 2kunsoko atemi nawa ehi niakete uuhumi, kina kuhumekikie mulikalo nulaupolo nuukilagi muuhueli wihi nikulyo. 3Ile iza hange legombekili ntongeela ang'wi Tunda muguni witu. 4Insula akwe nuanso iantu eki aguneke hange alinge itai. 5Kunsoko ukole Itunda ungwi, hange ukole muhungi ung'we nung'wi Tunda nukuantu inge u Yesu Kilisto. 6Aewipumilye ung'wenso anga mukomoli kuaehi, anga muheng'wa kumatungo napikile. 7Kunsoko eye, une unene aentendilwe numutuungwa nuankani ninziza hange numitumi, kutambula itai. Singakutambula iuiteele. Une nimumanyisi waantu nianyakilungu muuhueli nuatai. 8Inge gwa, ntakile iagoha kela kianza alompe nukuhumbula imikono ezekutile anga ikuo nukuailya. 9Uu uu, ntakile iasungu ikunekile eang'wenda negombekile, kikulyo nukigilya. Ezeagila imasingi nasukile, ang'wi zahabu, ang'wi lutu, ang'wi angwenda niansailo nkulu. 10Hange nakile atugale iang'wenda niakuakumbaiasungu niitambule uuchaji kukeila intendo niza. 11Umusungu nuamanye mukianza kaukulu hange nukugomba ehi. 12Singa numugombilye umusungu kumanyisa, ang'wi kutula nuuhumi kumogohekwe inge wikie nukianza kaukilaji. 13Kunsoko uadamu aeuumbilwe ng'wandyo, ueva wikimalinkilya. 14Uadamu singaaukongewe, kuite umusungu aukongewe lukulu nukupiluka. 15Ata uu, ukugunwa kukiela kutuga eana, ang'wi akulongoleka muuhueli nuulowa hange numuogigwi nimahala nimaza.