2 Balʉa akabɨɨlɨ Mbugulu a Akolinto

Akolinto

Ntongeela akwe

Balʉa ɨyɨ nakabɨɨlɨ kʉ Akolonto ɨandɨkilwe nʉ mitʉmi Paʉlo mʉtʉʉng'wa mʉ ng'waka nʉwa makʉmi ataano na itaano nɨ makʉmi ataano na mʉpungatɨ kʉpuma nʉwatugɨwe ʉ Kilisito 1:1. Balʉa ɨyɨ ingɨ yɨpalʉng'wɨ mʉbalʉa naɨyandɨkilwe nʉ Paʉlo kʉ antʉ nɨamʉhʉɨɨe Kilisito nɨakolɨ kʉ Kolinto. Asomi ahʉɨɨe kɨna Paʉlo aɨʉandɨkɨe Akolinto ɨbalʉa nɨkete nkani nkakʉ itungo iniino wazewakɨlɨ kandɨka ɨbalʉa nɨ nkaku. Kɨagila anga ʉkɨmbʉkɨɨlyo wɨhi nʉwa balʉa nanso mitʉmi Paʉlo naɨ ʉkʉmɨtambʉla mʉ mʉlango 2:3,4. Ihumɨkile ʉ Paʉlo aɨwandɨkile ɨbalʉa akabɨɨlɨ naɨ ʉkolɨ kʉ Mkedonia 2:13.

Balʉa akabɨlɨ kʉ Akolinto ingɨ ɨsa nɨ nzʉya kʉnsoko ɨtambʉe makani dʉ nang'wa Paʉlo palʉng'wɨ nɨ masɨgo akwe. Paʉlo ʉkʉganʉla ʉlowa kʉnsoko nkani nza niya antʉ nʉamʉhʉɨɨe Kilisito nɨakolɨ kʉ Kolinto nʉsɨngɨɨye kʉpuma kʉng'wa Tito. Mʉbalʉa ɨyɨ, kʉʉlija ʉmanyisigwa ʉkʉlʉ antʉ nɨɨatakɨwe kʉpumya anga Ilago Nipya nɨlɨlagɨɨye, nɨɨza mʉng'wakwe ʉ Paʉlo ʉkʉlagɨɨlya kʉnsoko akʉhangʉlya mpia ahume kʉaaɨɨlya antʉ nɨamʉhʉɨɨe ʉ Kilisito nɨakolɨ kʉ Yelusalemu 8-9. Yilagɨɨe kɨna itʉmi aʉteele nɨang'wɨ nɨshanga antʉ nɨamʉhʉɨɨe ʉ Kilisito ɨkatʉmɨla ʉbɨ naɨalekeye antʉ nɨamʉhʉɨɨe ʉ Kilisito aleke kʉmʉhʉɨɨla Paʉlo, kisɨgo nɨla kikʉlya ɨenso. Ɨkagema kʉatenda antʉ akankanyale kʉhʉɨɨla ʉhumi wang'wa Paʉlo, ikani naɨlɨmʉtendile Paʉlo watʉmɨle nkani niyikete ngulu mʉʉmaɨɨlyo nʉwa balʉa ɨyɨ kʉkaminkɨɨlya ʉhumi wakwe anga mitʉmi wang'wa Yesʉ Kilisito.

Namolɨ

Paʉlo ʉkandya kandɨka balʉa akwe kʉlilamʉsha antʉ nɨamʉhʉɨɨe Kilisito 1:1-7.

Sʉnga Paʉlo ʉkʉligitɨlya ʉkaɨlɨki waihambi nʉwamɨhɨnzo akwe, nɨ nkani yao naɨwɨgule kʉ a Kolinto nʉʉsʉkɨɨlyo wao kʉ balʉa akwe nang'wandyo 1:8-7-16.

Naɨ yakɨla pang'wanso, Paʉlo wɨkalagɨɨlya ʉhangʉlyi wampia kʉaaɨɨlya antʉ nɨamʉhʉɨɨe Kilisito nɨakolɨ kʉ Yelusalemu 8:1-9-15.

Paʉlo ʉkʉmaɨɨlya balʉa akwe kʉʉkʉɨɨla witʉmi wakwe, hangɨ ʉkʉhʉgʉlya kʉ mʉhɨnzo wakwe naɨwahumbeela 10:1-13-10.