Yuuda

Ɨnyarʉbha ya

Yuuda

Ʉbhʉkangati

Ɨnyarʉbha yɨnʉ yandikirwɨ na Yuuda, umwabhʉ Yaakobho. Bhabhɨrɨ bhayo bhaarɨ bhanyi bhʉ Ʉmʉkʉrʉ Yɨɨsu. Yuuda akaandɨka ɨnyarʉbha yɨnʉ igʉrʉ wa abhaatʉ bhʉʉsi.

Yuuda akeenda kwandɨka ɨnyarʉbha yɨnʉ, korereke agambɨ igʉrʉ wɨ ɨngʼana yʉ ʉbhʉsabhuri. Nawe kʉrɨngʼaana na amangʼana obhorebhe ganʉ gaarɨ mʉmasengerero ga zisikʉ ziyo, akahama Abhakiriisitʉ igʉrʉ wa amiija gʉ ʉrʉrɨmɨ. Arabhabhʉʉrɨra bhaangɨ amiija ga abhiija bhʉ ʉrʉrɨmɨ bhanʉ bhaarɨ bhasikiirɨ kwa mbisi gatɨ waabhʉ. Abhiija bhayo bhaarɨ bhariija, Abhakiriisitʉ bhangʼehe kokora ʉbhʉbhɨ, kʉ kʉbha ubhutuurya bhʉrabhoneka kʉbhɨgʉngi bhya Mungu. Na bharaanga ʉmʉkangati ʉmʉkʉrʉ Yɨɨsu Kiriisitʉ. Yuuda aragambɨra ebherenjo bhyʉ Ʉbhʉragɨ bhwɨ Ɨkarɨ kʉkandikija Abhakiriisitʉ, bhangʼehe kugwata amaheene igʉrʉ wa Mungu nɨ Ɨngʼana Ɨnzʉmu igʉrʉ wa Yɨɨsu, chɨmbu bhiigwirɨ kurwa kʉbhatumwa bha Yɨɨsu.