Dagiti Salmo 61

1O Dios, denggem ti asugko ken ipangagmo ti kararagko. 2Umawagak kenka manipud iti pagpatingaan ti daga no madagdagsenan ti pusok; iturongnak iti bato a nangatngato ngem siak. 3Ta sika ti salaknibko, natibker a torre manipud kadagiti kabusor. 4Agnanayonto nga agtalinaedak iti tabernakulom; agkamangak iti salukob dagiti payyakmo. Selah 5Ta nangngegmo O Dios dagiti sapatak; intedmo kaniak iti tawid nga ipaaymo koma kadagidiay a mangpadayaw iti naganmo. 6Paatiddogem ti biag ti ari, agbalinto a kas kapaut dagiti henerasion ti tawenna. 7Agnanayonto nga agtalinaed isuna iti sangoanan ti Dios. 8Agnanayonto nga agkantaak iti pagdayaw iti naganmo tapno inaldaw a maaramidko dagiti sapatak.