Alumi

Ibada lang'wa Paʉlo kʉ

ALUMI

NTONGEELA

Ntongeela ibada kʉ Alumi. Ibada kʉ Alumi lɨhumɨlile lɨandɨkilwe nʉ Mitʉmi Paʉlo mʉng'waka nʉwa 54 nɨ 58 naɨyakɨla kʉtugwa ʉ Kilisito. Matungo nanso, Paʉlo aɨwakɨlɨ kʉpika kʉ Lumɨ, kʉlʉlo aɨʉtʉmile ibada ɨlɨ kisɨgo nɨla kʉalɨngasa Antʉ ɨhi nɨamʉhʉɨɨe ʉ Kilisito naɨishiɨ kʉ kɨsalɨ ka Lumi, Ayahudi nawa nɨshanga Ayahudi. Paʉlo aɨwandikile ibada ɨlɨ wazeʉkolɨ kʉ kɨsalɨ ka Kolinto kʉko aɨwishiɨ matungo nanso. Aɨʉtambʉe ibada ɨlɨ waze ʉloilwe antʉ nɨshanga Ayahudi amʉhʉɨɨle nʉkʉmija ʉ Kilisito 16:26. Ibada nɨla Alumi ingɨ kɨaɨɨlya iza kʉ Antʉ nɨamʉhʉɨɨe ʉ Kilisito nɨa mahɨɨ ɨhi nɨ matungo ɨhi, kʉ itɨ ʉ Paʉlo nʉkumʉʉe kɨhenga ʉgunwa nɨkʉhumile kʉʉlija kʉkɨɨla kʉng'wa Kilisito. Paʉlo ʉikʉɨnkanilye iza Nkani Nza niyang'wa Kilisito ni Ilago nɨla Kalɨ. Asomi ɨdʉ ahʉɨɨe kɨna lʉkɨɨlɨ nʉlimɨkɨɨe nʉkʉtambʉla nkani nɨyibada ɨlɨ ingɨ lʉkɨɨlɨ nʉla 1:16 nʉlʉandɨkile, “Ʉnene shanga kʉhung'wa minyala kʉtanantya Nkani Nza, kʉnsoko Nkani Nza ingɨ ʉhumi wang'wi Itunda nʉɨleta ʉguni kʉ antʉ ɨhi nɨakʉhʉɨɨla ʉ Ysesʉ, kandɨɨlya Ayahudi sʉnga antʉ nɨshanga Ayahudi.” Ng'wandyo nʉ wibada nɨla Alumi kandɨɨlya mʉlango nʉwa 1-12 lɨkenkile makani makʉlʉ hangɨ a kʉlʉ kʉʉlʉ naʉmanyisi wang'wi Itunda, nɨla kabɨɨlɨ mibada ɨlɨ kandɨɨlya mʉlango nʉwa 13-15 lɨkete ʉganʉlwa wɨdʉ nʉwa ʉtendi nʉ likalo nʉla Kɨkilisito kʉ ntendo yɨhi.

Namolɨ:

Paʉlo anga nɨkʉmizɨɨe wandilye kʉandɨka ibada lakwe kitambʉla ʉng'wenso, nʉkʉlʉnga ʉkʉaandɨkɨla antʉ kɨɨ. Mʉlango nʉwa 1:1-15.

Paʉlo ʉlongolekile kʉandɨka mʉntʉ nɨ mʉnyamɨlandʉ nʉwɨlɨ nɨ itɨ nʉhumile kʉgunwa kʉkɨɨla Kilisito. Mʉlango nʉwa 1:16-11-36.

Sʉnga Paʉlo ʉkʉlɨngasa kʉntendo mʉitakɨwe kɨshiɨ antʉ nɨamʉhʉɨɨe ʉ Kilisito. Mʉlango nʉwa 12:1-15-13.

Paʉlo ʉmaɨɨye kʉandɨka ibada nɨla kʉ Alumi kʉpumya mɨlamʉ kʉ antʉ ang'wɨ nɨakolɨ mʉahʉɨɨli a kʉ Lumi 16.