Agalatia

BALɄA A MITɄMI PAɄLO KɄ

AGALATIA

Ntongeela akwe

Mbʉgʉlʉ ɨyɨ na kʉ Agalatia aɨandɨkilwe nʉ Mitʉmi Paʉlo. 1:1. Ɨyɨ ingɨ balʉa nʉ Paʉlo aɨʉandɨkɨe antʉ nɨamʉhʉɨɨe ʉ Kilisito nɨakolɨ kʉ Galatia mʉng'waka makʉmi annɨ na mʉnana nɨ makʉmi ataano na mʉpungatɨ kʉpuma kʉtugwa kʉng'wa Kilisito. Yihumɨkile Agalatia aɨishiɨ mʉkɨsalɨ ka Galatia naɨkɨtemilwe nɨ Alumi. Asomi shanga alɨngile itungo kɨɨ Paʉlo naɨʉkʉandɨka ɨbalʉa ɨyɨ, ɨdʉao mʉasomi nɨanso ahʉɨɨe kɨna ʉ Paʉlo aɨwandɨkɨe kʉ kɨsalɨ ka Epeso ang'wɨ kʉ kɨsalɨ ka Kolinto.

Paʉlo aɨwandɨkile ɨbalʉa ɨyɨ ʉ antʉ nɨamʉhʉɨɨe ʉ Kilisito nɨamolɨ nkɨka akʉ Galatia nɨ Ayahudi ang'wɨ shanga Ayahudi. Aɨwandɨkile kʉhita ʉmanyisi nʉwa ʉteele nʉʉtakile antʉ nɨakʉmʉhʉɨɨe ʉ Kilisito atyate malagɨɨlyo a Kɨyahudi namolɨ milago nɨla kalɨ anga kʉtalwa kiganda kʉtyata malagɨɨlyo ang'wa Mʉsa. Aɨlɨmolɨ antʉ nɨamʉhʉɨɨe ʉ Kilisito naɨakiitanga Ayʉda ɨkaze ʉmɨɨlya ɨahʉɨɨli nɨshanga Ayahudi atalwe kiganda kʉtyata malagɨɨlyo ang'wa Musa. Hangɨ, ɨantʉ nɨanso ɨkazesosha kɨna ʉ Paʉlo ʉligɨye pɨ ʉhumi nʉwa kʉtula mitʉmi. Paulo wɨkikoola ʉwitʉmi wakwe wazenononsola mpola yakwe nkeehʉ 1:11-214, hangɨ wɨkakoola ni Nkani Nza wazeganʉla kɨna ʉʉgunwi ʉhumile kigela kʉnzɨla akʉmʉhʉɨɨla ʉ Yesʉ Kilisito 2:16. Ʉmalɨnkɨɨye kʉlʉnga ʉkende wang'wi Itunda nʉ ʉgunwi shanga ʉsanilye ntendo niya antʉ.

Namolɨ:

Paulo wandɨɨlye balʉa akwe kʉalamʉsha antʉ nɨahʉɨɨli nɨa kʉ Galatia 1:1-5.

Sʉnga Paʉlo ʉnononsoe makani makeehʉ kʉpuma mʉaya naɨʉkɨɨe wahume kikoola ʉgombeki wakwe nʉwa kʉmanyisa wazekamɨnkɨɨlya kɨna aɨʉgemile kishiɨ wɨkaze ʉtyatile malagɨɨlyo ingɨ yɨkamʉlema 1:6-2-21.

Hangɨ ʉganʉe nangalʉ ɨlyoma nɨla malagɨɨlyo nʉ ʉkende nʉʉkolɨ mʉʉgunwi 3:4:

Sʉnga ʉganʉe kʉkɨɨla mʉ nkani yɨhi kʉlagɨɨla mʉntʉ nʉmʉhʉɨɨe ʉ Kilisito nʉtakɨwe kishɨ likalo nʉlʉza 5:6-10.

Paʉlo ʉmaɨɨye ɨbalʉa akwe kʉpumya mɨlamʉ nʉ kʉakɨmbʉsha kɨna kʉpɨʉlwa ni Itunda nʉkʉtula mʉntʉ nʉmʉpya iza nangalu kʉkɨla kʉtyata malagɨɨlyo ni ntendo niakʉnzi, anga kʉtalwa kiganda kutyata malagɨɨlyo ang'wa Musa. 6:11-18.