Aepeso

Balʉa a mitʉmi Paʉlo kʉ

AEPESO

Ntongeela akwe

Balua a kʉ Epeso aɨyandɨnkanigwe itungo lɨng'wɨ nɨ balʉa a kʉ Kolosai mʉng'waka nʉwa wa Sitini kʉpuma Kilisito naɨʉtugilwe. Paʉlo ʉkikoola ʉng'wenso kɨna ng'wenso aɨwandɨkile balʉa ɨyɨ 1:1. Asomi ɨdʉ agombile kɨna Paʉlo aɨwandɨkile balʉa kʉ Aepeso, palʉng'wɨ kɨna balʉa ɨyɨ ngila anga mɨlamʉ akwe anga naɨyɨlɨ mʉbalʉa a Akolosai. Kʉnsoko ɨyɨ, aɨyɨhumɨkile aɨitakɨwe ɨtalwe kʉ madale kitʉnga a antʉ nɨamʉhʉɨɨe Kilisito naɨ akolɨ mʉkɨsalɨ nɨkanso. Hangɨ, Paʉlo ʉkʉganʉla kɨna aɨʉkolɨ mʉkadulumu itungo naɨʉandɨkile balʉa ɨyɨ 3:1, 4:1, nɨ 6:20. Paʉlo aɨʉmʉpee balʉa ɨyɨ Tikiko naɨʉkʉagendela antʉ nɨamʉhʉɨe Kilisito nɨakʉ Epeso 6:21,22

Epeso aiza kɨsalɨ nɨkɨkʉlʉ hangɨ Ikʉlʉ mʉʉtemi nʉwa Lumi mʉ kɨsalɨ ka Asia nɨniino. Epeso ɨɨkumʉkile kʉ nyʉmba amʉlʉngʉ naɨandɨigwe nʉ mʉlʉngʉ nʉwakɨsʉngʉ nʉwa Kɨyunani naɨwitangilwe Alitemi. Ntendo 19: 23-31. Antʉ nɨamʉhʉɨɨe ʉ Kilisito nɨamolɨ kʉ Epeso pang'wandyo aɨakete ɨngulu ingɨ panyambele ikiɨwa. Ʉkunʉkʉlwa 2: 1-7.

Mikinda nɨla ng'wandyo mʉbalʉa ɨyɨ Paʉlo ʉkʉganʉla anga ni Itunda naɨʉahoile antʉ nʉkʉaguna kʉpuma mʉ mɨlandʉao kʉkɨɨla Yesʉ Kilisito. Paʉlo ʉkʉimpyana antʉ nɨamʉhʉɨɨe Kilisito nʉ mʉɨlɨ, nʉ Kilisito anga itwe lakwe. Hangɨ ʉkʉimpyaia antʉ nɨamʉhʉɨɨe Kilisito nɨ nyʉmba, nʉ Kilisito anga igwe nɨlɨambɨɨe nyʉmba nanso. Mikinda nɨla kabɨlɨ nɨla balʉa ɨyɨ, Paʉlo ʉkʉlɨngasa antʉ nɨamʉhʉɨɨe Kilisito nɨatakɨwe kishiɨ.

Namolɨ

Paʉlo wandilye kikoola nʉkʉalamʉsha Aepeso. 1: 1-2

Sʉnga ʉkʉganʉla mʉhangʉ nʉwa a antʉ nɨamʉhʉɨɨe Kilisito. 1:3-3-21.

Ʉlongolekile kʉandɨka wazelagɨɨla antʉ nɨamʉhʉɨɨe ʉ Kilisito nɨatakɨwe kɨshiɨ. 4:1-6-20.

Sʉnga Paʉlo ʉkʉmaɨɨlya ʉkʉganʉla nkani niya kʉmaɨɨlya. 6:21-24.