Biblica® Libre Ang Pulong Sang Dios

Salmo 123

Pangamuyo para sa Kaluoy sang Dios

Ang kanta samtang nagapasaka.

Ginoo, nagapangamuyo1 ako sa imo,

sa imo nga nagapungko sa trono dira sa langit.

Subong nga ang ulipon nagahulat nga hatagan siya sang iya amo ukon ama,

kami nagahulat man nga buligan mo, Ginoo nga amon Dios, hasta nga kaluoyan mo kami.

Kaluoyi kami, Ginoo, kay sobra na ang pag-insulto sa amon.

Sobra na ang pagyaguta sa amon sang mga tawo nga nagapatawhay-tawhay lang kag mga bugalon.

Source notes (1)

Footnote nagapangamuyo: sa literal, nagatan-aw

Biblica® Libre Ang Pulong Sang Dios. Copyright © 1996, 2006, 2011, 2022 Biblica, Inc. Licensed under CC BY-SA 4.0. Ang “Biblica”, kag ang Biblica logo mga trademark nga ginrehistro sang Biblica, Inc sa United States Patent and Trademark Office. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.