Abụ Ọma 131

Abụ nrigo, nke Devid.

Abụ nke ndị dị nwayọọ nʼobi

1O Onyenwe anyị, nganga adịghị nʼobi m,

ndụ mpako abụkwaghị ọchịchọ m;

adịghị m etinye onwe m nʼokwu karịrị m

maọbụ nʼihe ndị dị ukwuu karịa m.

2Ma ana m edere duu, mkpụrụobi m nọkwa jụụ;

dịka nwantakịrị a napụrụ ara, ya na nne ya nọ,

e, dịka nwantakịrị a napụrụ ara, otu a ka mkpụrụobi m nọ nʼime m.

3Ndị Izrel, ka olileanya unu dịrị na Onyenwe anyị1

ugbu a na mgbe niile ebighị ebi.